ஜியோ நிறுவனம் தீபாவளி சலுகையாக 12 மாதங்களுக்கு இலவச பயிற்சி டேட்டா வழங்க இருப்பதாக அறிவித்துள்ளது, இதனால் வாடிக்கையாளர்களுக்கு பெரும் மகிழ்ச்சி ஏற்பட்டுள்ளது. இச்சலுகையைப் பெறுவதற்கான நிபந்தனைகள் என்னவென்பதை தற்போது பார்ப்போம்.
இந்தியாவின் முன்னணி தொடர்பு நிறுவனங்களில் ஒன்றான ஜியோ, அவ்வப்போது தனது வாடிக்கையாளர்களுக்கு சலுகைகளை அறிவித்து வருகிறது. பி.எஸ்.என்.எல். உள்ளிட்ட போட்டி நிறுவனங்களை சமாளிக்க, ஜியோ உள்பட அனைத்து தனியார் நிறுவனங்களும் சலுகைகளை அறிவிக்க வேண்டிய கட்டாயத்தில் உள்ளன என்பது குறிப்பிடத்தக்கது.
இந்நிலையில், ஜியோ நிறுவனம் தீபாவளி சலுகையாக 12 மாதங்களுக்கு இலவச 5ஜி டேட்டா வழங்க இருப்பதாக அறிவித்துள்ளது. இச்சலுகையைப் பெற, ரிலையன்ஸ் மார்ட் அல்லது மை ஜியோவில் ₹20,000 மதிப்பீட்டில் ஒரே நேரத்தில் பொருள் வாங்க வேண்டும், அவ்வாறு வாங்கிய வாடிக்கையாளர்களுக்கு அடுத்த 12 மாதங்களுக்கு அளவில்லா 5ஜி டேட்டா வழங்கப்படும் என்றும் அறிவிக்கப்பட்டுள்ளது.
தீபாவளி நேரத்தில் டிவி உள்பட பொருட்களை வாங்க உள்ளவர்கள் ஜியோ மார்ட் அல்லது ரிலையன்ஸ் டிஜிட்டலில் வாங்கினால் இந்த இலவச டேட்டா சலுகையை பெற்றுக் கொள்ளலாம் என்பது குறிப்பிடத்தக்கது. இதேபோல், ஜியோ பைபர் நெட்வொர்க்கிலும் ஒரு சிறப்பு சலுகை வழங்கப்பட்டுள்ளது. அதாவது, ₹2222க்கு மூன்று மாத சேவை வழங்கப்படும் என்றும், இந்த சலுகையை நவம்பர் 3ஆம் தேதிக்கு முன்பாக பயன்படுத்திக் கொள்ளலாம் என்றும் ஜியோ நிறுவனம் தெரிவித்துள்ளது.