இன்னும் ஒருசில மணி நேரத்தில் ‘கூலி’ திரைப்படம் ரிலீஸ் ஆக இருக்கும் நிலையில் இயக்குனர் லோகேஷ் கனகராஜ் தனது எக்ஸ் பக்கத்தில் ஒரு நெகிழ்ச்சியான அறிக்கை வெளியிட்டுள்ளார். அந்த அறிக்கையில் அவர் கூறியிருப்பதாவது:
அன்பான வணக்கம்,
‘கூலி’ திரைப்படம் வெளியாக இன்னும் சில மணி நேரங்களே உள்ள நிலையில், எனக்கு இது கனவு போலவும், பிரமிப்பாகவும் உள்ளது. எனது தலைவரான ரஜினிகாந்த் சாருக்கு, இந்த திரைப்படத்தை முழுமையான படைப்பு சுதந்திரத்துடன் உருவாக்கி, எனது பார்வையை அவர் மூலம் திரைக்கு கொண்டு வர வாய்ப்பளித்ததற்காக எனது மனமார்ந்த நன்றிகளை தெரிவித்து கொள்கிறேன்.
இந்த பயணத்தை இன்னும் மறக்க முடியாததாக மாற்றிய நட்சத்திர பட்டாளமான நாகார்ஜுனா சார், ரியல் ஸ்டார் உபேந்திரா சார், சௌபின் சார், சத்யராஜ் சார், ஸ்ருதி ஹாசன், மற்றும் அனைவரையும் ஒருங்கிணைத்த, எனது அன்பிற்குரிய அமீர்கான் சாருக்கும் எனது சிறப்பு நன்றிகள். அவரது இணைப்பு இந்த திரைப்படத்தை இன்னும் சிறப்பானதாக்கியது.
கடந்த இரண்டு ஆண்டுகளாக இந்த படத்தின் வெற்றிக்கு தங்களது முழு அர்ப்பணிப்பையும், பலத்தையும் அளித்த எனது தொழில்நுட்ப குழுவினருக்கும் எனது ஆழ்ந்த நன்றிகளை தெரிவித்துக் கொள்கிறேன். இந்த திரைப்படத்திற்கு எந்த வகையிலாவது பங்களித்த ஒவ்வொருவருக்கும் நான் என்றென்றும் நன்றியுள்ளவனாக இருப்பேன்.
இந்த படத்தின் பொறுப்பை என்னிடம் ஒப்படைத்து, எனது பார்வைக்கு ஏற்ப முழுமையாக வடிவமைக்கப் படைப்பு சுதந்திரம் அளித்த சன் பிக்சர்ஸ் மற்றும் திரு. கலாநிதி மாறன் சாருக்கு எனது மனமார்ந்த நன்றி. மேலும், அவரது உறுதுணையான ஆதரவுக்காக கண்ணன் சாருக்கும் எனது உளமார்ந்த நன்றிகள். முழு படக்குழுவினருக்கும் எனது நன்றி. நான் என்றென்றும் நன்றியுள்ளவனாக இருப்பேன்.
இந்த திரைப்படத்திற்காக அனைத்து நடிகர்களையும் ஒருங்கிணைப்பதில் எனக்கு உதவிய எனது குழுவான ‘தி ரூட்’ (The Route), ஜெகதீஷ் ப்ரோ, ஐஸ்வர்யா மற்றும் ராதேயன் ஆகியோருக்கும் ஒரு சிறப்பு நன்றி.
எனது அன்பான ரசிகர்களுக்கு, எனக்கும் இந்த திரைப்படத்திற்கும் நீங்கள் காட்டிய அன்புக்கும் ஆதரவுக்கும் நன்றி. இன்னும் சில மணி நேரங்களில் ‘கூலி’ உங்கள் கைகளில். திரையரங்க அனுபவம் உங்களுக்கு அற்புதமாக அமையும் என்று நான் மனதார நம்புகிறேன். மேலும், தயவுசெய்து திரைப்படத்தின் காட்சிகளை வெளியில் பகிர வேண்டாம் என்று கேட்டுக்கொள்கிறேன்.
‘கூலி’ எனது தலைவர் சூப்பர் ஸ்டார் ரஜினிகாந்த் சாருக்கான ஒரு தனித்துவமான திரைப்படம்.
அன்புடன்,
லோகேஷ் கனகராஜ்.
இவ்வாறு லோகேஷ் கனகராஜ் தனது பதிவில் தெரிவித்துள்ளார்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
