ஆன்மிகப் பற்றாளர்களாக இருக்கக் கூடிய 5 ஆம் தேதியில் பிறந்தவர்களே! ஆன்மிகப் பற்றுடன் கூடிய அறிவுத் திறனில் சிறந்து விளங்குபவராக இருப்பீர்கள் நீங்கள்.
அறிவுத் திறனால் உங்கள் வாழ்க்கையினைத் தேடிக் கொண்டிருப்பீர்கள்; தேடி வெற்றி கண்டவராகவும் இருப்பீர்கள்.
சாமுத்ரிகா லட்சணப்படி மச்ச பலன்கள்!
கலைத் துறையில் உங்களுக்கு ஆர்வம் மிகுதியாக இருக்கும்; மேலும் கல்வி சார்ந்தும் சாதிக்கக் கூடியவர்களாக இருப்பீர்கள். படிப்பில் துவக்கத்தில் மந்தநிலை இருந்தாலும் பின்னர் படிப்புரீதியாக உங்களின் வாழ்க்கையில் பெரும் மாற்றத்தைப் பார்ப்பீர்கள்.
அடுத்தவர் மனதில் உள்ள விஷயங்களைத் தெரிந்து கொள்ளும் நீங்கள் உங்கள் மனதில் தோன்றும் விஷயங்களை வெளியே சொல்ல மாட்டீர்கள். உங்களின் புத்திக் கூர்மையாலும், அறிவாற்றலாலும் எந்தவொரு பிரச்சினையிலும் மாட்டிக் கொள்ளாமல் நழுவி விடுவீர்கள்.
வாழ்க்கைத் துணை விஷயத்தில் உங்கள் விருப்பத்திற்கேற்ற வாழ்க்கைத் துணையே உங்களுக்கு அமையும். நீங்கள் எப்போதும் ஒரு லட்சியவதியாக இருப்பீர்கள், உங்களுக்கென ஒரு கொள்கையினைக் கொண்டு இருப்பீர்கள்.
வெற்றி பெறக்கூடிய அல்லது நனவாக்கக்கூடிய லட்சியத்தினையே முடிவாக எடுத்து, அந்த லட்சியப் பாதையில் பயணிப்பீர்கள். பார்ப்பதற்கே வசீகரிக்கக்கூடியவராக இருப்பீர்கள். மற்றவர்களுக்கு குருவாக இருப்பீர்கள். உங்கள்மீது மற்றவர்களுக்கு எளிதில் அன்பு தோன்றிவிடும்.
உங்களிடம் பலரும் நட்புப் பாராட்ட ஆசை கொள்வார்கள். தொழில் மாற்றம், இடமாற்றம் அதிக அளவில் உங்கள் வாழ்க்கையில் இருக்கும்.
அரசியலில் இருப்பவர்களுக்கு சிறந்த கூட்டணி அமையும், நண்பர்களால் உங்களுக்கு உதவிகள் கிடைக்கும். மேலும் நட்பு வட்டாரத்தில் உங்களின் செல்வாக்கு அதிகமாக இருக்கும்.
மற்றவர்கள் சொல்வதை செயல்படுத்தாவிட்டாலும் காது கொடுத்துக் கேட்பீர்கள்; ஆனால் இறுதியில் நீங்கள் நினைத்ததையே செய்து முடிப்பீர்கள்.
அதிர்ஷ்ட தேதிகள் மற்றும் நிறங்கள்
5 ஆம் தேதியில் பிறந்தவர்களுக்கான அதிர்ஷ்டத் தேதிகள்: 5,14,23
நீங்கள் தவிர்க்க வேண்டிய தேதிகள்: 4,8
உங்களுக்கான நிறம்: சாம்பல் நிறம், வெளிர் நீல நிறம்.
தவிர்க்க வேண்டிய நிறங்கள்: பச்சை மற்றும் கருப்பு நிறத்தைத் தவிர்க்கவும்.
உங்களுக்கான நவரத்தினக் கல்- வைரக் கல் பயன்படுத்தவும்; மேலும் இதனை தங்கத்துடன் மட்டுமே போடவும்.
தொழில் துறை- வங்கித் தொழில், ஆடிட்டர் தொழில், ஐடி சார்ந்த தொழில், வானவியல் மற்றும் ஜோதிடத் தொழில்கள் உங்களுக்கு ஏற்ற துறைகளாகும்.
உங்கள் பிறந்தக் கிழமைக்கான பலன்கள் இதோ!
மகாவிஷ்ணுவையும் லட்சுமி தேவியையும் வழிபட்டு வாருங்கள். அருகில் உள்ள பெருமாள் கோவிலுக்கு ஒவ்வொரு சனிக் கிழமையும் தவறாமல் சென்று வாருங்கள்.
திருப்பதிக்கு வாழ்வில் ஒருமுறையாவது சென்று பெருமாளை தரிசித்து வந்தால் உங்கள் வாழ்க்கைப் பயனை அடைவீர்கள்.