ரயில் பயணத்தில் புரட்சியை ஏற்படுத்தும் விதமாக, சீனா தனது புதிய காந்த புவிஈர்ப்பு ரயிலின் சோதனையை வெற்றிகரமாக முடித்துள்ளது. இந்த அதிவேக ரயில், வெறும் 7 வினாடிகளில் மணிக்கு 600 கி.மீ வேகத்தை எட்டும் திறன் கொண்டது.
17வது நவீன ரயில்வே கண்காட்சியில் அறிமுகப்படுத்தப்பட்ட இந்த அதிநவீன ரயில், பயண நேரத்தை கணிசமாகக் குறைக்கும். உதாரணமாக, பெய்ஜிங்கிற்கும் ஷாங்காய்க்கும் இடையிலான 1,200 கி.மீ தூரத்தை வெறும் 150 நிமிடங்களில் கடக்கும். அதாவது மணிக்கு சுமார் 480 கிமீ வேகத்தில் இந்த ரயில் செல்லும்.
வெற்றிட குழாய் சோதனையில் ஜெட் விமான வேகத்தை மிஞ்சிய மேக்லெவ் ரயில்
மேக்லெவ் தொழில்நுட்பம், காந்த புலங்களைப் பயன்படுத்தி ரயிலை தண்டவாளத்திலிருந்து உயர்த்துகிறது. இது உராய்வை நீக்கி, மென்மையான, அமைதியான மற்றும் வேகமான இயக்கத்தை செயல்படுத்துகிறது. சீனாவின் ஹுபேய் மாகாணத்தில் உள்ள டோங்ஹு ஆய்வகத்தில் அண்மையில் நடைபெற்ற ஒரு சோதனையில், 1.1 டன் எடையுள்ள மேக்லெவ் ரயில், 1,968 அடி நீளமுள்ள பாதையில் 7 வினாடிகளுக்குள் மணிக்கு சுமார் 650 கி.மீ வேகத்தை எட்டியது. இது மணிக்கு 547-575 mph வேகத்தில் செல்லும் வணிக ஜெட் விமானங்களை விட வேகமாக உள்ளது.
இந்த சோதனை, கிட்டத்தட்ட பூஜ்ஜிய காற்று எதிர்ப்பை சமன் செய்ய வடிவமைக்கப்பட்ட ஒரு வெற்றிட குழாய்க்குள் நடைபெற்றது. உயர்-வெப்பநிலை சூப்பர் கண்டக்டிங் லெவிடேஷன், கிட்டத்தட்ட உராய்வில்லாத மற்றும் சத்தமில்லாத பயணத்திற்கு பயன்படுத்தப்பட்டது. 2025 ஆம் ஆண்டின் இறுதிக்குள் அதிவேக சோதனை பாதையை முடிக்க இலக்கு நிர்ணயிக்கப்பட்டுள்ளது, இந்த ரயில் பயணிகள் சேவையை தொடங்கினால், அது போக்குவரத்து துறையில் ஒரு புதிய புரட்சியை ஏற்படுத்தக்கூடும்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
