தனுஷ் தமிழ் சினிமாவில் பணியாற்றும் திரைப்பட நடிகர், திரைப்பட இயக்குனர், திரைப்பட தயாரிப்பாளர் மற்றும் பின்னணி பாடகர், பாடலாசிரியர் ஆவார். திரைப்பட இயக்குனர் கஸ்தூரிராஜாவின் இளைய மகன் ஆவார் மற்றும் இயக்குனர் செல்வராகவனின் இளைய சகோதரர் என்பது குறிப்பிடத்தக்கது.
2002 ஆம் ஆண்டு செல்வராகவன் இயக்கத்தில் ‘துள்ளுவதோ இளமை’ திரைப்படத்தின் மூலம் தமிழ் சினிமாவில் அறிமுகமானார் தனுஷ். தொடர்ந்து கிட்டத்தட்ட 50 படங்களுக்கும் மேல் நடித்துள்ள தனுஷ் தமிழ் சினிமாவின் முன்னணி நடிகராக இருக்கிறார். தற்போது தனுஷ் தனது ஐம்பதாவது படத்தை தானே இயக்கி அதில் நடித்துள்ளார்.
தனுஷ் தனது ஐம்பதாவது படத்தை அவரே இயக்கி நடித்துள்ளது ‘ராயன்’ திரைப்படம் ஆகும். இந்த திரைப்படம் கடந்த மாதம் வெளியாகி பிளாக்பஸ்டர் ஹிட் ஆகி இன்னும் ஓடிக்கொண்டிருக்கிறது. இப்படத்தில் தனுஷ் உடன் எஸ் ஜே சூர்யா, செல்வ ராகவன், காளிதாஸ் ஜெயராம், சுந்திப் கிஷன், பிரகாஷ்ராஜ், துஷாரா விஜயன், அபர்ணா பாலமுரளி, வரலட்சுமி சரத்குமார் மற்றும் சரவணன் ஆகியோர் முக்கிய கதாபாத்திரத்தில் நடித்துள்ளனர். இது ஒரு ஆக்சன் கிரைம் திரைப்படம் ஆகும். சன் பிக்சர்ஸ் சார்பில் கலாநிதி மாறன் இத்திரைப்படத்தை தயாரித்துள்ளார்.
ராயன் திரைப்படத்திற்கு ஏ ஆர் ரகுமான் இசையமைத்துள்ளார், ஓம் பிரகாஷ் ஒளிப்பதிவு செய்துள்ளார் பிரசன்னா ஜிகே படத்தொகுப்பு செய்துள்ளார். கடந்த 26 ஜூலை 2024 அன்று உலகம் முழுவதும் ராயன் திரைப்படம் ரிலீசானது. தற்போது இந்த திரைப்படம் உலகம் முழுவதும் 150 கோடிக்கு மேல் வசூலை பெற்று சாதனை படைத்துள்ளது. 2024ல் அதிக வசூல் செய்த தமிழ் திரைப்படமாக ராயன் இடம் பெற்றுள்ளது.
படம் வெளியான பின்னர் தனுஷின் ரசிகர்கள் OTT யில் இந்தப் படம் வெளியாவதற்கான அப்டேட்டுக்கு காத்திருந்தனர். அதன்படி OTT யில் வெளியாவதை பற்றிய தகவல்களை பட குழுவினர் அறிவித்திருக்கின்றனர். அது என்னவென்றால் வருகிற ஆகஸ்ட் 23ஆம் தேதி தனுஷ் இயக்கிய ராயன் திரைப்படம் அமேசான் பிரைம் OTT தளத்தில் Streaming ஆக இருக்கிறது. இது தனுஷ் அவர்களின் ரசிகர்களிடையே பெரும் மகிழ்ச்சியை ஏற்படுத்தி உள்ளது.