சர்வதேச கணித ஒலிம்பியாட் போட்டியில், கூகிள் மற்றும் ஓபன்ஏஐ நிறுவனங்களின் ஜெனரேடிவ் AI மாடல்களை மனிதர்கள் தோற்கடித்துள்ளனர். இருப்பினும், முதல் முறையாக இந்த AI நிரல்கள் தங்கப்பதக்க நிலையை எட்டியிருப்பது குறிப்பிடத்தக்கது.
மனிதர்களின் அபார வெற்றி – AI-யின் புதிய மைல்கல்
20 வயதுக்குட்பட்டவர்கள் கலந்துகொள்ளும் மதிப்புமிக்க சர்வதேச கணித ஒலிம்பியாட் போட்டியில், எந்தவொரு AI மாடலும் முழு மதிப்பெண் பெறவில்லை. மாறாக, ஐந்து இளம் போட்டியாளர்கள் 42 புள்ளிகள் பெற்று முழு மதிப்பெண்களுடன் அசத்தினர்.
கூகிள் திங்கட்கிழமை அன்று வெளியிட்ட அறிவிப்பில், அதன் ஜெமினி சாட்போட்டின் மேம்பட்ட பதிப்பு, இந்த மாதம் ஆஸ்திரேலியாவின் குயின்ஸ்லாந்தில் நடைபெற்ற IMO போட்டியில் கேட்கப்பட்ட ஆறு கணிதப் பிரச்சினைகளில் ஐந்தை தீர்த்ததாக தெரிவித்துள்ளது.
“கூகிள் டீப்மைண்ட் 42 சாத்தியமான புள்ளிகளில் 35 புள்ளிகளை பெற்று, தங்கப்பதக்க மதிப்பெண்ணை எட்டியுள்ளது என்பதை நாங்கள் உறுதிப்படுத்துகிறோம்” என்று அமெரிக்க தொழில்நுட்ப நிறுவனமான கூகிள், IMO தலைவர் கிரெகோர் டோலினார் கூறியுள்ளார்.
“அவற்றின் தீர்வுகள் பல அம்சங்களில் வியக்கத்தக்கதாக இருந்தன. IMO மதிப்பீட்டாளர்கள் அவை தெளிவானவை, துல்லியமானவை மற்றும் பெரும்பாலானவற்றை எளிதாக பின்தொடரக்கூடியவை என்று கண்டறிந்தனர்.”
ஓபன்ஏஐ-யின் சாதனையும் அணுகுமுறையும்
அமெரிக்க சாட்ஜிபிடி தயாரிப்பாளர் ஓபன்ஏஐ, அதன் சோதனைப்பூர்வ ரீசனிங் மாடல் இந்த தேர்வில் 35 புள்ளிகளை பெற்று தங்கப் பதக்க நிலையை எட்டியதாக தெரிவித்தது.
இந்த முடிவு, “உலகின் மிகவும் மதிப்புமிக்க கணிதப் போட்டியில், AI-யில் நீண்டகாலமாக நிலவி வந்த ஒரு பெரிய சவாலை அடைந்தது” என்று ஓபன்ஏஐ ஆராய்ச்சியாளர் அலெக்சாண்டர் வெய் சமூக வலைத்தளத்தில் எழுதினார்.
ஆனால் கூகுள் மற்றும் ஓபன் ஏஐ தொழில்நுட்பங்களை விட மனித போட்டியாளர்களில் சுமார் 10 சதவீதம் பேர் தங்கப்பதக்கங்களை வென்றனர், மேலும் ஐந்து பேர் 42 புள்ளிகள் பெற்று முழு மதிப்பெண் பெற்றனர். கூகுள் மற்றும் ஓபன் ஏஐ ஆகிய இரண்டுமே முழு மதிப்பெண்களை பெறாத நிலையில் மனிதர்கள் பெற்றுள்ளதால் மனிதனை இன்னும் ஏஐ விஞ்சவில்லை என்பது தெளிவாகிறது.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
