இந்தியாவின் ‘திரிசூல்’ போர் பயிற்சி என்பது இராணுவம் , கடற்படை மற்றும் விமானப்படை ஆகிய மூன்று படைகளின் ஒருங்கிணைந்த பயிற்சியை குறிக்கிறது. இன்றைய போர்கள் கத்திச்சண்டை அல்லது துப்பாக்கி சண்டையை போல இருக்காது. எதிரி எந்த ஆயுதத்தை எடுக்கிறானோ, அதை எதிர்கொள்ளும் விதமாக, அதைவிட ஒரு படி மேலே உள்ள ஆயுதங்களை நாம் கொண்டிருக்க வேண்டும்.
சீனா அருணாச்சலப் பிரதேசத்தில் அத்துமீறியபோது, இந்திய இராணுவம் அதிக உயரமான இடங்களில் நிலைநிறுத்தப்பட்டது. கார்கில் போன்ற -1° முதல் -20°C வரை வெப்பநிலை உள்ள கடினமான பகுதிகளிலும் இந்திய படையினர் இடைவிடாமல் பணியாற்றி வருகின்றனர்.
ஆபரேஷன் சிந்தூர் என்பது பாகிஸ்தானுக்கு எதிரான ஒரு “டிரெய்லர்” போன்ற தாக்குதலாக இருந்தது. அதில் இந்தியாவின் விமானப்படையே 90% பங்கை வகித்தது. பாகிஸ்தான் அனுப்பிய ஏவுகணைகள் அனைத்தும் இந்திய வான்தடுப்பு இயந்திரங்களால் துல்லியமாக கண்டறியப்பட்டு, தாக்கப்பட்டு அழிக்கப்பட்டன.
காஷ்மீரில் இந்தியாவின் பாதுகாப்பு 98% வெற்றி பெற்றுள்ளது. மீதமுள்ள 2% ஆளில்லா பகுதிகளிலேயே விழுகிறது. இஸ்ரேல் போன்ற நாடுகள் கூட 60-70% வெற்றியை தாண்டவில்லை. இந்தியா தற்போது ரூ.30 லட்சம் மதிப்புள்ள ட்ரோன்களை, வெறும் ரூ.1000 குண்டுகளை பயன்படுத்தி வீழ்த்தும் அளவுக்கு லேட்டஸ்ட் தொழில்நுட்பத்தை பயன்படுத்தி வருகிறது.
பிரம்மோஸ் ஏவுகணைக்கு எதிராக கண்காணிக்கக்கூடிய எந்த விதமான ரேடாரும் இன்றுவரை உலகில் கண்டுபிடிக்கப்படவில்லை. பாகிஸ்தான் உளவு பார்க்க அனுப்பிய ட்ரோன் குறித்து அறிந்த இந்தியா, பதிலுக்கு ‘டிக்காய் ட்ரோன்’ என்ற தந்திரமான ஆளில்லா விமானத்தை அனுப்பியது. இது ரூ.250 கோடி மதிப்புள்ள ரஃபேல் விமானம் போல தோன்றும், ஆனால் இதன் மதிப்பு ரூ.40 லட்சம் மட்டுமே. பாகிஸ்தான் அந்த ட்ரோனை தாக்கியவுடன், அதன் கண்காணிப்பு ரேடாரின் இடம் இந்தியாவிற்கு தெரியவந்தது. இதை பயன்படுத்தி 99% துல்லியத்துடன் இந்தியப் படை அங்கிருந்த இராணுவ தளவாடங்களை அழித்தது.
அமெரிக்கா பாகிஸ்தானுக்கு உதவுவது போல ஒரு ‘ஷோ’ காட்டுகிறதே தவிர, உண்மையில் எந்த உதவியும் செய்யாது. சீனா இப்போது பாகிஸ்தானுக்கு வழங்கிய கடன் ஒத்திவைப்பு ஒப்பந்தங்களை மேலும் நீட்டிக்க மறுத்துள்ளது. இனிமேல் வட்டியுடன் சேர்த்து, அசலையும் திருப்பித் தர வேண்டும் என்று அழுத்தம் கொடுக்கத் தொடங்கியுள்ளது.
இந்தியா தனது முப்படைகளின் ஒருங்கிணைந்த வலிமையையும் (திரிசூல்) அதிநவீன தொழில்நுட்பங்களையும் (பிரம்மோஸ், எஸ்-400) தொடர்ந்து பரிசோதிப்பதன் மூலம், எந்த நேரத்திலும் போருக்கு தயாராக இருக்கும் ஒரு பலமான படை என்பதை உலகுக்கு உணர்த்துகிறது. இது இந்திய ஆயுதங்களுக்கான ஏற்றுமதி வாய்ப்புகளையும் அதிகரிக்கும். பாகிஸ்தான், சீனா மற்றும் அமெரிக்காவின் உதவிகளை நம்பாமல், இந்த உண்மையான சவாலை எதிர்கொள்ள வேண்டும்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
