உக்ரைன் அதிபர் ஜெலென்ஸ்கி, இந்தியா தங்களுடன் இருப்பதாக கூறியுள்ளார். இது ரஷ்யாவுடனான போரை நிறுத்த நாங்கள் இந்தியாவின் உதவியை நாடி கொள்கிறோம், அமெரிக்கா இதில் இருந்து விலகி இருக்கவும் என அவர் மறைமுகமாக கூறியதாக தெரிகிறது.
ஐக்கிய நாடுகள் சபையின் பொதுச்சபையில் டிரம்ப், உக்ரைன் போருக்கு “சீனாவும், இந்தியாவும் முதன்மை நிதி வழங்குநர்களாக உள்ளன” என்று குற்றம் சாட்டினார், ஏனெனில் இவ்விரு நாடுகளும் ரஷ்ய எண்ணெய் இறக்குமதியை தொடர்கின்றன. ஆனால், இந்த குற்றச்சாட்டை மறுத்த ஜெலென்ஸ்கி, “இந்தியா ரஷ்யாவிடம் எண்ணெய் வாங்கினாலும், பெரும்பாலும் எங்களுடன் உள்ளது” என்று குறிப்பிட்டார். மேலும், அவர் ஐரோப்பிய நாடுகள் இந்தியாவுடன் நெருங்கிய உறவை ஏற்படுத்திக்கொள்ள வேண்டும் என்றும், இந்தியாவின் எரிசக்தி கொள்கை காலப்போக்கில் மாறும் என்றும் நம்பிக்கை தெரிவித்தார்.
இந்தியா, ரஷ்யாவிடமிருந்து எண்ணெய் இறக்குமதி செய்வதை பலமுறை நியாயப்படுத்தியுள்ளது. இது இந்தியாவின் எரிசக்தி பாதுகாப்பு மற்றும் பொருளாதார நலன்களுக்கு அவசியம் என்று இந்தியா கூறியுள்ளது. மேற்கத்திய நாடுகள் ரஷ்யா மீது பொருளாதார தடைகளை விதித்த போதிலும், இந்தியா தனது தேசிய நலனை பாதுகாப்பதில் உறுதியாக உள்ளது.
பிரதமர் மோடி இந்தியா ரஷ்யா-உக்ரைன் போரை ஆதரிக்கவில்லை, அதே சமயம் இந்த போர் பேச்சுவார்த்தைகள் மூலம் முடிவுக்கு வர வேண்டும் என்று தொடர்ச்சியாக வலியுறுத்தி வருகிறார்.
இந்தியா, பாரம்பரியமாக ரஷ்யாவுடன் வலுவான பாதுகாப்பு மற்றும் பொருளாதார உறவுகளை கொண்டுள்ளது, அதே சமயம் அமெரிக்கா மற்றும் ஐரோப்பிய நாடுகளுடன் தனது உறவுகளை விரிவுபடுத்தி வருகிறது. இந்த சூழலில், ஜெலென்ஸ்கியின் கருத்துக்கள் இந்தியாவின் இராஜதந்திரத்திற்கு ஒரு சவாலாக அமையலாம்.
ஜெலென்ஸ்கி பேச்சு, இந்தியா உக்ரைனுக்கு அதிக ஆதரவை வழங்க வேண்டும் என்ற எதிர்பார்ப்பை ஏற்படுத்துகிறது. இது இந்தியாவின் இராஜதந்திர வட்டாரங்களில் ஒரு புதிய பரிமாணத்தை உருவாக்கும்.
இந்தியா தனது ரஷ்ய உறவுகளை முற்றிலுமாக கைவிட முடியாது, அதே சமயம் மேற்கத்திய நாடுகளின் அழுத்தத்தை சமாளிக்க வேண்டும். இது இந்தியாவுக்கு ஒரு கடினமான இராஜதந்திர சவாலாகும். இந்த நிலையில், உலக அரங்கில் இந்தியாவின் நிலைப்பாடு மேலும் வலுவானதாக இருக்க வேண்டிய அவசியம் உள்ளது. இந்தியா முன்வந்து ரஷ்யா மற்றும் உக்ரைன் போரை நிறுத்த டெல்லியில் இருதரப்பு பேச்சுவார்த்தைக்கு ஏற்பாடு செய்தால் போர் முடிவுக்கு வர வாய்ப்பு உள்ளது.
மொத்தத்தில் உலக அரசியல் களத்தில், இந்தியா தனது பங்களிப்பை தொடர்ந்து அளிக்கும் என்பதே இந்தியாவின் இராஜதந்திர நிலைப்பாடாக இருக்கும்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
