தமிழக அரசியல் மற்றும் பொதுவெளியில் பெண் பிரபலங்களை குறிவைத்துச் சமூக வலைத்தளங்கள் வாயிலாக அநாகரிகமான முறையில் அவதூறு பரப்புபவர்கள் மீது தற்பொழுது சட்டத்தின் கரம் பாய தொடங்கியுள்ளது. கார் பந்தய வீராங்கனையும், பாஜக பிரமுகருமான அலிஷா அப்துல்லா மற்றும் அவரது பச்சிளம் குழந்தைகள் குறித்து யூடியூப் நேர்காணல் ஒன்றில் ஆபாசமாகவும், அசிங்கமாகவும் சித்தரித்து பேசிய வழக்கில், திருச்சி சூர்யா சிவா அதிரடியாக கைது செய்யப்பட்டுள்ளார். இவருடன் இணைந்து அவதூறு பரப்பிய யூடியூபர் முக்தாரை பிடிப்பதற்கு காவல்துறையினர் தனிப்படை அமைத்து தீவிர வலை வீசியுள்ள நிலையில், அவர் தற்போது தலைமறைவாகியுள்ளதாக தகவல்கள் வெளியாகியுள்ளன. இந்த அதிரடி நடவடிக்கை, இணையதளங்களை வக்கிர புகலிடமாக மாற்றி வரும் நபர்களுக்கு கொடுக்கப்பட்ட ஒரு மிகச்சரியான சாட்டையடியாக பார்க்கப்படுகிறது.
பெண்களின் கண்ணியத்தையும், அவர்களின் தனிப்பட்ட ஒழுக்கத்தையும் பொதுமேடைகளில் கொச்சைப்படுத்துவதையே தங்களின் முழுநேர தொழிலாக கொண்டிருக்கும் திருச்சி சூர்யா சிவா மற்றும் முக்தார் போன்ற வக்கிர புத்தி கொண்டவர்கள், இனிமேல் தங்களின் ஜென்மத்திற்கும் பெண்கள் குறித்து ஆபாசமாக பேச முடியாத அளவிற்கு சட்ட ரீதியான தண்டனைகள் இவர்களுக்கு வழங்கப்பட வேண்டும் என்ற கோரிக்கை சமூக ஆர்வலர்களிடையே வலுத்துள்ளது. கருத்து சுதந்திரம் என்ற பெயரில் அடுத்தவர்களின் குடும்பங்களுக்குள் நுழைந்து, பச்சிளம் குழந்தைகளின் பிறப்பை கூட ஆபாசமாக சித்தரிக்கும் இத்தகைய சமூக விரோதிகளை சட்டத்தின் முன் நிறுத்தி இரும்புக்கரம் கொண்டு ஒடுக்க வேண்டியது ஒரு ஆரோக்கியமான சமூகத்திற்கு மிக அவசியமான ஒன்றாகும்.
திருச்சி சூர்யா சிவா இவ்வாறு பெண்களை பற்றி அவதூறாகப் பேசுவது இது முதன்முறை அல்ல; கடந்த காலங்களில் தமிழ் சினிமாவின் முன்னணி நடிகையான த்ரிஷா குறித்தும், அவரது தனிப்பட்ட வாழ்க்கை குறித்தும் எந்தவித ஆதாரமும் இன்றி மிகவும் அசிங்கமான முறையில் பலமுறை அவதூறுகளை பரப்பிய வரலாறும் இவருக்கு உண்டு. ஊடகங்களுக்கு இவர் கொடுக்கும் பேட்டிகளை உற்று நோக்கினால், அதில் சொல்லப்படும் விஷயங்களில் 99 சதவீதம் அப்பட்டமான பொய்களும், பரபரப்புக்காக ஜோடிக்கப்பட்ட கற்பனை கதைகளும் மட்டுமே நிறைந்திருக்கும் என்பது வெட்டவெளிச்சமாகியுள்ளது. சுயலாபத்திற்காகவும், அடுத்தவர்களை மிரட்டிப் பணம் பறிப்பதற்காகவும் மட்டுமே இத்தகைய கீழ்த்தரமான வதந்திகளைப் பரப்புவதை இவர் வாடிக்கையாகக் கொண்டிருந்தார்.
