சின்னத்திரையில் குடும்ப தலைவிகளின் ஃபேவரிட் சீரியலாக வலம் வரும் ‘சிறகடிக்க ஆசை’ தொடர், தற்போது ஒரு மாபெரும் எரிமலை வெடிப்புக்கு தயாராகிவிட்டது என்றுதான் சொல்ல வேண்டும். ரோகிணி யார், அவரது கடந்த கால வாழ்க்கை என்ன என்பது குறித்த ரகசியங்கள் இத்தனை நாட்களாக பனிமூட்டம் போல மறைக்கப்பட்டிருந்த நிலையில், இன்று முத்து வீசிய ஒற்றை வார்த்தை அந்த மர்ம திரையை கிழித்துவிட்டது. வீட்டின் அனைத்து உறுப்பினர்களும் கூடியிருக்கும் வேளையில், எவ்வித முன்னறிவிப்புமின்றி “உன் உண்மையான பெயர் கல்யாணி தானே?” என்று முத்து கேட்ட கேள்வி, ஒட்டுமொத்த குடும்பத்தையும் நிலைகுலைய செய்திருக்கிறது. முத்துவின் இந்த அதிரடி ஆட்டம், ரோகிணியின் முகத்திரையை ஊர் அறிய செய்யும் முதல் படியாக அமைந்துள்ளது.
இந்த இக்கட்டான சூழலிலிருந்து தப்பிக்க ரோகிணி தனது மூளையை கசக்கி ஒரு புதிய நாடகத்தை அரங்கேற்றவே அதிக வாய்ப்புகள் உள்ளன. முத்துவின் கேள்வியால் அதிர்ந்து நின்றாலும், சட்டென சுதாரித்து கொண்டு, கல்யாணி என்பது தான் அல்ல என்றும், அது தனது மறைந்த அல்லது பிரிந்து வாழும் இரட்டை சகோதரி என்றும் ஒரு புனைக்கதையை அவர் கூறக்கூடும். கிரிஷ் என்பவன் தனது சகோதரியின் மகன் என்ற ஒரு பொய்யான கதையை அவிழ்த்து விட்டு, அண்ணாமலையின் கருணையையும் விஜயாவின் முட்டாள்தனமான நம்பிக்கையையும் மீண்டும் ஒருமுறை அறுவடை செய்ய அவர் துணியலாம். ஒரு பொய்யை மறைக்க ஒன்பது பொய்களை சொல்லும் ரோகிணியின் இந்த தந்திரம், கதையில் ஒரு புதிய கிளைக்கதையை உருவாக்கும் என்பதில் சந்தேகமில்லை.
ஆனால், இந்த முறை ரோகிணியின் பொய்கள் எடுபடாமல் போவதற்கு மீனா ஒரு முக்கிய தடையாக இருப்பார். இதுவரை தியாகியாகவும் பொறுமையாகவும் இருந்த மீனா, தனது கணவன் முத்துவின் கோபத்தையும் கேள்வியையும் பார்க்கும் போது உண்மையை மறைக்க விரும்ப மாட்டார். ரோகிணி சொல்லும் இரட்டை சகோதரி கதை ஒரு அப்பட்டமான பொய் என்பதையும், கிரிஷின் உண்மையான தாய் ரோகினி தான் என்பதையும் மீனா தனக்கு தெரிந்த உண்மையை உடைக்க வாய்ப்புள்ளது. தனது குடும்பத்தின் நிம்மதிக்காக இத்தனை நாள் காத்து வந்த மௌனத்தை மீனா கலைக்கும் அந்த நிமிடம், சீரியலின் விறுவிறுப்பை அடுத்த கட்டத்திற்கு எடுத்து செல்லும் ஒரு திருப்புமுனையாக அமையும்.
உண்மை வெளிவரும்போது முத்துவின் கோபம் என்பது ரோகிணியை விட மீனா பக்கமே அதிகம் திரும்பக்கூடும். தனக்கு மிகவும் நெருக்கமான தனது மனைவி, இவ்வளவு பெரிய துரோகத்தை இத்தனை நாட்களாக தெரிந்தே மறைத்தது முத்துவை பெரிதும் பாதிக்கும். “எல்லாரிடமும் உண்மையாக இருக்கும் நீ, என்னிடமே இதை சொல்லவில்லையே” என்று முத்து மீனாவை பார்த்துக் கேட்கும் கேள்விகள், அந்த தம்பதியினருக்கு இடையே ஒரு தற்காலிக விரிசலை உண்டாக்கலாம். இதற்கு பதிலாக, ரோகிணி தன்னை கிருஷ்ஷின் உயிரை காட்டி மிரட்டியதையும், ஒரு தாயின் உணர்வுக்கு மதிப்பளித்து தான் அமைதி காத்ததையும் மீனா கண்ணீருடன் விளக்கும் காட்சிகள் ரசிகர்களை நெகிழச் செய்யும்.
ஒருவேளை அனைத்து பக்கங்களிலிருந்தும் நெருக்கடி முற்றினால், ரோகிணி தனது இறுதி ஆயுதமாக ‘மன்னிப்பு’ என்ற நாடகத்தை கையில் எடுப்பார். தான் செய்த தவறை ஒப்புக்கொள்வது போல நடித்து, சூழ்நிலை கைதியாக தான் மாறியதை விளக்கி, அண்ணாமலையின் கால்களில் விழுந்து கதறுவார். தனது வாழ்க்கை போய்விட கூடாது என்பதற்காக அவர் சிந்தும் முதலைக்கண்ணீர், விஜயாவின் மனதை கரைக்கக்கூடும். மனோஜ் இந்த விவகாரத்தில் எப்படி எதிர்வினையாற்றுவார் என்பதுதான் கதையின் மிகப்பெரிய சஸ்பென்ஸாக இருக்கும்; தனது மனைவியின் ஏமாற்று வேலை தெரிந்தும் அவர் மௌனம் காப்பாரா அல்லது எதிர்க்க துணிவாரா என்பதே மில்லியன் டாலர் கேள்வியாகும்.
முடிவாக, ரோகிணி இப்போதே தனது தோல்வியை ஒப்புக்கொண்டு வெளியேற மாட்டார் என்பதுதான் சீரியல் ரசிகர்களின் கணிப்பாக இருக்கிறது. அவர் மீண்டும் ஒரு தந்திரத்தை செய்து முத்துவின் குற்றச்சாட்டை முறியடிக்க பார்ப்பார். இந்த ரகசிய போர் இன்னும் சில வாரங்களுக்குத் தொடர்ந்தால்தான் கதையின் சுவாரசியம் குறையாமல் இருக்கும். முத்துவின் பிடிவாதம் ஒருபுறம், ரோகிணியின் சூழ்ச்சி மறுபுறம் என ‘சிறகடிக்க ஆசை’ வரும் நாட்களில் ஒரு அதிரடி ஆக்ஷன் டிராமாவாக மாறப்போகிறது. உண்மையும் தர்மமும் வெல்லுமா அல்லது ரோகிணியின் பொய்கள் மீண்டும் ஒருமுறை சிம்மாசனம் ஏறுமா என்பதைப் பொறுத்திருந்துதான் பார்க்க வேண்டும்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
