2026 தமிழக சட்டமன்றத் தேர்தல் வாக்குப்பதிவு முடிந்து முடிவுகளுக்காக காத்திருக்கும் இந்த வேளையில், வாக்களித்த மக்கள் ஒரு மாபெரும் மௌன புரட்சியை செய்துவிட்டு அமைதியாகத் தங்களின் அன்றாட பணிகளை கவனிக்க தொடங்கிவிட்டனர். ஆனால், சில கருத்துக்கணிப்பு நிறுவனங்கள் பணத்திற்காக எக்சிட் போல் என்ற பெயரில் ஒரு விளையாட்டை தொடங்கி, பொதுமக்களிடையே தேவையற்ற குழப்பத்தை உருவாக்கி வருகின்றன.
இத்தகைய நிறுவனங்கள் மக்களின் உண்மையான மனநிலையை பிரதிபலிக்கிறதா அல்லது குறிப்பிட்ட தரப்பிற்கு சாதகமானச் சூழலை உருவாக்குகிறதா என்ற சந்தேகம் அரசியல் விமர்சகர்களிடையே எழுந்துள்ளது. வாக்கு இயந்திரங்களுக்குள் முடங்கி கிடக்கும் மக்களின் தீர்ப்பு என்ன என்பது இன்னும் சில தினங்களில் வெளிச்சத்திற் வரப்போகிறது.
தமிழக வெற்றிக் கழகம் போன்ற புதிய அரசியல் சக்திகளின் வருகையால் இந்த முறை போட்டி என்பது பலமுனை போட்டியாக மாறியுள்ளது. வழக்கமாக இரு திராவிட கட்சிகளுக்குள்ளேயே சுழலும் அதிகார மையத்தை உடைக்க மக்கள் மௌனமாக திட்டமிட்டுச் செயல்பட்டிருப்பது கள நிலவரங்களில் தெரிகிறது. எக்சிட் போல்கள் ஒரு மாய பிம்பத்தை உருவாக்க முயன்றாலும், உண்மையில் எளிய மக்களின் வாக்குகள் எத்தகைய மாற்றத்தை ஏற்படுத்தப்போகிறது என்பதை எந்தவொரு நிறுவனத்தாலும் துல்லியமாக கணிக்க முடியவில்லை. மக்கள் அமைதியாக தங்கள் வேலையை பார்த்தாலும், அவர்கள் கொடுத்த தீர்ப்பு தேர்தல் முடிவுகளில் ஒரு மிகப்பெரியச் சுனாமியாக உருவெடுக்கும் என்று எதிர்பார்க்கப்படுகிறது.
மே 4-ஆம் தேதி காலை 8 மணி வரை இந்த நரேட்டிவ் எனப்படும் கருத்துருவாக்க விளையாட்டு தொடர்ந்து கொண்டேதான் இருக்கும். ஒரு குறிப்பிட்ட கட்சிதான் முன்னிலையில் இருக்கிறது, அவர்களே ஆட்சி அமைப்பார்கள் என ஊடகங்கள் வாயிலாக தொடர்ச்சியான பிரச்சாரங்கள் முன்னெடுக்கப்படும். இத்தகைய செயல்பாடுகள் நடுநிலை வாக்காளர்களை குழப்பவும், தொண்டர்களின் மன உறுதியை சிதைக்கவும் செய்யப்படும் ஒரு தந்திரமாகவே பார்க்கப்படுகிறது. ஆனால், இந்த திட்டமிட்ட நரேட்டிவ் அனைத்தும் தேர்தல் முடிவுகள் வெளியா தொடங்கும் அந்த தருணம் வரை மட்டுமே நீடிக்கும் என்பது நிதர்சனம்.
வாக்கு எண்ணிக்கை தொடங்கும் மே 4-ஆம் தேதி காலை 8 மணிக்கு மேல், இந்த போலியான கணிப்புகள் மற்றும் நரேட்டிவ் விளையாட்டுகள் அனைத்தும் முடிவுக்கு வரும். மக்கள் யாருக்கு அதிகாரத்தை வழங்கியிருக்கிறார்கள் என்பது அதிகாரப்பூர்வமாக தெரியவரும் போது, இதுவரை கூச்சலிட்டு கொண்டிருந்த நிறுவனங்களின் ஆட்டம் ‘குளோஸ்’ ஆகிவிடும். ஒரு புதிய அரசியல் மாற்றத்திற்காக காத்திருக்கும் தமிழக இளைஞர்கள் மற்றும் பெண்களின் வாக்குகள், பழைய அரசியல் முறைகளுக்கு ஒரு முற்றுப்புள்ளி வைக்கும் விதமாக அமையும். அன்றுதான் தவெக போன்ற கட்சிகளின் உண்மையானப் பலம் மற்றும் மக்களின் விசுவாசம் உலகிற்குத் தெரியவரும்.
முடிவாக, 2026 தேர்தல் என்பது வெறும் ஆட்சி மாற்றம் மட்டுமல்ல, அது தமிழக மக்களின் அரசியல் முதிர்ச்சியைப் பறைசாற்றும் ஒரு நிகழ்வாகும். காசுக்காக செயல்படும் சில நிறுவனங்களின் கணிப்புகளை தூக்கி எறிந்துவிட்டு, மக்கள் வழங்கிய தீர்ப்பை அனைவரும் ஏற்றுக்கொள்ளும் காலம் கனிந்துவிட்டது. விஜய் தலைமையிலான தமிழக வெற்றி கழகம் ஒரு புதிய சரித்திரத்தை படைக்குமா அல்லது திராவிடக் கட்சிகளின் ஆதிக்கம் தொடருமா என்ற விவாதம் அன்றுடன் முடிவுக்கு வரும். அமைதியாக ஓட்டு போட்ட மக்களின் மௌனப் புரட்சி, மே 4-ஆம் தேதி ஒரு மாபெரும் சத்தத்துடன் வெற்றி கனியாக வெளிப்படும்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
