கர்நாடகாவின் முதலமைச்சர் டி.கே. சிவகுமார், அந்த மாநில அரசியலில் அசைக்க முடியாத பலம் கொண்டவராக வலம் வரும் ஒரு அரசியல்வாதி. ஆனால் தனது சொந்த மண்ணில் எவ்வளவு பெரிய டெர்ரரான அரசியல்வாதியாக வேண்டுமானாலும் இருக்கலாம்; ஆனால் இயற்கையும் நீரும் யாருக்கும் சொந்தமானது கிடையாது, அவை அனைத்து மக்களுக்கும் பொதுவானது என்ற எதார்த்தத்தை நமது மாண்புமிகு முதலமைச்சர் விஜய் மிகச் சரியாக அவருக்குப் புரிய வைத்துள்ளார். காவிரி விவகாரத்தில் கர்நாடகத்தின் அதிகார மமதையையும் முரட்டுத்தனமான போக்கையும் மட்டுமே பார்த்துப் பழகிய தமிழகத்திற்கு, தற்போது திசைகளை மாற்றிக் காட்டும் ஒரு அதிரடி ராஜதந்திரத்தை முதல்வர் விஜய் நிகழ்த்திக் காட்டியுள்ளார். வெறும் வார்த்தைகளால் மோதிக் கொள்ளாமல், செயல் மூலமாகவும் சாணக்கியத்தனமான அரசியல் நகர்வுகள் மூலமாகவும் ஒரு மாநிலத்தின் துணை முதலமைச்சரையே இறங்கி வரவ வைத்துள்ளார் என்றால், அது சாதாரண விஷயமல்ல.
சில நாட்களுக்கு முன்பு வரை, “தமிழகத்திற்கு ஒரு சொட்டு தண்ணீர் கூடத் தர முடியாது; உச்ச நீதிமன்றம் உத்தரவிட்டாலும் எங்கள் நிலைப்பாடு இதுதான்” என்று கர்நாடகாவில் பெரும் குரல் கொடுத்துக் கொக்கரித்துக் கொண்டிருந்த அதே டி.கே. சிவகுமார் தான், நேற்று “தமிழ்நாட்டிற்குத் தண்ணீர் திறந்துவிட்டதால் யாரும் போராட்டம் செய்யாதீர்கள், அமைதியைக் காப்போம்” என்று அப்படியே தனது பேச்சையும் நிலையையும் மாற்றிக் கூறியுள்ளார். நேற்றுவரை கத்தித் தடுத்த அதே கைகள், இன்று தமிழகத்திற்கு நீர் செல்வதை எதிர்க்க வேண்டாம் என்று சொல்லும் அளவுக்கு மாறியுள்ளது எதைக் காட்டுகிறது? இதுதான் உண்மையான தலைமைப் பண்பும், எதிராளியின் பலவீனத்தையும் பலத்தையும் சரியாகக் கணித்து காய நகர்த்தும் சாணக்கியத்தனமும் ஆகும்.
அரசியல் களத்தில் பகிரங்கமாக மோதிக்கொள்வதை விட, சரியான நேரத்தில் சரியான இடத்தில் கொடுக்கப்படும் பிரஷர் தான் எப்பேர்ப்பட்ட கடினமான மனிதரையும் வளைக்க வைக்கும் என்பதை முதல்வர் விஜய் இந்த விவகாரத்தில் நிரூபித்துக் காட்டியுள்ளார். “அங்க அடிச்சா இங்க வலிக்கும்” என்ற ராஜதந்திரத்தின் அடிப்படையில், கர்நாடக அரசியலின் நரம்புகளைத் தொட்டுப் பார்த்து, அங்குள்ள தலைமையைத் தன் புத்திசாலித்தனமான காய்நகர்த்தல்கள் மூலம் சிந்திக்க வைத்துள்ளார் நமது தளபதி. எந்த ஒரு ஆர்ப்பாட்டமும் இல்லாமல், ஊடக வெளிச்சம் இல்லாமல், திரைக்குப் பின்னால் அவர் மேற்கொண்ட அமைதியான ஆனால் வலிமையான தூதரக மற்றும் அரசியல் அழுத்தங்கள்தான் கர்நாடகத்தின் திசையைத் தலைகீழாக மாற்றிப் போட்டுள்ளன.
