தமிழக அரசியல் தளம் தற்பொழுது ஒரு மிகப்பெரிய வரலாற்று மாற்றத்தைக் கண்டுள்ள வேளையில், தவெக தலைவர் விஜய் அவர்களின் அசாத்திய வெற்றியையும், பாஜக மாநில தலைவர் அண்ணாமலை அவர்களின் தற்போதைய அரசியல் நகர்வுகளையும் ஒப்பிட்டுப் பார்க்கும் போது சில எதார்த்தமான உண்மைகள் வெட்டவெளிச்சமாகின்றன. இன்றைக்கு தமிழ்நாட்டு அரசியலில் அதிமுக என்ற கட்சி ஆட்டத்திலேயே இல்லை என்ற நிலைக்கு தள்ளப்பட்டுவிட்டது. அதே நேரத்தில், பல தசாப்தங்களாக பவர் பாலிடிக்ஸ் நடத்தி வந்த திமுகவும் இனி தேறாது, மக்கள் மத்தியில் அவர்களின் செல்வாக்கு முற்றிலும் சரிந்துவிட்டது என்பது கடந்த சட்டமன்ற தேர்தலிலேயே உறுதியாகிவிட்டது. இத்தகைய சூழலில், அண்ணாமலை அவர்களின் ஒட்டுமொத்த பார்வையும், அவருடைய ஒரே டார்கெட்டும் தற்பொழுது முதலமைச்சர் விஜய் அவர்களாக மட்டுமே இருக்க முடியும் என்பது அரசியல் விமர்சகர்களின் கணிப்பாக உள்ளது.
ஆனால், அண்ணாமலை அவர்கள் தவெக அரசு மீதும், தளபதி விஜய் மீதும் விமர்சனங்களை வைப்பதற்கு முன்னால் ஒரு மிக முக்கியமான அரசியல் எதார்த்தத்தை மனதிலே ஞாபகம் வைத்து கொள்ள வேண்டும். அண்ணாமலை அவர்கள் ஒரு முன்னாள் ஐபிஎஸ் அதிகாரியாக பெரிய பந்தாவுடன் அரசியலுக்குள் நுழைந்தாலும், தேர்தல் களம் என்று வரும்போது அவர் தொடர்ந்து தோற்றுப்போன ஒரு தலைவராகவே தன்னை நிரூபித்துள்ளார். அவர் நின்ற தேர்தல்களில் மக்கள் அவரை தோற்கடித்ப் பின்னுக்கு தள்ளியதே வரலாறு. ஆனால், அதற்கு நேர்மாறாக தளபதி விஜய் அவர்கள், தான் சந்தித்த முதல் தேர்தலிலேயே மக்கள் பேராதரவோடு மாபெரும் வெற்றி பெற்று, ஒட்டுமொத்த திராவிட கோட்டைகளையும் தகர்த்துவிட்டு தமிழ்நாட்டின் முதலமைச்சர் நாற்காலியை பிடித்துள்ளார். தேர்தல் அரசியலில் தோற்றுப்போன ஒருவர், முதல் தேர்தலிலேயே சரித்திரம் படைத்த ஒரு வெற்றியாளரை விமர்சிப்பது வேடிக்கையானது.
அண்ணாமலை அவர்கள் தங்களின் தார்மீக அரசியல் கடமையை செய்ய வேண்டும் என்று நினைத்தால், இந்த மாநிலத்தை பாழாக்கிய திமுக மற்றும் அதிமுக ஆகிய இரு கட்சிகளையும் தாராளமாக விமர்சிக்கலாம். அப்படி தமிழ்நாட்டை பின்தங்கிய நிலைக்கு இழுத்து சென்ற திராவிட கட்சிகளின் ஊழல்களையும், நிர்வாக சீர்கேடுகளையும் நீங்கள் தட்டிக்கேட்கும் போது, எளிய பொதுமக்களே உங்களுக்கு ஓரளவுக்குச் சப்போர்ட் கொடுப்பார்கள். ஆனால், அதை விடுத்துவிட்டு, தமிழ்நாட்டு மக்கள் தங்களின் முழு நம்பிக்கையையும் வழங்கி, பேராதரவோடு முதலமைச்சர் நாற்காலியில் அமர வைத்துள்ள விஜய் அவர்களை நீங்கள் தேவையில்லாமல் விமர்சனம் செய்ய தொடங்கினால், நீங்கள் எய்யும் அம்பு உங்கள் பக்கமே திருப்பித் தாக்க ஆரம்பிக்கும். மக்களின் செல்வாக்கை பெற்ற ஒரு தலைவரைத் தாக்குவது, அண்ணாமலையின் அரசியல் எதிர்காலத்திற்கே பெரிய ஆபத்தாக முடியும்.
