தமிழக அரசியல் களம் தற்பொழுது ஒரு மாபெரும் புதிய தலைமைத்துவத்தை நோக்கி நகர்ந்து கொண்டிருக்கக்கூடிய வேளையில், தனிநபர்களின் அரசியல் ஆசைகளும் எதார்த்தமான மக்கள் செல்வாக்கும் எந்த அளவிற்கு முரண்படுகின்றன என்பது மிக தெளிவாக வெட்டவெளிச்சமாகியுள்ளது. குறிப்பாக, அண்ணாமலை அவர்களின் அரசியல் எதிர்காலம் மற்றும் அவருடைய செயல்பாடுகள் குறித்து பல்வேறு விவாதங்கள் எழுந்துள்ளன. அண்ணாமலை அவர்கள் ஒரு முன்னாள் ஐபிஎஸ் அதிகாரியாக இருந்துவிட்டு அரசியலுக்கு வந்தவர் என்பதால், அவருக்கு நிர்வாகத் திறமையும், அதிகாரத்துவப் பார்வையும் வேண்டுமானால் அதிகமாக இருக்கலாம். ஆனால், தமிழக அரசியல் எதார்த்தத்தை உற்று நோக்கும் போது, அவர் ஒரு அரசு அதிகாரியாக இருக்கத்தான் முழுமையாக லாயக்கே தவிர, மக்கள் திலகமாக உருவெடுக்கக்கூடிய அரசியல் களம் அவருக்கு எட்டாக்கனிதான் என்பது நிதர்சனமான உண்மை.
தமிழ்நாட்டின் ஒட்டுமொத்த அரசியல் வரலாற்றையும் புரட்டிப் பார்த்தால், இங்குள்ள மக்கள் சாதாரண நிர்வாகிகளைத் தலைவர்களாக ஏற்றுக் கொண்டதே இல்லை. இந்த மண்ணிற்கு எப்போதும் ஒரு ‘கரீஷ்மா லீடர்’ எனப்படும் அசாத்திய ஈர்ப்புத்தன்மை கொண்ட, மக்களை தன் காந்தக் குரலாலும் ஆளுமையாலும் கட்டிப்போடக்கூடிய ஒரு மாபெரும் மக்கள் தலைவர்தான் தேவைப்பட்டுள்ளார். அதற்கு மிகச்சிறந்த உதாரணங்களாகத் திகழ்ந்தவர்கள் புரட்சித்தலைவர் எம்ஜிஆர், கலைஞர் கருணாநிதி மற்றும் புரட்சி தலைவி ஜெயலலிதா ஆகியோர் மட்டுமே. இவர்களெல்லாம் தங்களின் தனிப்பட்ட ஆளுமையாலும், மக்கள் மீது காட்டிய அளப்பரிய அன்பினாலும் மட்டுமே பல தசாப்தங்களாகத் தமிழ்நாட்டைத் தங்களின் விரல் அசைவில் ஆட்டிப்படைத்தார்கள். அத்தகைய ஒரு மாபெரும் மக்கள் ஈர்ப்புத்தன்மை என்பது சும்மா படித்துவிட்டு பிரஸ் மீட்களில் பேசுவதால் மட்டும் யாருக்கும் வந்துவிடாது.
அந்த வரிசையில், தற்போதைய சமகாலத் தமிழக அரசியலில் அத்தகைய ஒரு அசாத்திய ‘கரீஷ்மா லீடராக’ உருவெடுத்து, மக்கள் மனங்களை முழுமையாகக் கவர்ந்துள்ளார் தமிழக வெற்றிக் கழகத்தின் தலைவர் விஜய் அவர்கள். சினிமாவைக் கடந்து அவர் மீது மக்கள் வைத்துள்ள அசைக்க முடியாத நம்பிக்கையும், பாசமும்தான் அவரைத் தான் சந்தித்த முதல் தேர்தலிலேயே மாபெரும் வெற்றி பெற வைத்து, கோட்டையில் முதலமைச்சர் நாற்காலியில் அமர வைத்து அழகு பார்க்கத் தூண்டியுள்ளது. அண்ணாமலை அவர்களுக்கு நிர்வாக ரீதியான புத்திசாலித்தனமும், திட்டமிடும் திறமைகளும் இருக்கலாம் என்பதை மறுப்பதற்கில்லை, ஆனால் ஒட்டுமொத்தத் தமிழ்நாட்டு மக்களும் தங்களின் எதிர்காலத்தையும் மாநிலத்தின் ஆட்சியையும் நம்பி ஒப்படைக்கக்கூடிய அளவிற்கான மக்கள் செல்வாக்கோ அல்லது நம்பிக்கையோ அவரிடம் துளியும் இல்லை என்பதை அவர் புரிந்துகொள்ள வேண்டும்.
இத்தகையச் சூழலில், அண்ணாமலை அவர்கள் தனியாக ஒரு கடையை ஆரம்பித்து, அதாவது தனிக்கட்சி ஒன்றைத் தொடங்கி அதன் மூலம் தமிழ்நாட்டு அரசியல் களத்தில் ‘போனி’ பண்ணிடலாம், தனக்கான ஒரு சாம்ராஜ்யத்தை உருவாக்கிடலாம் என்று பகற்கனவு கண்டால் அது முற்றிலும் தோல்வியில்தான் முடியும். தமிழக மக்கள் தேசியக் கட்சிகளையோ அல்லது மாற்று முகங்களையோ அவ்வளவு எளிதில் ஏற்பதில்லை, அதிலும் குறிப்பாகத் தனிப்பட்ட ஈர்ப்பு இல்லாத தலைவர்களின் பின்னால் அணிவகுக்கத் தயாராக இல்லை. எனவே, தனியாகக் கட்சி ஆரம்பித்துத் தனது அரசியல் வாழ்க்கையை முற்றிலும் பூஜ்ஜியமாக்கிக் கொள்வதை விடுத்து, எதார்த்தமான அரசியல் சூழ்நிலையை உணர்ந்து அவர் முடிவுகளை எடுப்பதே புத்திசாலித்தனமாகும்.
இறுதியாக, தமிழக அரசியல் என்பது வெறும் அதிகாரிகளுக்கான விளையாட்டு அரங்கம் அல்ல, அது மக்களின் உணர்வுகளோடும் நம்பிக்கைகளோடும் கலந்த ஒரு தளம் என்பதை அண்ணாமலை போன்ற தலைவர்கள் ஆழமாகப் புரிந்துகொள்ள வேண்டும். மக்கள் அண்ணன் விஜய்யின் நேர்மையான, ஈர்ப்புமிக்க ஆளுமையின் பின்னால் உறுதியாக அணிவகுத்து நிற்கத் தொடங்கிவிட்டனர். இந்தச் சூழ்நிலையில், தோற்றுப்போன பழைய உத்திகளையும், வதந்தி அரசியல் மற்றும் மலிவான விளம்பரங்களையும் நம்பி களம் காண்பவர்கள் மக்கள் சக்தியின் முன்னால் தவிடுபொடியாவது உறுதி. எனவே, வீண் பிடிவாதங்களை விடுத்து, தமிழக மக்கள் விரும்பும் கரீஷ்மா தலைவரான முதலமைச்சர் விஜய் அவர்களின் நல்லாட்சிக்குக் குடைச்சல் கொடுக்காமல் இருப்பதே அண்ணாமலையின் அரசியல் எதிர்காலத்திற்கு ஓரளவாவது கௌரவத்தைத் தரும்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
