தமிழக அரசியல் களம் தற்போது வரலாறு காணாத வகையில் புதியதொரு உச்சகட்டப் பரபரப்பை எட்டியிருக்கிறது. தமிழக வெற்றிக் கழகத்தின் முதலமைச்சர் சி. விஜய் அவர்களின் தலைமையிலான புதிய அரசு, பொறுப்பேற்ற நாள் முதலே எடுத்து வரும் அடுத்தடுத்த அதிரடி நடவடிக்கைகளால் ஒட்டுமொத்த திமுக கூடாரமும் நிலை குலைந்து போய், நிர்வாகிகள் அனைவரும் என்ன செய்வதென்று தெரியாமல் சிதறி ஓடுவதாக அரசியல் வட்டாரங்களில் மிக பலமாகப் பேசப்பட்டு வருகிறது. கடந்த காலங்களில் அதிமுக ஆட்சியில் வெறும் கண்துடைப்பாக, பாவலா காட்டுவதற்காக மட்டுமே நடவடிக்கைகள் எடுக்கப்பட்டு வந்த நிலையில், தற்போதைய தவெக அரசு உண்மையிலேயே கடுமையான சட்டப்பூர்வ நடவடிக்கைகளை களத்தில் இறங்கி எடுத்து வருவது திமுக தலைமை இதுவரை சற்றும் எதிர்பாராத ஒரு பெரும் பேரிடியாகக் கருதப்படுகிறது.
இந்த அரசியல் புயலின் தற்போதைய முக்கிய திருப்பமாக, திமுகவின் மிக முக்கியத் தலைவரும் முன்னாள் அமைச்சருமான எ.வ. வேலுவுக்கு லஞ்ச ஒழிப்புத்துறை அதிகாரிகள் சம்மன் அனுப்பியிருந்த விவகாரம் வெடிடித்துள்ளது. இன்று அவர் லஞ்ச ஒழிப்புத்துறை அதிகாரிகள் முன்னிலையில் விசாரணைக்காக நேரில் ஆஜராக வேண்டியிருந்த நிலையில், திடீரென அவர் சிங்கப்பூரில் உள்ள ஒரு தனியார் மருத்துவமனையில் அனுமதிக்கப்பட்டுள்ளதாகத் தகவல்கள் வெளியாகியுள்ளன. எ.வ. வேலுவுக்குத் தமிழகத்திலேயே மிகப் பெரிய அளவில் சில மருத்துவமனைகளும், கல்வி நிறுவனங்களும் சொந்தமாக இருக்கும்போது, அவர் விசாரணை நாளான இன்று திடீரென ஏன் சிங்கப்பூருக்குப் பறந்து போய் மருத்துவமனையில் சேர வேண்டும் என்ற கேள்வி பொதுமக்கள் மத்தியிலும், அரசியல் தளத்திலும் பரவலாக எழுப்பப்பட்டு பெரும் சந்தேகத்தை ஏற்படுத்தியுள்ளது.
அதே சமயம், இந்த அதிரடிப் பட்டியலில் அடுத்ததாகக் கைது செய்யப்பட வேண்டிய வி. செந்தில் பாலாஜி தற்போது எங்கே இருக்கிறார் என்றே தெரியாமல் ஒட்டுமொத்த கோட்டை வட்டாரமும் குழப்பத்தில் ஆழ்ந்துள்ளது. அவர் தமிழ்நாட்டில் தான் எங்கேயாவது ரகசிய இடத்தில் பதுங்கி இருக்கிறாரா அல்லது போலீசாரின் கண்ணில் மண்ணைத் தூவிவிட்டு வேறு மாநிலத்திற்கோ அல்லது வெளிநாட்டுக்கோ தப்பிச் சென்றுவிட்டாரா என்பது குறித்து தனிப்படை போலீசார் தீவிரமான விசாரணையில் இறங்கியுள்ளனர். கடந்த முறை போல எந்த ஒரு மருத்துவமனை நாடகமும் இந்த முறை செல்லுபடியாகாது என்பதால், அவர் சட்டத்தின் பிடியில் இருந்து தப்பிக்கவே தலைமறைவாகி இருக்கலாம் என்று உளவுத்துறை வட்டாரங்கள் சந்தேகிக்கின்றன.
