அமெரிக்கா வெறும் 30 கோடி மக்கள்தொகை கொண்ட நாடாக இருந்தாலும், 140 கோடி மக்கள்தொகை கொண்ட இந்தியாவுக்கு 50% வரி விதிக்கும் அளவுக்கு துணிச்சல் காட்டுவதற்கு காரணம், அதன் தொழில்நுட்ப வளர்ச்சியே.
ஆப்பிள், மைக்ரோசாஃப்ட், டெஸ்லா, கூகுள் போன்ற உலகப் புகழ்பெற்ற நிறுவனங்கள் அமெரிக்காவின் தொழில்நுட்ப பலத்தை நிலைநிறுத்துகின்றன. அதேபோல் விண்வெளி உள்பட பல துறைகளின் டெக்னாலஜியில் அமெரிக்கா தான் முதன்மை நாடாக உள்ளது.
சீனா தொழில்நுட்பத்தில் முன்னணியில் இருந்தாலும், அமெரிக்காவுடன் பகைத்துக்கொள்ள அது விரும்புவதில்லை. ரஷ்யா மட்டுமே அமெரிக்காவை முழுமையாக எதிர்க்கத் துணியும் நாடாக இருக்கிறது. மற்ற நாடுகள் அனைத்தும் அமெரிக்காவின் தொழில்நுட்பத்தை நம்பி இருப்பதால், அந்நாட்டை முழுமையாக எதிர்க்க முடியாமல் தவிக்கின்றன. அமெரிக்காவுக்கு ஏற்றுமதி செய்வதை நிறுத்திவிட்டால், அந்நாட்டுக்கு உடனடிப் பாதிப்பு ஏற்படாது; அந்த அளவுக்கு நிதி மற்றும் பொருளாதாரத்தில் அமெரிக்கா வலிமையான நாடாக உள்ளது.
டிரம்பின் நடவடிக்கைகள் மற்றும் உலகப் பொருளாதாரத்தின் எதிர்காலம்:
டிரம்ப் போன்ற ஒரு ‘கோமாளி’ அதிபரால் தான் அமெரிக்கா தற்போது ஆட்டம் காண்கிறது. இப்போது பிரிக்ஸ் நாடுகள் (இந்தியா, ரஷ்யா, பிரேசில், சீனா, தென் ஆப்பிரிக்கா) ஒரு புதிய கரன்சியை உருவாக்கும் முயற்சியிலோ அல்லது தங்கத்தின் அடிப்படையில் வர்த்தகம் செய்யும் முடிவிலோ வெற்றி பெற்றால், அமெரிக்க டாலரின் ஆதிக்கம் சரிந்துவிடும். இதேபோல் ஐரோப்பிய மற்றும் ஆப்பிரிக்க நாடுகள் ஒன்றிணைந்தால், அமெரிக்காவின் நிலைமை மேலும் மோசமாகும். கடந்த நூற்றாண்டுகளாக அமெரிக்கா பல்வேறு நாடுகளுடன் வர்த்தகம் செய்து நட்புறவை வளர்த்து வைத்திருந்த நிலையில், டிரம்பின் இந்த சிறுபிள்ளைத்தனமான நடவடிக்கைகளால், அந்த உறவுகளை சில ஆண்டுகளில் இழக்க நேரிடும்.
எதிர்கால வல்லரசுப் பயணத்தின் சவால்:
அமெரிக்கா ஒரு வல்லரசாக இருந்தாலும், சிறிய நாடுகள் உள்பட அனைத்து நாடுகளுடனும் அனுசரித்து சென்றால் மட்டுமே அதன் ஆதிக்கம் நீடிக்கும். “நான்தான் நாட்டாமை, நான் சொல்வதைத் தான் கேட்க வேண்டும்” என்று அமெரிக்கா பிடிவாதம் பிடித்தால், அது தனது அழிவுக்கான ஆரம்பப் புள்ளியைத் தானே வைப்பதாகவே அமையும். இன்னும் இரண்டு ஆண்டுகளுக்கு மேல் டிரம்பின் ஆட்சி நடைபெறவிருப்பதால், அமெரிக்க மக்கள் மட்டுமின்றி உலக மக்களும் பொறுமை காக்க வேண்டிய சூழல் உள்ளது. அடுத்த அமெரிக்க அதிபராவது புத்திசாலித்தனமான தலைவராக இருப்பாரா என்பதைப் பொறுத்துதான் அமெரிக்காவின் எதிர்காலம் அமையும்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
