சர்வதேச அரசியலில் வல்லரசு நாடுகளுடனான உறவில் இந்தியா மற்றும் பாகிஸ்தான் கடைப்பிடிக்கும் அணுகுமுறைகளை ஒப்பிட்டு, அமெரிக்க அதிபர் டொனால்ட் டிரம்ப் பாகிஸ்தான் ராணுவத் தளபதி ஆசிம் முனீரை கடுமையாக எச்சரித்துள்ளதாக வெளியாகும் தகவல்கள் அரசியலில் பெரும் பரபரப்பை ஏற்படுத்தியுள்ளன. இந்தியாவின் வெளியுறவு கொள்கையை வெகுவாக பாராட்டியுள்ள டிரம்ப், இந்தியா எப்போதும் தனது நாட்டின் நலனையே முன்னிறுத்தும் என்றும், அமெரிக்காவின் அனைத்து கோரிக்கைகளுக்கும் அது செவிசாய்க்காது என்றும் வெளிப்படையாக தெரிவித்துள்ளார். இருப்பினும், இந்தியா ஒருபோதும் ‘இரட்டை ஆட்டம்’ ஆடாது என்றும், கொடுத்த வாக்கை மீறி முதுகில் குத்தாது என்றும் அவர் புகழாரம் சூட்டியுள்ளார். மோடி தலைமையிலான இந்தியா ஒரு நம்பகமான சக்தி என்பதை டிரம்ப் உறுதிபட தெரிவித்துள்ளார்.
அதே சமயம், பாகிஸ்தானின் நிலையை இந்தியாவின் நேர்மையுடன் ஒப்பிட்டு டிரம்ப் மிக கடுமையான விமர்சனங்களை முன்வைத்துள்ளார். அமெரிக்காவிடம் நட்பாக இருப்பது போல நடித்துக்கொண்டு, மறைமுகமாக சீனாவுக்கு உண்மையான விசுவாசியாக பாகிஸ்தான் செயல்படுவதை அவர் சுட்டிக்காட்டியுள்ளார். பாகிஸ்தான் காட்டும் இந்த போலி நட்பு இனி செல்லுபடியாகாது என்றும், சீனாவின் காலடியில் கிடக்கும் பாகிஸ்தானுடன் உறவை தொடர அமெரிக்கா விரும்பவில்லை என்றும் அவர் எச்சரித்துள்ளார். “உன் உறவும் வேண்டாம், ஒட்டும் வேண்டாம்” என்ற ரீதியில் பாகிஸ்தானின் இரட்டை வேடத்தை டிரம்ப் தோலுரித்து காட்டியுள்ளார்.
பாகிஸ்தானின் தற்போதைய பொருளாதார சீரழிவை மையமாக வைத்து, நிதி ரீதியாகவும் டிரம்ப் ஒரு பெரிய நெருக்கடியை உருவாக்கியுள்ளார். ஏற்கனவே திவாலாகும் நிலையில் இருக்கும் பாகிஸ்தான், சர்வதேச நாணய நிதியத்தின் அதாவது IMFன் கதவுகளை தட்டும் போதெல்லாம் அமெரிக்காவின் தயவை நாடுகிறது. ஆனால் இனிமேல் காசு கேட்டு IMFபக்கம் வந்தால் கடும் விளைவுகளை சந்திக்க நேரிடும் என்று அவர் ஆசிம் முனீரை எச்சரித்துள்ளதாக கூறப்படுகிறது. பாகிஸ்தான் தனது பாதையை மாற்றிக்கொள்ளாத வரை, அமெரிக்கா தனது செல்வாக்கை பயன்படுத்தி எந்தவொரு சர்வதேச நிதி உதவியும் பாகிஸ்தானுக்கு கிடைக்காமல் முடக்கும் என்பதை இந்த மிரட்டல் உணர்த்துகிறது.
இந்தியாவின் ராணுவ தாக்குதல்கள் குறித்து பாகிஸ்தானுக்கு விடுக்கப்பட்ட எச்சரிக்கைதான் இதில் உச்சகட்டமாக பார்க்கப்படுகிறது. கடந்த காலங்களில் இந்தியா பாகிஸ்தான் மீது எல்லை தாண்டிய தாக்குதல்களை நடத்தியபோது, சர்வதேச நாடுகள் தலையிட்டு ஒருவிதமான போர் நிறுத்தத்தை ஏற்படுத்தின. ஆனால், இனிமேல் இந்தியா ‘ஆபரேஷன் சிந்தூர் 2.0’ போன்ற அதிரடி ராணுவ நடவடிக்கைகளை மேற்கொண்டால், அமெரிக்கா அதனை பார்த்தும் பார்க்காமல் விட்டுவிடும் என்று டிரம்ப் கூறியுள்ளார். அதாவது, இந்தியாவின் தாக்குதலில் இருந்து பாகிஸ்தானை காப்பாற்ற அமெரிக்கா ஒருபோதும் முன்வராது என்பதே இதன் நேரடி பொருளாகும்.
பாகிஸ்தான் ராணுவத் தளபதி ஆசிம் முனீருக்கு விடுக்கப்பட்ட இந்த எச்சரிக்கை, பாகிஸ்தான் ராணுவத்தின் மேலாதிக்கத்திற்கு விடுக்கப்பட்ட சவாலாகவே கருதப்படுகிறது. ஆப்கானிஸ்தான் விவகாரத்திலும், பயங்கரவாத குழுக்களை ஆதரிப்பதிலும் பாகிஸ்தான் கடைப்பிடிக்கும் ரகசிய திட்டங்கள் அமெரிக்க உளவு அமைப்புகளால் துல்லியமாக கண்டறியப்பட்டுள்ளன. அமெரிக்கா வழங்கும் நிதியை பெற்றுக்கொண்டு அமெரிக்காவுக்கே எதிராக செயல்படும் பாகிஸ்தானின் தந்திரங்கள் இனி செல்லாது என்பதை டிரம்ப் நிர்வாகம் மிகவும் காட்டமான மொழியில் பதிவு செய்துள்ளது.
மொத்தத்தில் தெற்காசியாவில் இந்தியாவின் வளர்ந்து வரும் அதிகாரத்தையும், பாகிஸ்தானின் தேய்ந்து வரும் நம்பிக்கையையும் இந்த சம்பவம் உறுதிப்படுத்துகிறது. சீனாவின் பிடியில் பாகிஸ்தான் சிக்கியுள்ள நிலையில், அமெரிக்கா தனது ஆசிய கொள்கையில் இந்தியாவையே முதன்மையான கூட்டாளியாக கருதுகிறது. ஆசிம் முனீருக்கு விடுக்கப்பட்ட இந்த மிரட்டல், பாகிஸ்தான் தனது கொள்கைகளை மாற்றிக்கொள்ளவில்லை என்றால், அது சர்வதேச அளவில் முற்றிலும் தனிமைப்படுத்தப்பட்டு, பெரும் பொருளாதார மற்றும் ராணுவ பேரழிவை சந்திக்கும் என்பதற்கான இறுதி எச்சரிக்கையாகவே பார்க்கப்படுகிறது.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
