தமிழக அரசியல் களத்தில் இப்போது ஒரு புதிய விவாதம் அனலைக் கிளப்பி வருகிறது. பிரபல நடிகர் தனுஷ் விரைவில் புதிய அரசியல் கட்சி தொடங்கி 2031 ஆம் ஆண்டு தேர்தலை எதிர்கொள்ளத் திட்டமிட்டுள்ளதாகத் தகவல்கள் வெளியாகி உள்ளன. ஆனால், அவர் இந்த முடிவைச் சுயேச்சையாக எடுக்கவில்லை என்றும், இதற்குப் பின்னணியில் பாரதிய ஜனதா கட்சி திட்டமிட்டுச் செயல்பட்டு வருவதாகவும் அரசியல் விமர்சகர்கள் பகிரங்கமாகக் குற்றம்சாட்டி வருகின்றனர். இது மாநிலம் முழுவதும் பெரும் பரபரப்பை ஏற்படுத்தியுள்ளது.
கடந்த காலத்தில் ரஜினிகாந்தை வைத்துத் தமிழக அரசியலில் காலூன்ற பாஜக மேற்கொண்ட முயற்சிகள் அனைத்தும் தோல்வியில் முடிந்தன. ரஜினிகாந்த் அரசியலுக்கு வர மாட்டேன் என்று தெளிவாக விலகிக் கொண்டார். அதன்பிறகு அக்கட்சியின் மாநிலத் தலைவராக இருந்த அண்ணாமலையை முன்னிறுத்திப் பார்த்தனர், அவரும் தற்போது தனது சொந்தப் பாதையில் இயங்கத் தொடங்கியுள்ளார். இதனால் தமிழகத்தில் தங்களுக்கு உகந்த மாற்று முகத்தைத் தேடிய பாஜக, சூர்யா உள்ளிட்ட பல முன்னணி நடிகர்களிடம் வலை விரித்துப் பார்த்தது. ஆனால், யாரும் அந்த வலையில் சிக்காத நிலையில், தற்போது நடிகர் தனுஷ் அந்தத் திட்டத்திற்குச் சம்மதித்துள்ளதாகத் தெரிகிறது.
தனுஷின் சமீபத்திய படங்கள் படுதோல்வி அடைந்த போதிலும், அவருக்குத் தேசிய விருதுகள் வழங்கப்பட்டதிலிருந்தே பாஜகவுக்கும் அவருக்கும் இடையேயான ரகசிய நெருக்கம் உறுதியாகிவிட்டதாக விமர்சகர்கள் சுட்டிக்காட்டுகின்றனர். ரஜினிகாந்த் கையில் எடுத்த அதே ஆன்மீக அரசியலைத் தனுஷும் முன்னெடுக்கத் திட்டமிட்டுள்ளார் என்பதற்கான அறிகுறிகள் வெளிப்படையாகத் தெரிய ஆரம்பித்துள்ளன. சமீபகாலமாக அவர் தனது பேச்சுகளிலும் பொதுவெளியிலும் ‘ஓம் நமசிவாயா’ போன்ற வார்த்தைகளையும் ஆன்மீக சிந்தனைகளையும் தொடர்ந்து பேசி வருவது இந்த யூகத்திற்கு மேலும் வலுசேர்க்கும் வகையில் அமைந்துள்ளது.
தமிழகத்தில் எப்படியாவது ஆட்சியைப் பிடித்துவிட வேண்டும் என்ற நீண்டகாலத் திட்டத்துடனும், தொலைநோக்குப் பார்வையுடனும் பாஜக செயல்பட்டு வருவதாகக் கூறப்படுகின்றது. ரஜினிகாந்தின் ஆன்மீக அரசியல் எடுபடாத காரணத்தினாலும், அண்ணாமலை தனது சொந்தப் பாதையில் செல்வதாலும், இப்போது தனுஷை புதிய காயாக பாஜக நகர்த்திப் பார்ப்பதாக நெட்டிசன்கள் சமூக வலைதளங்களில் கடுமையாக விமர்சித்து வருகின்றனர். “வந்தா மலை, இல்லாட்டி…” என்ற ரீதியில் தனுஷை வைத்துத் தமிழக அரசியலில் ஒரு கை பார்க்க பாஜக திட்டமிட்டுள்ளதாகப் பலரும் கருத்து தெரிவித்து வருகின்றனர்.
தனுஷின் அரசியல் பிரவேசத்திற்குப் பின்னால் ஆர்.எஸ்.எஸ் மற்றும் பாஜக கைகள் இருப்பதாகக் கூறப்படும் குற்றச்சாட்டுகள் இணையத்தில் வைரலாகி வருகின்றன. “பாஜக எந்த வடிவத்தில் வந்தாலும், தங்கள் முகமூடியை அவர்களால் முழுமையாக மறைக்க முடியாது” என்று நெட்டிசன்கள் தனுஷின் ஆன்மீகப் பேச்சுகளைச் சுட்டிக்காட்டி வெளுத்து வாங்கி வருகின்றனர். மொக்கையான படங்களுக்குத் தேசிய விருதுகளை அள்ளித் தந்துவிட்டு, இப்போது அவர்களை அரசியல் களத்திற்கு இறக்குவதாகவும் வெளிப்படையாகக் குற்றச்சாட்டுகள் முன்வைக்கப்பட்டு வருகின்றன.
எத்தனை முகமூடிகளை அணிந்து கொண்டு வந்தாலும், தமிழக மண்ணில் பாஜகவால் எப்போதுமே வேரூன்ற முடியாது என்பதை அக்கட்சியினர் இன்னும் புரிந்து கொள்ளவில்லை என்பதே தற்போதைய அரசியல் களத்தின் நிதர்சனமாகவுள்ளது. நடிகர் தனுஷை முன்னிறுத்தி பாஜக நடத்தும் இந்த மறைமுக அரசியல் நாடகம் தமிழக மக்களிடம் எத்தகைய தாக்கத்தை ஏற்படுத்தப் போகிறது என்பதையும், 2031 தேர்தலில் இது எந்த அளவுக்கு எடுபடும் என்பதையும் காலம்தான் தீர்மானிக்க வேண்டும்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
