தமிழ் சினிமாவில் முன்னணி நடிகராக இருந்து வருபவர் அஜித்குமார். எந்த ஒரு சினிமா பின்புறமும் இல்லாமல் இன்று தனக்கென தனி இடத்தை தமிழ் சினிமாவில் பிடித்திருக்கிறார். ஆரம்பத்தில் இவருக்கு கார் ரேசிங்கில் தான் அதிக ஆர்வம் இருந்திருக்கிறது. தனது 18 வது வயதில் கார் ரேசிங்கில் கலந்து கொண்டார் அஜித்குமார். அந்த நேரத்தில் மாடலிங்கும் செய்து வந்தார். அதன் மூலம் அவருக்கு சினிமாவில் நடிக்கும் வாய்ப்பு கிடைத்தது.
1990களில் தமிழ் சினிமாவில் நாயகனாக அறிமுகமான அஜித் குமார் காதல் மன்னன் வாலி போன்ற பல வெற்றி திரைப்படங்களில் நடித்து தமிழ் சினிமாவின் சாக்லேட் பாயாக வலம் வந்தார். 2000 காலகட்டத்திற்கு பிறகு பல கமர்சியல் வெற்றி திரைப்படங்களில் நடித்து முன்னணி நடிகராக ஆனார் அஜித்குமார்.
நீண்ட இடைவேளைக்கு பிறகு அஜித்குமார் நடித்த விடாமுயற்சி திரைப்படம் பொங்கலுக்கு வெளியாகும் என்று கூறி பிப்ரவரி ஆறாம் தேதி ரிலீசானது. இந்த படம் தள்ளிப் போனதால் எல்லா திரைப்படங்களின் ரிலீஸும் குழப்பத்திற்கு உள்ளானது. அதே போல் இவர் நடித்த Good Bad Ugly திரைப்படம் கடந்த வியாழக்கிழமை வெளியானது. ரசிகர்கள் இந்த படத்திற்கு நல்ல விமர்சனங்களை கொடுத்து வருகிறார்கள். இந்நிலையில் Good Bad Ugly படத்தின் இயக்குனர் ஆதிக் ரவிச்சந்திரன் உடன் அஜித்குமார் மீண்டும் இணைந்து படம் பண்ண போகிறார் என்ற தகவல் கூட வெளியானது.
இந்நிலையில் ஒரு நேர்காணலில் கலந்து கொண்ட ஆதிக் ரவிச்சந்திரன் அஜித்குமார் அவர்களை பற்றி பகிர்ந்து இருக்கிறார். அவர் கூறியது என்னவென்றால் நான் அஜித்குமார் சாரை மிகவும் வியந்து பார்த்திருக்கிறேன். வாழ்க்கையில் அவரை ஒரு முறை கூட சந்தித்து விட மாட்டோமா என்று நான் நினைத்து ஏங்கிய காலங்கள் உண்டு. இன்று அவரோடு நான் ஒரு படம் பண்ணி இருக்கிறேன். என்னை போல ஒரு பையன் இந்த அளவுக்கு செய்ய முடிகிறது என்றால் உங்களாலும் எல்லாவற்றையும் சாதிக்க முடியும் என்று பேசியிருக்கிறார் ஆதிக் ரவிச்சந்திரன்.
