தமிழகத்தின் தற்போதைய அரசியல் சூழலில், ஒருபுறம் பிரதான கட்சிகளின் தேர்தல் வியூகங்கள் வகுக்கப்பட்டு வர, மறுபுறம் ஒட்டுமொத்த மீடியாக்களும் தமிழக வெற்றி கழகத்தின் தலைவர் விஜய்க்கு எதிராக தங்களது ஆயுதங்களை கையில் எடுத்துள்ளதாக தவெக தொண்டர்கள் கருதுகின்றனர். சமூக ஊடகங்கள் முதல் பிரதான செய்தி தொலைக்காட்சிகள் வரை விஜய்யின் ஒவ்வொரு அசைவையும் விமர்சிப்பதிலேயே குறியாக உள்ளன. ஆனால், இந்த தீவிரமான விமர்சனங்களே எதிர்த்தரப்பு விஜய் மீது கொண்டுள்ள அச்சத்தை தெளிவாக பிரதிபலிக்கிறது. விஜய் ஓட்டைத்தான் பிரிப்பார், ஜெயிக்க மாட்டார் என்றும், அவருக்கு டெபாசிட் கூட கிடைக்காது என்றும் பரப்பப்படும் செய்திகள் அனைத்தும் திட்டமிட்டு உருவாக்கப்படும் அரசியல் பிம்பங்களே தவிர, அவை யதார்த்தமானவை அல்ல.
பத்திரிகையாளர்கள் என்ற போர்வையில் உலவும் சில அரசியல் வியாபாரிகள், விஜய்க்கு தமிழக அரசியலே புரியவில்லை என்று தொடர்ந்து முத்திரை குத்தி வருகின்றனர். “கூட்டணி இல்லாமல் அரசியலில் தாக்குப்பிடிக்க முடியாது” என்ற பழைய சூத்திரத்தை விஜய் உடைக்க பார்ப்பதே இவர்களுக்கு பெரும் எரிச்சலை ஏற்படுத்தியுள்ளது. விஜய்யை நம்பி கூட்டணிக்கு யாரும் வரவில்லை என்று கூவுபவர்கள், அவர் யாரையும் தேடி செல்லவில்லை என்பதையும், தனித்து நின்று தனது பலத்தை நிரூபிக்க துணிந்திருப்பதையும் மறைக்க பார்க்கிறார்கள். கொடுத்த காசுக்கு மேல் கூவும் சில தரப்பினர், விஜய்யின் அமைதியை அவர் மக்களுக்கு அஞ்சுவதாக தவறாக சித்தரிக்க முயல்கின்றனர்.
விஜய் மக்களை சந்திக்கத் தயங்குகிறார் அல்லது அவர் தப்பு மேல தப்பு செய்கிறார் என்ற வதந்திகள் திட்டமிட்டு பரப்பப்படுகின்றன. ஆனால், ஆர்ப்பாட்டமில்லாமல் தனது பணிகளை செய்து வரும் விஜய்யின் வியூகம் என்ன என்பது தேர்தல் முடிவுகள் வரும்போதுதான் தெரியும். அதிகபட்சம் விஜய் மட்டுமே ஜெயிப்பார் என்று சொல்பவர்கள், அவரது ஒவ்வொரு வெற்றியும் ஒரு மிகப்பெரிய மாற்றத்தின் தொடக்கமாக இருக்கும் என்பதை உணர மறுக்கிறார்கள். சமூக வலைதளங்களில் உலவும் கூலிப்படையினர் எவ்வளவுதான் வதந்திகளை பரப்பினாலும், அமைதியாக கவனித்து கொண்டிருக்கும் நடுநிலை வாக்காளர்கள் இந்த அரசியல் நாடகத்தை நன்கு புரிந்து வைத்துள்ளனர்.
ஊடகங்களின் ஒருதலைப்பட்சமான விவாதங்கள் ஒரு குறிப்பிட்ட தரப்பினரை திருப்திப்படுத்த மட்டுமே பயன்படுகின்றன. தமிழக அரசியலில் நீண்டகாலமாக வேரூன்றியுள்ள ஊழல் மற்றும் அதிகார மையங்களுக்கு எதிராக விஜய் களமிறங்கியிருப்பதால், அந்த மையங்களால் இயக்கப்படும் ஊடகங்கள் அவருக்கு எதிராக திரும்புவது வியப்பிற்குரியது அல்ல. விஜய்க்கு ஒர்த்தே இல்லை என்று சொல்பவர்கள், ஏன் அவரைப் பற்றி நாள்தோறும் விவாதித்து கொண்டே இருக்கிறார்கள் என்ற கேள்வியை தவெக தொண்டர்கள் எழுப்புகிறார்கள். பயம் இல்லாத இடத்தில் இவ்வளவு பெரிய எதிர்ப்பு ஒருபோதும் உருவாகாது என்பதே நிதர்சனம்.
தேர்தல் முடிவுகள் வெளிவரும் நாளன்று, இன்று வதந்தி பரப்பும் இந்த அரசியல் வியாபாரிகள் அனைவரும் மயங்கி போகும் அளவிற்கு ஒரு பெரும் புரட்சியை தமிழக மக்கள் நிகழ்த்துவார்கள் என்று தவெக ஆதரவாளர்கள் நம்புகின்றனர். 2026ஆம் ஆண்டு தேர்தல் என்பது வெறும் அரசியல் வெற்றி தோல்வி மட்டுமல்ல, அது நேர்மையான அரசியலுக்கும், கூலிக்கு கூவும் ஊடகங்களுக்கும் இடையிலான ஒரு போர். விஜய்யின் நிதானமும், ஆவேசமற்ற அணுகுமுறையும் அவரது பலவீனம் அல்ல, அது அவரது பலம் என்பதை தேர்தல் களம் விரைவில் நிரூபிக்கும். வதந்திகளை நம்பி ஏமாற மக்கள் ஒன்றும் விவரம் தெரியாதவர்கள் அல்ல.
இறுதியாக, தமிழகத்தின் அரசியல் தலையெழுத்தை ஒரு சில ஊடக நிறுவனங்களோ அல்லது பணம் பெற்றுக்கொண்டு பேசும் நபர்களோ தீர்மானிக்க முடியாது. மக்கள் தான் உண்மையான நீதிபதிகள். அவர்கள் விஜய்யின் நேர்மையையும், அவர் முன்வைக்கும் மாற்றத்தையும் அங்கீகரிக்க தயாராகிவிட்டனர். எதிர்ப்புகள் எவ்வளவு அதிகமாக இருக்கிறதோ, அவ்வளவு தூரம் விஜய்யின் வெற்றி உறுதி செய்யப்படுகிறது. 2026ல் தமிழகம் காணப்போகும் மாற்றம், இதுவரையிலான அனைத்து அரசியல் கணக்குகளையும் தலைகீழாக மாற்றப்போவது உறுதி. அப்போது இன்று வதந்தி பரப்புபவர்களுக்கு பதில் சொல்ல வேண்டிய தேவையே இருக்காது, காலமே அவர்களுக்கு பதிலளிக்கும்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