இதற்கிடையே, தமிழக முதலமைச்சரைக் கடுமையான வார்த்தைகளால் விமர்சித்த புகாரில் சிக்கிய அனிதா ராதாகிருஷ்ணனின் அதிரடிக் கைது, மற்ற திமுக தலைவர்களின் தூக்கத்தைக் கெடுத்துள்ளது. சென்னை உயர்நீதிமன்றத்தில் அவரது முன்ஜாமீன் மனு தள்ளுபடியான அடுத்த ஒன்றரை மணி நேரத்திற்குள்ளாக, அவர் தப்பித்து ஓடக்கூட ஒரு சிறிய இடம் கூட கொடுக்காமல் தூத்துக்குடி தனிப்படை போலீசார் அவரை வளைத்துப் பிடித்துக் கைது செய்துள்ளனர். ஒரு மாநில அமைச்சராக இருந்தவரை, சற்றும் தாமதிக்காமல் நீதிமன்ற உத்தரவு வந்த உடனே இவ்வளவு வேகமாகப் பாய்ந்து சென்று கைது செய்திருப்பது, தவெக அரசின் காவல்துறை எவ்வளவு கூர்மையாகவும் சுதந்திரமாகவும் செயல்படுகிறது என்பதற்கு மிகச் சிறந்த உதாரணமாக மாறியுள்ளது.
இப்படி லஞ்ச ஒழிப்புத்துறை மற்றும் காவல்துறையின் அடுத்தடுத்த மின்னல் வேக அதிரடி நடவடிக்கைகளால், திமுகவின் முழுக் கூடாரமும் பெரும் அதிர்ச்சியிலும் பீதியிலும் உறைந்து போயுள்ளது. தவெக அரசின் இந்த இறுக்கமான சட்டப் பிடியானது திமுகவின் மிக முக்கிய வாரிசுப் புள்ளிகளுக்கும், கட்சியின் மூத்த தலைவர்களுக்கும் மிகப் பெரிய ஆபத்தாக முடியப் போகிறது என்று அரசியல் விமர்சகர்கள் பகிரங்கமாகக் கூறத் தொடங்கியுள்ளனர். தவறு செய்தவர்கள் யாராக இருந்தாலும், எவ்வளவு பெரிய அதிகாரப் பின்னணியைக் கொண்டிருந்தாலும் சரி, இந்த ஆட்சியில் தப்பிக்கவே முடியாது என்ற எதார்த்தம் இப்போதே அப்பட்டமாக வெளியே தெரியத் தொடங்கியுள்ளது.
திமுகவின் முன்னணித் தலைவர்கள் தங்களைக் காப்பாற்றிக் கொள்ளப் பல வழிகளில் முயன்றாலும், மத்திய மற்றும் மாநில புலனாய்வு அமைப்புகளின் கூட்டு வலை அவர்களை நாலாபுறமும் சூழ்ந்துள்ளதாகத் தெரிகிறது. அனிதா ராதாகிருஷ்ணனின் அதிரடிக் கைதைத் தொடர்ந்து, அடுத்ததாக எ.வ. வேலு மற்றும் செந்தில் பாலாஜி ஆகியோரது விக்கெட்டுகளும் மிக விரைவில் அதிகாரப்பூர்வமாக விழப் போகிறது என்ற பதைபதைப்புடன் ஒட்டுமொத்த தமிழக அரசியல் உலகமுமே இப்போது இந்த ஆட்டத்தை மிக உன்னிப்பாக கவனித்துக் கொண்டிருக்கிறது.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
