பிக் பாஸ் நிகழ்ச்சியில் பெரும்பாலும் விஜய் டிவி சீரியல் நடிகர் நடிகைகள் மட்டுமே இருப்பதை அடுத்து அவர்களுக்கு சீரியலில் நடிக்க எவ்வளவு சம்பளமோ, அதே சம்பளம் தான் பிக் பாஸ் நிகழ்ச்சிக்கும் கொடுக்கப்பட்டுள்ளதாக கூறப்படுகிறது. இதற்கு பேசாமல், அவர்கள் சீரியலில் நடித்திருக்கலாம் என்று கருத்துக்கள் பதிவாகி வருகின்றன.
பிக் பாஸ் நிகழ்ச்சி விஜய் டிவியில் கடந்த ஞாயிறு அன்று தொடங்கிய நிலையில், திங்கட்கிழமை முதல் போட்டியாளர்களுக்கு சண்டை சச்சரவு ஏற்பட்டு வருகிறது என்பதும், இன்று ரஞ்சித் மற்றும் ரவீந்தர் இடையே கிட்டத்தட்ட அடிதடி சம்பவம் நடைபெறும் அளவுக்கு சண்டை முற்றுவிட்டது என்பதும் குறிப்பிடத்தக்கது.
இந்த நிலையில், இந்த சீசனில் பெரும்பாலும் விஜய் டிவி பிரபலங்களாகவே இருப்பதால், அவர்களுக்கு சம்பளமும் விஜய் டிவியில் சீரியலில் நடிக்கும் சம்பளம் மட்டுமே கொடுக்கப்பட்டு வருவதாக கூறப்படுகிறது.
தயாரிப்பாளர் ரவீந்தர், நடிகர் ரஞ்சித் ஆகிய இருவருக்கு மட்டுமே தினமும் 50 ஆயிரம் வழங்கப்படுகிறது. மற்றபடி, தீபக் மற்றும் சாச்சனா ஆகிய இருவருக்கும் 30,000 வழங்கப்படுகிறது.
சீரியல் நடிகர்களான அருண், சத்யா, விஜே, விஷால், ஜாக்குலின், பவித்ரா ஜனனி, சுனிதா, அன்ஷிதா, தர்ஷா குப்தா, தர்ஷிகா ஆகியோர்களுக்கு வெறும் 20 ஆயிரம் மட்டுமே சம்பளம் வழங்கப்பட்டுள்ளதாக கூறப்படுகிறது. இவர்கள் சீரியலில் நடிக்கவும் இதே சம்பளம் தான்.
அதேபோல், முத்துக்குமார், ஜெஃப்ரி, சௌந்தர்யா நஞ்சுண்டன் ஆகியோருக்கும் தினமும் ரூ.10,000 வழங்கப்படுகிறது. மிகவும் குறைந்த சம்பளத்துடன் பிக் பாஸ் நிகழ்ச்சிக்கு வந்திருக்கும் இவர்கள், இந்த நிகழ்ச்சியின் மூலம் பிரபலமாவார்களா என்பதை பொறுத்திருந்துதான் பார்க்க வேண்டும்.