தனுஷ் தமிழ் சினிமாவின் முன்னணி நடிகர் தற்போது வளர்ந்து வரும் பிரபலமான இயக்குனராக இருக்கிறார். இவரது தந்தை கஸ்தூரிராஜா தமிழ் சினிமாவில் பணியாற்றிய இயக்குனர் மற்றும் இவரது சகோதரர் செல்வராகவன் தமிழ் சினிமாவில் இயக்குனராகவும் நடிகராகவும் இருந்து வருகிறார்.
2002 ஆம் ஆண்டு துள்ளுவதோ இளமை என்ற திரைப்படத்தின் மூலம் தமிழ் சினிமாவில் நாயகனாக அறிமுகமானார் தனுஷ். ஆரம்பத்தில் இவரது தோற்றத்திற்காக மிகவும் கேலி கிண்டலுக்கு உள்ளானார். ஆனால் அதையும் தாண்டி தற்போது பல வெற்றி திரைப்படங்களில் நடித்து முன்னணி நடிகராக இருக்கிறார்.
இயக்குனராக தற்போது புது அவதாரம் எடுத்துள்ள தனுஷ் சமீபத்தில் ராயன் என்ற திரைப்படத்தை இயக்கினார். அது நூறு கோடி வசூலை பெற்றது. அதை தொடர்ந்து தற்போது நிலவுக்கு என் மேல் என்னடி கோபம் என்ற திரைப்படத்தை இயக்கி வெளியிட்டார். ஆனால் இது எதிர்பார்த்த அளவு போகவில்லை. அடுத்ததாக தனுஷ் இயக்கத்தில் இட்லி கடை திரைப்படம் ஏப்ரல் மாதம் ரிலீஸ் ஆக இருக்கிறது.
இந்நிலையில் தனுஷின் இட்லி கடை திரைப்படத்தின் தயாரிப்பாளர் ஆகாஷ் பாஸ்கரன் தனுஷின் உழைப்பை பற்றி புகழ்ந்து பேசி இருக்கிறார். ஆகாஷ் பாஸ்கரன் கூறியது என்னவென்றால், தனுஷ் சாரின் உழைப்பை பார்க்கும் போது மிகவும் ஆச்சரியமாக இருக்கிறது. எங்களது தயாரிப்பின் கீழ் இட்லி கடை திரைப்படம் தான் முதலில் ரிலீஸ் ஆக உள்ளது. இந்த படத்துக்காக மிகவும் கஷ்டப்பட்டு இரவு பகலாக படப்பிடிப்பை நடத்தினார் தனுஷ் சார். இறுதி நாள் படப்பிடிப்பு முடிந்த உடனே கொஞ்சம் கூட ரெஸ்ட் எடுக்காமல் மறுநாள் இந்தி படத்தின் படப்பிடிப்புக்காக டெல்லிக்கு சென்று விட்டார். அவரை பார்க்கும்போது எனக்கு எப்பவுமே ஆச்சரியமாக இருக்கும் என்று பேசியிருக்கிறார் ஆகாஷ் பாஸ்கரன்.
