தமிழக அரசியலில் 2026 சட்டமன்ற தேர்தலை முன்னிட்டு கூட்டணி கணக்குகள் இப்போதே சூடுபிடிக்க தொடங்கியுள்ளன. குறிப்பாக, நடிகர் விஜய்யின் தமிழக வெற்றிக் கழகம் தேசிய ஜனநாயக கூட்டணியில் இணையப்போவதாக கிளம்பியுள்ள யூகங்கள் அரசியல் வட்டாரத்தில் பெரும் விவாதத்தை ஏற்படுத்தியுள்ளன. விஜய்யை தங்கள் பக்கம் இழுப்பதன் மூலம் தமிழகத்தில் ஒரு பெரிய மாற்றத்தை ஏற்படுத்த பாஜக தலைமை தீவிரம் காட்டி வருவதாக சொல்லப்படும் நிலையில், ஒருவேளை தவெக, என்.டி.வில் இணைந்தால் தவெகவை உடைக்க எதிரணியில் சதி நடப்பதாக சில விமர்சனங்கள் எழுந்துள்ளன. இதற்கு பதிலடி கொடுக்கும் வகையில், தவெக ஆதரவாளர்கள் மற்றும் அரசியல் நோக்கர்கள் முன்வைக்கும் வாதம் மிகவும் ஆணித்தரமாக உள்ளது.
“கட்சி உடைந்தால் உடைந்து போகட்டும், அங்க விஜய் ஒருத்தர் தான் நம்பர் 1, மத்தவங்க எல்லாம் வெறும் ஜீரோ தான்” என்பதே தவெக தொண்டர்களின் தற்போதைய முழக்கமாக இருக்கிறது. ஒரு கட்சியில் இரண்டாம் கட்ட தலைவர்கள் விலகி செல்வதால் அந்த கட்சி அழிந்துவிடும் என்பது விஜய்யை பொறுத்தவரை பொருந்தாது என்கிறார்கள் அவரது ஆதரவாளர்கள். விஜய்யை பொறுத்தவரை அவரே ஒரு மாபெரும் சக்தியாக இருப்பதால், அவரை சுற்றி இருப்பவர்கள் விலகி சென்றாலும் அவரது செல்வாக்கு துளியும் குறையாது என்பதே நிதர்சனம். பூஜ்ஜியங்களை வைத்து பெரிய கோட்டையை கட்ட முடியாது என்பதை போலவே, மக்கள் ஆதரவு இல்லாத தலைவர்கள் பிரிந்து செல்வதால் தவெகவிற்கு எந்த பாதிப்பும் இல்லை.
தமிழக அரசியல் வரலாற்றை உற்று நோக்கினால், மக்கள் எப்போதும் ஒரு தனிப்பட்ட ஆளுமைக்கே வாக்களித்துள்ளனர் என்பது தெளிவாக தெரியும். எம்.ஜி.ஆர், ஜெயலலிதா, கருணாநிதி போன்ற ஆளுமைமிக்க தலைவர்கள் இருந்தபோது, மக்கள் அந்த முகங்களுக்காகவே ஓட்டுப் போட்டார்கள். அவர்களை சுற்றி இருந்த இரண்டாம் கட்ட தலைவர்களுக்காக மக்கள் வாக்களிக்கவில்லை. அந்த தலைவர்கள் மறைந்த பிறகு அல்லது அவர்கள் கட்சியில் இருந்து பிரிந்து சென்றபோது, மக்கள் அவர்கள் பின்னால் செல்லாமல் அந்த முதன்மை தலைவரின் கொள்கை மற்றும் பிம்பத்தின் பின்னால் தான் நின்றார்கள். அதே போன்ற ஒரு பிம்பமாகவே விஜய் தற்போது பார்க்கப்படுகிறார்.
தமிழக வெற்றி கழகத்திற்கு விழும் ஓட்டுகள் அனைத்தும் விஜய்யின் முகம் மற்றும் அவர் மீதான நம்பிக்கைக்கு கிடைக்கும் ஓட்டுகளே தவிர, அவருக்கு பக்கத்தில் அமர்ந்திருக்கும் நிர்வாகிகளுக்காக அல்ல. இரண்டாம் கட்ட தலைவர்கள் என்பவர்கள் ஒரு கட்சியின் நிர்வாகத்தை சீரமைக்க உதவலாமே தவிர, அவர்களால் வாக்குகளை அறுவடை செய்ய முடியாது. இதை புரிந்துகொண்டே தவெக தலைமை, “விஜய் இருக்கும் வரை கட்சிக்கு எந்த சேதாரமும் இல்லை” என்ற நம்பிக்கையில் செயல்படுகிறது. கட்சியின் முக்கிய நிர்வாகிகள் யாராவது வெளியேறினால் கூட, அது விஜய்யின் வாக்கு வங்கியை பாதிக்காது என்ற தைரியம் அவர்களுக்கு உள்ளது.
தேசிய ஜனநாயக கூட்டணியில் இணைந்தால் தவெகவின் தனித்தன்மை கெட்டுவிடும் என்றும், விஜய்யின் செல்வாக்கை சிதைக்க சில சக்திகள் திட்டமிடுவதாகவும் கிளம்பியுள்ள புகார்களுக்கு, தவெக தரப்பில் இருந்து மறைமுக பதிலடிகள் கொடுக்கப்பட்டு வருகின்றன. “உடைக்க நினைப்பவர்கள் உடைக்கட்டும், மக்கள் மன்றத்தில் விஜய்க்கு இருக்கும் செல்வாக்கை யாராலும் பிரிக்க முடியாது” என்பதே அவர்களின் பதிலாக உள்ளது. ஒரு கட்சியின் பலம் என்பது அதன் தொண்டர்களிடமும், தலைவனிடமும் தான் இருக்கிறதே தவிர, பதவிக்காக பின்னால் வரும் நபர்களிடம் இல்லை என்பதை தவெக வெளிப்படையாகவே உணர்த்துகிறது.
இறுதியாக, 2026 தேர்தல் என்பது விஜய்யின் அரசியல் வாழ்வை நிர்ணயிக்கும் ஒரு முக்கிய பரீட்சை. இதில் கூட்டணி குழப்பங்கள், கட்சி பிளவுகள் போன்ற தடைகளை தாண்டி, விஜய் தனது தனித்துவமான செல்வாக்கை நிரூபிப்பாரா என்பதே அனைவரது எதிர்பார்ப்பும். மக்கள் ஓட்டு விஜய்க்கு தான் என்பதில் அவரது ரசிகர்கள் உறுதியாக இருக்கும் நிலையில், எதிரணியினர் எத்தகைய வியூகம் அமைத்தாலும் அது விஜய்யின் ‘மாஸ்’ அரசியலுக்கு முன்னால் எடுபடுமா என்பதை பொறுத்திருந்து தான் பார்க்க வேண்டும்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