இவரது இத்தகைய அநாகரிகமான செயல்பாடுகள் மற்றும் கட்டுக்கடங்காத அவதூறுப் பேச்சுகளின் காரணமாகவே, இவர் முன்பு இருந்த பாஜகவில் இருந்து அக்கட்சியின் மாநிலத் தலைவர் அண்ணாமலையால் மிகக் கேவலமாக விரட்டியடிக்கப்பட்டார் என்பது குறிப்பிடத்தக்கது. கட்சியின் கட்டுப்பாட்டை மீறியும், பெண்களைத் தொடர்ந்து இழிவுபடுத்தியும் வந்த திருச்சி சூர்யா சிவாவின் போக்கைக் கண்டித்து, அவருக்கும் கட்சிக்கும் எந்தவிதத் தொடர்பும் இல்லை என்று அண்ணாமலை அப்போதே அதிரடி நடவடிக்கை எடுத்திருந்தார். கட்சியை விட்டு நீக்கப்பட்ட பிறகும், தனக்கு நேர்ந்த அவமானத்தில் இருந்து பாடம் கற்றுக் கொள்ளாமல், தொடர்ந்து யூடியூப் சேனல்கள் வழியே வக்கிரப் பேச்சுகளைப் பேசி வந்ததே இன்று அவரை சிறைக் கம்பிகளுக்குப் பின்னால் தள்ளியுள்ளது.
அரசியல் சாயம் பூசிக்கொண்டும், அரசியல் விமர்சகர்கள் என்ற போர்வையிலும் பொதுவெளியில் உலா வரும் இதுபோன்ற நபர்கள் இன்னும் திருந்தாமல் இருப்பது ஒட்டுமொத்தத் தமிழகத்திற்கே சாபக்கேடாகும். தங்களின் வியூஸ்களுக்காகவும், பணத்திற்காகவும் எடிட் செய்யப்பட்ட ஏஐ புகைப்படங்களைப் பயன்படுத்தி ஒரு பெண்ணின் வாழ்க்கையோடு விளையாட நினைக்கும் இத்தகைய நபர்களைச் சட்டம் தன் கடமையைச் செய்து நிச்சயம் திருத்தும்; அப்படி அவர்கள் திருந்த மறுத்தால், காவல்துறை அவர்களை உலுக்கெடுத்து அவர்களின் அத்தனை கொட்டங்களையும் அடக்கும் என்பதில் எந்தவித ஐயமும் இல்லை. அலிஷா அப்துல்லா எடுத்த துணிச்சலான சட்ட நடவடிக்கை, பாதிக்கப்பட்ட பல பெண்களுக்கு ஒரு புதிய நம்பிக்கையை அளித்துள்ளது.
இறுதியாக, திருச்சி சூர்யா சிவாவின் கைதும், முக்தாருக்கு எதிரான போலீஸ் வலையும் இணையதள வக்கிரங்களுக்கு வைக்கப்பட்ட முற்றுப்புள்ளியாக அமைய வேண்டும். பெண்களைப் பற்றி அவதூறு பேசினால் தப்பித்துக் கொள்ளலாம் என்ற எண்ணத்தில் சுற்றும் அனைத்து சைபர் குற்றவாளிகளுக்கும் இந்தக் கைது ஒரு மிகப்பெரிய எச்சரிக்கையாகும். சட்டம் தன் கடமையைச் சரிவரச் செய்து, இவர்களுக்குக் கடுமையான தண்டனையைப் பெற்றுத் தரும் பட்சத்தில், எதிர்காலத்தில் எந்தவொரு பெண்ணின் கண்ணியமும் சோசியல் மீடியாக்களில் சிதைக்கப்படாது. தவறு செய்பவர்கள் யாராக இருந்தாலும், அவர்கள் தங்களின் அநாகரிகப் பேச்சுகளுக்கான விலையைச் சிறைச்சாலைகளில் அனுபவித்தே தீர வேண்டும் என்பதே நிதர்சனம்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
