பிக் பாஸ் தமிழ் சீசன் 9 நிகழ்ச்சி விறுவிறுப்பாக சென்றுகொண்டிருக்கும் நிலையில், போட்டியாளர்களின் நடவடிக்கைகள் மற்றும் வாராந்திர எவிக்ஷன் குறித்து ரசிகர்கள் மத்தியில் கடும் விவாதங்கள் எழுந்துள்ளன. குறிப்பாக, போட்டியாளர் கமருதீன்-இன் பேச்சு மற்றும் மற்றவர்களை விமர்சிக்கும் பாணி பலரின் அதிருப்தியை பெற்றுள்ளது.
கமருதீன், ஆரம்பத்தில் இருந்தே சக போட்டியாளரான திவாகரனை “லூசு, மெண்டல்” என இழிவாக பேசி வந்தது ரசிகர்களுக்கு கோபத்தை ஏற்படுத்தியுள்ளது. சமீபத்தில், அவர் பெண்களை அசிங்கமாக பேசுவதாகப் பலரும் குற்றம் சாட்டுகின்றனர்.
வீட்டுத் தலைவர் டாஸ்க்கின்போது, கமருதீன் வெளியேற வேண்டும் என்று ரம்யா வாக்களித்தார். இதனால் கோபமடைந்த கமருதீன், “நீ என்னுடன் சண்டை போட தகுதியே இல்லை” என்று ரம்யாவிடம் கூறியது சர்ச்சையை கிளப்பியுள்ளது. சமூக வலைதளங்களில், கமருதீனின் இந்த பேச்சு, ரம்யா ஒரு ரெக்கார்ட் டான்ஸர் என்பதை மறைமுகமாக இழிவுபடுத்துவதாக ரசிகர்கள் கருதுகின்றனர். கடின உழைப்பால் பிக் பாஸ் மேடைக்கு வந்துள்ள ரம்யாவை தகுதி குறித்து பேசுவது முறையற்றது என்று விமர்சகர்கள் கண்டனம் தெரிவிக்கின்றனர்.
ரம்யாவை மட்டுமின்றி, சுபிக்ஷா-வையும் கமருதீன் சீண்டியுள்ளார். “உன்னை மிகப்பெரிய அறிவாளி என்று நினைத்தேன், உன் மேல் மண்டை காலி” என்று அவர் சுபிக்ஷாவை பார்த்து பேசியதும் விமர்சனத்துக்குள்ளாகியுள்ளது. தன்னுடைய கருத்தை எதிர்ப்பவர்கள் அறிவில்லாதவர்கள் என்று சித்தரிக்க முயல்வதாக ரசிகர்கள் கருதுகின்றனர்.
கமருதீன் தன்னைத்தானே முந்தைய சீசன் வெற்றியாளர் அசிம் போல நினைத்துக்கொள்வதாக விமர்சகர்கள் கூறுகின்றனர். ஆனால், அசிமிற்கு இருந்த நியாயமோ, நல்ல குணமோ கமருதீனிடம் இல்லை என்றும், அவர் விஜே பார்வதியின் ஆதரவாளராக மட்டுமே இயங்குவதாகவும் பலரும் சாடுகின்றனர்.
அதேபோல் இன்னொரு பக்கம் F.J-யின் ஆக்ரோஷமான மற்றும் சர்ச்சைக்குரிய நடவடிக்கைகளை கருத்தில் கொண்டு, அவருக்கு ரெட் கார்டு வழங்க வேண்டும் என்று ஒரு தரப்பினர் வலியுறுத்தி வருகின்றனர். கடந்த சீசனில் பிரதீப் ஆண்டனிக்கு கொடுக்கப்பட்ட ரெட் கார்டு தவறு என்று மக்கள் கொந்தளித்தனர். ஆனால், F.J-க்கு ரெட் கார்டு கொடுத்தால் மக்கள் மகிழ்ச்சியுடன் வரவேற்பார்கள் என்று விமர்சகர்கள் கூறுகின்றனர்.
F.J-ஐ உடனடியாக வெளியேற்றினால், நிகழ்ச்சிக்கு தேவையான கான்ட்ரவர்சி குறையும் என்பதால், நிகழ்ச்சியின் தயாரிப்பாளர்கள் உடனடியாக இந்த முடிவை எடுக்க மாட்டார்கள் என்றும், அவரே ரெட் கார்டு வாங்கி வெளியேறுவதற்கான முயற்சிகளை செய்து வருவதாகவும் சிலர் கருதுகின்றனர்.
இந்த வாரம் வெளியேற போவது யார் என்ற கேள்வி ரசிகர்கள் மத்தியில் எழுந்துள்ளது. F.J மற்றும் சர்ச்சைக்குரிய நபர்களை வெளியேற்ற முடியாத நிலையில், குறைவான பங்களிப்பை அளித்த போட்டியாளர் வெளியேற்றப்படலாம் என கணிக்கப்படுகிறது.
போட்டியாளர்கள் கெமி மற்றும் F.J இருவரும் அதிக சண்டைகள் மற்றும் பிசிக்கல் டாஸ்க்குகளில் கலந்துகொண்டு ‘கண்டென்ட்’ கொடுத்துள்ளனர். எனவே, இந்த வாரம் வெளியேற வாய்ப்புள்ள போட்டியாளராக பலரும் அப்சராவை சுட்டிக்காட்டுகின்றனர்.
பிக் பாஸ் வீட்டில் நீடிக்க வேண்டுமானால், நல்லது அல்லது கெட்டது என ஏதேனும் ஒரு வகையில் மக்களின் கவனத்தை பெற்றிருக்க வேண்டும். எந்தவிதமான தாக்கத்தையும் ஏற்படுத்தாததால், அப்சரா வெளியேறுவதே நியாயம் என்று விமர்சகர்கள் கருதுகின்றனர்.
எல்லா போட்டியாளர்களும் சமம் என்ற அடிப்படையில், விளையாட்டுக்காக ஏதேனும் பங்களிப்பை செய்தவர்களே வீட்டில் நீடிக்க முடியும். இந்த வாரம் யார் வெளியேறுவார் என்ற மக்களின் கருத்து சமூக ஊடகங்களில் எதிர்பார்ப்பை ஏற்படுத்தியுள்ளது.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
