அமெரிக்காவின் தன்னிச்சையான வர்த்தக கொள்கைகளும், பிற நாடுகள் மீது விதிக்கப்படும் வர்த்தக தடைகளும், அமெரிக்காவை உலக நாடுகளிடமிருந்து தனிமைப்படுத்தக்கூடும் என்று சர்வதேசப் பொருளாதார நிபுணர்கள் எச்சரித்துள்ளனர். குறிப்பாக, இந்தியா போன்ற பொருளாதார வல்லரசுகளின் அதிருப்தி, அமெரிக்காவின் உலகளாவிய ஆதிக்கத்திற்கு ஒரு பெரிய அச்சுறுத்தலாக அமையலாம் என்று அவர்கள் கருதுகின்றனர். பிரதமர் நரேந்திர மோடியின் தலைமையிலான இந்தியாவின் நிலைப்பாடு, இந்த உலகளாவிய மாற்றங்களுக்கு ஒரு புதிய திசையை கொடுக்கக்கூடும் என்றும் நிபுணர்கள் தெரிவிக்கின்றனர்.
இந்தியாவின் ஏற்றுமதி: ஓர் அசைக்க முடியாத சக்தி
அமெரிக்காவிற்கான இந்தியாவின் மொத்த ஏற்றுமதி, இந்தியாவின் ஒட்டுமொத்த ஏற்றுமதியில் சுமார் 10% மட்டுமே உள்ளது. மீதமுள்ள 90% ஏற்றுமதி உலகின் பிற நாடுகளுக்கும், உள்நாட்டு சந்தைக்கும் பயன்படுத்தப்படுகிறது. இந்த 90% ஏற்றுமதி, அமெரிக்காவின் வர்த்தக தடைகளால் இந்தியா பெரிதாக பாதிக்கப்படாது என்பதை தெளிவுபடுத்துகிறது. இதன் காரணமாக, அமெரிக்காவுக்கு ஏற்றுமதியை நிறுத்துவது குறித்து இந்தியா சிந்தித்தால், அது இந்திய பொருளாதாரத்தைவிட அமெரிக்க பொருளாதாரத்திற்கே பெரும் பாதிப்பை ஏற்படுத்தும்.
அமெரிக்காவின் பலவீனமான நிலை:
சர்வதேச வர்த்தகத்தில் இந்தியாவை போலவே மற்ற நாடுகளும் அமெரிக்காவுக்கு ஏற்றுமதி செய்வதை நிறுத்தினால், அமெரிக்காவின் பொருளாதாரம் மிக கடுமையாகப் பாதிக்கப்படும்.
ரஷ்யாவின் பங்கு மற்றும் ஆயுத உற்பத்தி
குறிப்பாக ரஷ்யா, அமெரிக்காவிற்கு அணு ஆயுதங்கள் மற்றும் அணுசக்திக்கு தேவையான யுரேனியம் ஹெக்ஸாஃப்ளோரைடு போன்ற முக்கியமான பொருட்களை ஏற்றுமதி செய்கிறது. ஒருவேளை, ரஷ்யா இந்த ஏற்றுமதியை நிறுத்திவிட்டால், அமெரிக்காவால் ஒரு ஆயுதம் கூட தயாரிக்க முடியாது. இது, அமெரிக்காவின் பாதுகாப்பு துறைக்கே ஒரு பெரிய அச்சுறுத்தலாக அமையும்.
மாற்று சந்தைகளை நோக்கி செல்லும் உலக நாடுகள்:
அமெரிக்காவின் வர்த்தக தடைகளால் பாதிக்கப்பட்ட நாடுகள், மாற்று ஏற்றுமதி மற்றும் இறக்குமதி வாய்ப்புகளை தேடிக்கொள்ளும். சீனா, ரஷ்யா, மற்றும் இந்தியா போன்ற பெரிய பொருளாதாரங்களை கொண்ட நாடுகள், ஒரு புதிய வர்த்தக கூட்டணியை உருவாக்கினால், அது அமெரிக்காவின் உலகளாவிய ஆதிக்கத்தை பெரிதும் குறைக்கும்.
அமெரிக்கா தனக்குத்தானே ஏற்படுத்தும் பாதிப்பு
அமெரிக்காவின் இந்த தன்னிச்சையான வர்த்தக கொள்கைகள், ஒருவிதத்தில் “தன் தலையில் தானே மண்ணை வாரி போட்டுக்கொள்வது” போன்றது என்று நிபுணர்கள் எச்சரிக்கின்றனர். அமெரிக்காவின் இந்த நடவடிக்கைகள், உலக நாடுகளை ஒன்றிணைத்து, அமெரிக்காவிற்கு எதிராக ஒரு புதிய வர்த்தக சூழலை உருவாக்கும். இதன் விளைவாக, அமெரிக்கா உலக அரங்கில் படிப்படியாக தனிமைப்படுத்தப்படும் அபாயம் உள்ளது.
மொத்தத்தில் சர்வதேச பொருளாதார வல்லுநர்கள், டிரம்ப் தனது கொள்கைகளை மறுபரிசீலனை செய்ய வேண்டும் என்று வலியுறுத்தியுள்ளனர். இல்லையெனில், இந்தியா போன்ற வளரும் நாடுகள் தங்கள் வளர்ச்சியை தொடரும், ஆனால் அமெரிக்கா தனது செல்வாக்கையும், பொருளாதார வலிமையையும் இழந்து பூஜ்யத்தை நோக்கி செல்லும் என்று எச்சரித்துள்ளனர்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
