நடிகர் விஜய்யின் மதுரை நிகழ்வில் திரண்ட பெரும் கூட்டம், வாக்குகளாக மாறுமா என்பது குறித்து அரசியல் வட்டாரங்களில் தீவிர விவாதம் நடைபெற்று வருகிறது. இந்த நிகழ்வு, பல லட்சக்கணக்கான மக்களால் தொலைக்காட்சி மற்றும் சமூக ஊடகங்களில் பார்க்கப்பட்டது. இந்த நிகழ்வை மையமாக வைத்து, அரசியல் விமர்சகர் மணி அவர்கள் ஒரு கலந்துரையாடலில் கூறியதாவது:
விஜய்யின் ஆதரவாளர்களாக பதிவு செய்துள்ள 90 லட்சம் பேரில், பாதி பேர் வாக்களித்தாலும் அது பெரிய கட்சிகளுக்கு பெரும் சவாலாக அமையும். விஜய்யால் தி.மு.க.வை முழுமையாக தோற்கடிக்க முடியாவிட்டாலும், ஆளும் கட்சிக்கு அவர் நிச்சயமாக ஒரு சிக்கலை ஏற்படுத்துவார்.
விஜய் ஒரு விதி மாற்றும் சக்தி. அவருக்கு இழப்பதற்கு ஒன்றுமில்லை என்பதால், அவரால் பெரிய தடைகளை ஏற்படுத்த முடியும். ஸ்டாலின் நம்பர் ஒன் முதலமைச்சர் என்று சொல்லும் அனைத்து சர்வேக்களும், விஜய்க்கு 20 சதவீதத்திற்கும் மேலான செல்வாக்கு உள்ளது என்பதை மறுக்கவில்லை.
கருணாநிதி, எம்.ஜி.ஆர். மற்றும் ஜெயலலிதா போன்ற வலுவான தலைவர்கள் இருந்த காலத்துடன் ஒப்பிடுகையில், இன்றைய தமிழகத்தில் எதிர்க்கட்சிகள் மிகவும் பலவீனமாக உள்ளன. இது, தமிழ்நாட்டின் வரலாற்றிலேயே மிகவும் பலவீனமான எதிர்க்கட்சி நிலை/
நிதி மேலாண்மை குறித்த அரசின் செயல்பாடுகளும் விமர்சிக்கப்பட்டுள்ளன. உதாரணாக, கடந்த இரண்டு ஆண்டுகளாக ஓய்வூதிய பலன்களைப் பெறாத ஜவுளி தொழிலாளர்கள் போராடி வருகின்றனர்.
ஆளும் கட்சியைச் சேர்ந்த ஒருவருக்கு சொந்தமான மருத்துவமனை சிறுநீரக கடத்தலில் ஈடுபட்டதாக கூறப்படுகிறது. கிராமப்புறங்களில் நிலவும் வறுமை காரணமாக மக்கள் இரண்டு முதல் மூன்று லட்சம் ரூபாய்க்கு தங்கள் சிறுநீரகங்களை விற்பனை செய்து வருகின்றனர். மேற்கண்ட இந்த பிரச்சனைகள் எல்லாம் ஆளுங்கட்சிக்கு பாதகமானது.
விஜய்யின் செல்வாக்கு, தி.மு.க.வுக்கு ஒரு தலைவலியாக அமைந்துள்ளது. அவர் அனைத்துக் கட்சிகளின் வாக்குகளையும் பிரிப்பார். விஜய் உடனடியாக வெற்றி பெறுவது கடினம் என்றாலும், அவர் பெரிய கட்சிகளுக்கு ஒரு சவாலாக மாறி வருகிறார் என்று பத்திரிகையாளர் மணி தெரிவித்தார்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