கர்நாடகத்தில் தமிழகத்திற்கு எதிராகக் குரல் கொடுப்பவர்களை அவர்களின் சொந்த மண்ணிலேயே யோசிக்க வைக்கும் அளவுக்குப் பலமான அரசியல் வியூகத்தை விஜய் கையில் எடுத்துள்ளார் என்பதை இந்தத் திடீர் மாற்றம் வெளிச்சம் போட்டுக் காட்டியுள்ளது. தேர்தல் காலங்களில் மட்டும் மேடை ஏறி முழக்கமிட்டுவிட்டுப் போகும் வழக்கமான அரசியல்வாதிகளுக்கு மத்தியில், பொறுப்பேற்ற குறுகிய காலத்தில் தமிழகத்தின் ஜீவாதாரப் பிரச்சனையான காவிரி நீரைத் தங்குதடையின்றிப் பெற்றுத் தர என்ன செய்ய வேண்டும் என்பதில் அவர் தெளிவான பார்வையோடு செயல்பட்டு வருகிறார். டி.கே. சிவகுமாரை மீறி கர்நாடகத்திலிருந்து தண்ணீர் வெளியேறியுள்ளது என்றால், அதற்குப் பின்னால் இருக்கும் மாபெரும் உழைப்பையும் மன உறுதியையும் தமிழக மக்கள் நன்கு புரிந்து கொண்டுள்ளனர்.
எல்லா காலங்களிலும் கர்நாடகம் கையை விரித்துவிடும், மத்திய அரசும் கண்டுகொள்ளாது, நம்மாட்களும் வெறும் அறிக்கையுடன் கடந்து போய்விடுவார்கள் என்ற பழைய சோக வரலாற்றை முதல்வர் விஜய் தனது ஒற்றை அதிரடி மூலம் தடுத்து நிறுத்தியுள்ளார். தண்ணீர் வராமல் டெல்டா விவசாயிகள் கருகிப் போவார்கள் என்று எதிர்பார்த்துக் காத்திருந்த சுயநலவாதிகளின் கண்களில் விரலை விட்டு ஆட்டும் வகையில், கர்நாடக எல்லையைத் தாண்டி காவிரி நீர் காவிரிக் கரையை வந்து தொட்டுக் கொண்டிருக்கிறது. வெறும் சினிமா ஹீரோவாக மக்கள் மனதில் நின்ற விஜய், இன்று ஆட்சியாளராக அமர்ந்தவுடன் மாநிலத்தின் உரிமைகளுக்காக எப்பேர்ப்பட்ட கொம்பனையும் வளைக்க முடியும் என்பதைத் தனது அசாத்தியமான செயலாற்றல் மூலமாக நிரூபித்துக் காட்டியுள்ளார்.
இயற்கை நமக்குத் தந்த உரிமையை விட்டுக் கொடுக்காமல் போராடுவதோடு மட்டுமல்லாமல், அதை உரிய நேரத்தில் சாதித்துக் காட்டும் ஒரு வலிமையான தலைவர் இன்று தமிழகத்திற்குக் கிடைத்துள்ளார். டி.கே. சிவகுமார் போன்ற பலமான அரசியல் தலைவர்களுக்கே சவால்விட்டு, தமிழகத்தின் பக்கம் நீரைத் திருப்ப வைத்த விஜய்யின் இந்தத் திறமை, தமிழ்நாட்டின் அரசியல் வரலாற்றில் ஒரு பொன்னான அத்தியாயமாகப் பதிவாகியுள்ளது. இனி தமிழ்நாட்டின் மீது கைவைப்பவர்கள் எவர்களாக இருந்தாலும் வேண்டும் என்ற நிலையை உருவாக்கியுள்ள நமது முதல்வர், தமிழர்களின் உரிமையை எப்போதுமே விட்டுக் கொடுக்க மாட்டார் என்ற அசைக்க முடியாத நம்பிக்கையை இந்த நிகழ்வு கோடிக்கணக்கான மக்களின் மனங்களில் ஆழமாக விதைத்துள்ளது.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
