இங்கிலாந்தைச் சேர்ந்த தம்பதிக்கு மூன்று வாரத்தில் மூன்று முறை லாட்டரி சீட்டு பரிசு விழுந்ததாகவும் மூன்றுமே அதிர்ஷ்டத்தால் வந்ததல்ல, சில டெக்னிக் நாங்கள் பயன்படுத்தினோம், அதனால் கிடைத்த பலன் என்றும் கூறியிருப்பது பரபரப்பை ஏற்படுத்தியுள்ளது. அதுமட்டுமின்றி இந்த டெக்னிக்கை இந்த தம்பதிகள் அக்கம் பக்கத்தில் உள்ளவர்களிடம் சொல்லிக் கொடுத்த நிலையில் அவர்களுக்கும் லாட்டரி சீட்டு அடித்ததாகவும் அந்த பகுதியில் உள்ளவர்கள் மொத்தமாக ஆறு கோடி ரூபாய் வரை பரிசு பெற்றதாகவும் கூறப்படுகிறது.
இங்கிலாந்து நாட்டைச் சேர்ந்த நீல் மற்றும் ஹெய்லே தம்பதிகள் சமீபத்தில் சொந்த வீடு வாங்கிய நிலையில் பணக்கஷ்டத்தில் இருந்ததாக தெரிகிறது. இதனையடுத்து அவர்கள் அந்நாட்டின் முக்கிய லாட்டரி ஒன்று குறித்து மாத கணக்கில் ஆய்வு செய்து சில டெக்னிக்கை கண்டுபிடித்து லாட்டரி சீட்டு வாங்கினார்கள்.
முதல் முறையாக அவர்கள் லாட்டரி சீட்டு வாங்கும் போது ரூ.33 லட்சம் பரிசு விழுந்ததாக தெரிகிறது. அதனை அடுத்து மூன்றே வாரத்தில் மூன்று முறை இலட்சக்கணக்கில் பரிசுகள் கிடைத்ததாகவும் கூறப்படுகிறது.
இது குறித்து அந்த தம்பதிகள் கூறிய போது இது முழுக்க அதிர்ஷ்டம் அல்ல, சில டெக்னிக் நாங்கள் கண்டுபிடித்து அதை பயன்படுத்தினோம், அதனால் தான் எங்களுக்கு பரிசு கிடைத்தது’ என்று கூறியுள்ளனர். தங்களுக்கு கிடைத்த இந்த டெக்னிக்கை அக்கம் பக்கத்தில் உள்ளவர்களிடம் சொல்லிக் கொடுத்ததாகவும் இதில் 18 பேர்களுக்கு லாட்டரி சீட்டுகள் மூலம் சுமார் 6 கோடி ரூபாய் வரை பரிசு பெற்றதாகவும் கூறியுள்ளனர்.
டெக்னிக் மூலம் லாட்டரி சீட்டு பரிசை பெறலாம் என்று இந்த தம்பதிகள் கூறி இருப்பது ஆச்சரியத்தை ஏற்படுத்தியுள்ளது.