தமிழக அரசியல் களம் இப்போது நடிகர் விஜய்யை சுற்றியே வலம் வருகிறது. ‘தமிழக வெற்றி கழகம்’ என்ற பெயரில் அவர் தொடங்கியுள்ள அரசியல் பயணம், ஒரு புயல் போல பாரம்பரிய அரசியல் கட்சிகளான திமுக மற்றும் அதிமுகவின் அடித்தளத்தை அசைக்க ஆரம்பித்துள்ளது. விஜய்யின் ஒவ்வொரு பேச்சுக்கும், செயலுக்கும் மற்ற கட்சிகள் காட்டும் எதிர்வினைகள், அவருக்கு இருக்கும் அரசியல் அச்சுறுத்தலின் தீவிரத்தை காட்டுகிறது.
சமீபத்தில் ஒரு பொதுக்கூட்டத்தில் விஜய், முதல்வர் ஸ்டாலினை “அங்கிள்” என்று அழைத்ததற்கு திமுக தரப்பிலிருந்து கடுமையான எதிர்வினை வந்தது. அதேபின் விஜய், “சி.எம். சார்” என்று மாற்றி கொண்டபோதும் சில அரசியல்வாதிகள் ஏன் கோபப்படுகிறார்கள் என்ற கேள்வி எழுகிறது. “மகாராஜாவுக்கு வந்தனம்” என்றுதான் சொல்ல வேண்டுமா? என்று அரசியல் விமர்சகர் மதிவாணன் அவர்கள் சமீபத்தில் அளித்த பேட்டியில் தெரிவித்துள்ளார்.
மேலும் மதிவாணன் தனது பேட்டியில், ‘ராணிப்பேட்டை திமுக எம்.எல்.ஏ. சமீபத்தில், “விஜய்க்கு பதில் சொல்ல வேண்டாம் என்று தலைமை உத்தரவிட்டுள்ளது” என்று பேசியது, திமுகவின் நிலைப்பாட்டை காட்டுகிறது. விஜய்யின் விமர்சனங்களுக்கு ஒவ்வொரு முறையும் பதிலளிப்பது, அவருக்கு மேலும் விளம்பரம் தேடித்தரும் என்று திமுக தலைமை உணர்ந்திருக்கலாம். இந்த மௌனம், விஜய்யின் அரசியல் வளர்ச்சிக்கு மறைமுகமாக உதவுவதாகவே தெரிகிறது.
விஜய்யின் அரசியல் நகர்வுகளை தடுக்க, அவருக்கு எதிராக ஒரு ‘டிஜிட்டல் கூலிப்படை’ செயல்படுவதாக மதிவாணன் குற்றம் சாட்டுகிறார். சமூக ஊடகங்களில் தனிப்பட்ட முறையில் விஜய்யை விமர்சிப்பது, அவதூறு பரப்புவது போன்ற செயல்கள் இதற்கு ஒரு சான்று.
“TN FACT என்பது அரசு அமைப்பு, அது பொய் சொல்லக் கூடாது, ஆனால் திமுக ஆட்சியில் அதுவே பொய் சொல்லுது” என்று மதிவாணன் குறிப்பிட்டது, அரசு அமைப்புகளின் நம்பகத்தன்மையையும் கேள்விக்கு உள்ளாக்கியுள்ளது.
வழக்கமாக தேர்தல் நேரத்தில் மட்டுமே தொடங்கும் பிரச்சாரங்களை, திமுக மற்றும் அதிமுக ஆகியவை ஒரு வருடத்திற்கு முன்பே தொடங்கிவிட்டன. இது, விஜய்யின் வருகை, இரு கட்சிகளின் மீதும் ஒரு அழுத்தத்தை ஏற்படுத்தியுள்ளதைக் காட்டுகிறது.
2 நாள் கூட்டத்திற்கே 15 அமைச்சர்களுக்குப் பதற்றம்” என்று மதிவாணன் குறிப்பிட்டது, விஜய்யின் கூட்டங்களுக்குக் கூடும் மக்கள் கூட்டம், திமுக தலைமையை எந்த அளவுக்கு அச்சுறுத்தியுள்ளது என்பதை உணர்த்துகிறது.
திமுகவை இதுவரை வெற்றி பெற வைத்த முக்கியக் காரணம், பாஜக எதிர்ப்பு வாக்குகள் என்று அரசியல் விமர்சகர் மதிவாணன் கூறுகிறார். ஆனால், விஜய் களமிறங்கி, பாஜக தான் தனது கொள்கை எதிரி என்று பிறகு, இந்த எதிர்ப்பு வாக்குகளில் கணிசமானவை அவரது பக்கம் செல்லக்கூடும். இது, திமுகவின் வெற்றி வாய்ப்புகளைக் குறைக்கும்.
மேலும் மதிவாணன் கூறுகையில், “விஜய்க்கு இப்போதே 25% வாக்குகள் இருக்கு, அடுத்த ஆண்டு பிப்ரவரிக்குள் இன்னும் அதிகரிக்கும்” என்றார். இது, விஜய்யின் ரசிகர் பலம் மற்றும் இளைஞர்கள் மத்தியில் அவருக்கு இருக்கும் செல்வாக்கு ஆகியவற்றின் அடிப்படையில் கணக்கிடப்பட்ட ஒரு மதிப்பீடாக இருக்கலாம்.
திமுக மற்றும் அதிமுகவின் எதிர்கால தேர்தல் வியூகங்கள், விஜய்யை எப்படி எதிர்கொள்ள போகின்றன என்பதை பொறுத்தே அமையும். விஜய் ஒரு தனிப்பட்ட சக்தியாக வளர்ந்து, இரு கட்சிகளின் வாக்குகளையும் சிதறடிக்கும் நிலை வந்தால், தமிழக அரசியலில் ஒரு புதிய சகாப்தம் தொடங்கும் என்பது உறுதி. இந்த அரசியல் ‘கதை’, இனிமேல் தான் சூடுபிடிக்க தொடங்க உள்ளது.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