அண்ணாமலை அவர்கள் தான் ஒரு படித்த மேதாவி என்றும், ஐபிஎஸ் படித்துவிட்டு வந்த பெரிய அறிவாளி என்றும் தம்பட்டம் அடித்து கொண்டு, பிரஸ் மீட்களில் புள்ளிவிவரங்களை பேசி பொதுமக்களை ஏமாற்றிவிடலாம் என்று நினைத்துக் கொண்டிருக்கிறார். அவர் தன்னை எவ்வளவு பெரிய புத்திசாலியாக காட்டி கொண்டாலும், இன்றைய டிஜிட்டல் உலகத்தில் வாழ்ந்து வரும் எங்க ‘ஜென் ஸி’ இளைஞர்கள் முன்னால் அவருடைய இந்த தந்திர புத்திசாலித்தனம் எல்லாம் ஒருபோதும் எடுபடாது. ஒரு தலைவரின் போலித்தனத்தையும், சுயநல அரசியலையும் நொடி பொழுதில் பிரித்தெறியும் முதிர்ச்சியும் விழிப்புணர்வும் இன்றைய இளைய தலைமுறையினரிடம் அதிகமாகவே உள்ளது. வெறும் வார்த்தை ஜாலங்களை வச்சுக்கொண்டு இங்க எதையும் சாதிச்சிர முடியாது என்பதை அவர் புரிந்துகொள்ள வேண்டும்.
அரசியல் நாகரிகம் என்பது எதிரிகளை விமர்சிப்பதில் இல்லை, மக்களின் தேவைகளை புரிந்துகொள்வதில்தான் இருக்கிறது. அண்ணாமலை அவர்கள் தொடர்ந்து சமூக வலைத்தளங்களில் வதந்திகளையும், பொய்ச்செய்திகளையும் பரப்பி அதன் மூலம் ஆளுங்கட்சிக்கு நெருக்கடி கொடுத்துவிடலாம் என்று பகற்கனவு காண்கிறார். ஆனால், அவர் போடும் ஒவ்வொரு போலி பதிவிற்கும், ஆதாரமில்லாத குற்றச்சாட்டுகளுக்கும் அடுத்த பத்தாவது நிமிடமே நெத்தியடி கொடுத்து அவருடைய முகத்திரையை கிழிக்க தவெக-வின் தகவல் தொழில்நுட்ப பிரிவும், விழிப்புணர்வுள்ள பொதுமக்களும் சோஷியல் மீடியாக்களில் எப்போதும் விழிப்புடன் காத்துக்கொண்டிருக்கிறார்கள். மலிவான விளம்பர அரசியலை நம்பி களமிறங்குபவர்கள் மக்கள் சக்தியின் முன்னால் காணாமல் போவது உறுதி.
இறுதியாக, தமிழ்நாட்டின் முதலமைச்சராக பொறுப்பேற்றுள்ள விஜய் அவர்கள், எதிர்க்கட்சிகளின் இதுபோன்ற தேவையற்ற அழுத்தங்களுக்கும், மிரட்டல்களுக்கும் அஞ்சாமல் தனது நேர்மையான நல்லாட்சியை தொடர்ந்து முன்னெடுத்து வருகிறார். மக்கள் தங்களுக்கு கொடுத்துள்ள ஐந்து ஆண்டு கால அவகாசத்திற்குள், முந்தைய ஆட்சியாளர்கள் போட்டு வச்ச அத்தனை குளறுபடிகளையும் சரிசெய்து, தமிழ்நாட்டை உலக தரத்திற்கு மாற்றுவதிலேயே தவெக அரசு குறியாக உள்ளது. எனவே, தோற்றுப்போன தலைவர்கள் கொடுக்கும் தேவையற்ற குடைச்சல்களை புறந்தள்ளிவிட்டு, அண்ணன் விஜய்யின் நேர்மையான தலைவத்துவத்தின் கீழ் ஒரு புதிய அரசியல் புரட்சியை நோக்கி தமிழ்நாட்டு மக்கள் அனைவரும் ஒன்றிணைந்து பயணிக்க தயாராகிவிட்டனர் என்பதே தற்போதைய எதார்த்தமாகும்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
