தமிழில் தற்போது ஒளிபரப்பாகி வரும் பிக் பாஸ் நிகழ்ச்சி ஒவ்வொரு நாளும் செல்ல செல்ல அதன் விறுவிறுப்பை அதிகப்படுத்திக் கொண்டே இருக்கிறது. மூன்று வாரங்கள் முடிவடைந்த நிலையில் பிக் பாஸ் வீட்டில் இருந்து பேட்மேன் ரவிந்தர், அர்னவ் மற்றும் தர்ஷா குப்தா ஆகியோர் வெளியேறி உள்ளனர். பெண்கள் அணியில் தனித்தனியாக ஒவ்வொரு போட்டியாளர்களும் சிறப்பாக ஆடினாலும் ஒரு குழு என வரும்போது நாமினேசன் ஃப்ரீ பாஸ் டாஸ்க்கில் வெற்றி பெற்றாலும் மற்ற நேரங்களில் அவர்களுடைய ஒற்றுமையை பார்க்க முடிவதில்லை.
இரண்டு பேர், மூன்று பேர் குழுவாக பிரிந்து கொண்டு அதற்கு மத்தியில் போட்டிகளை ஆடும் பட்சத்தில் அங்கே நிறைய குழப்பங்களும், சண்டைகளும் வந்து கொண்டே தான் இருக்கின்றது. அந்த வகையில் முதல் வாரம் முதலே பெண்கள் அணியில் அதிகமாக எதிலும் பங்கு கொள்ளவில்லை என பலரால் பழி சுமத்தப்பட்டவர் தான் சௌந்தர்யா.
இவர் கடந்த மூன்று வாரமும் நாமினேட் செய்யப்பட்டிருந்த நிலையில் மக்களின் ஆதரவால் தொடர்ந்து பிக் பாஸ் வீட்டில் ஆடிக்கொண்டே இருக்கிறார். ஆனந்தி, பவித்ரா உள்ளிட்ட பலரும் தனக்கு டாஸ்க்கில் இடம் தரவில்லை என்றும் தனக்கான வாய்ப்பு பெண்கள் அணியில் கிடைக்கவில்லை என்றும் சவுந்தர்யா குறிப்பிட்டு வந்தார். இதற்கிடையே, பெண்கள் அணிக்குள் ஐந்து பேர் கொண்ட ஒரு குழு இருப்பதாகவும் அவர்கள் தான் அனைத்து முடிவை எடுப்பதாகவும் விஜய் சேதுபதியிடம் சவுந்தர்யா குற்றம் சாட்டியிருந்தார்.
மேலும் தற்போது பிக் பாஸ் வீட்டிற்குள் பெண்கள் அணியில் க்ரூப்பிசம் இருப்பதாக பெரிய சர்ச்சை ஒன்று பூதாகரமாக வெடித்து நிற்க, சவுந்தர்யாவும் தனது கேமை ஆடி வருகிறார். முதல் இரண்டு வாரம் இவரது ஆட்டம் சுமாராக இருந்தாலும் கடந்து சில நாட்களில் மிக துணிச்சலாக அனைவரையும் எதிர்த்து பேசியும் வருகிறார்.
இதற்கு மத்தியில் சௌந்தர்யா மூன்று வாரங்களாக தப்பிக்கப்பட்டு வருவது குறித்து ஆனந்தி ரஞ்சித்திடம் சில கருத்துக்களை தெரிவிக்கிற. “ஒரு வாரமும் நாமினேஷன் ஃப்ரீ பாஸ் வாங்காத சவுந்தர்யா 3 வாரமாக தொடர்ந்து மக்களால் காப்பாற்றப்பட்டிருக்கிறார். நாங்கள் அவர் விளையாடவே இல்லை. நீ பெண்கள் அணிக்காக எதுவும் செய்யவில்லை என்று கூறினாலும் மக்கள் அவருக்காக வாக்களித்துக் கொண்டே இருக்கிறார் என்றால் அவரிடம் நாம் பார்க்காத ஒரு விஷயத்தை மக்கள் பார்த்துக் கொண்டிருக்கிறார்கள் என்று அர்த்தம்” என ரஞ்சித்திடம் ஆனந்தி சொல்கிறார்.
ஆனால் அதே நேரத்தில் சுமார் இரண்டு தினங்களுக்கு முன் ஆனந்தி, விஜய் சேதுபதி யார் சிறந்த போட்டியாளர் என கேட்டால் சவுந்தர்யாவின் பெயரை சொல்ல வேண்டும் என்றும் அவர் சிறப்பாக முன்னேறி வருவதாகவும் குறிப்பிடுகிறார். இதனை கவனித்த ரசிகர்கள் ஏன் இப்போது ஒன்றும் அப்போது ஒன்று மாற்றி மாற்றி பேசுகிறீர்கள் என ஆனந்தியை விமர்சனம் செய்து வருகின்றனர்.