வலம்புரி சங்கு என்பது தெய்வீகமானது. வலம்புரி சங்கால் இறைவனுக்கு பூஜை செய்வது நல்லது என்று நம்பப்படுகிறது. வலம்புரி சங்கில் நீர் எடுத்து அபிசேகம் செய்யலாம். பெரும்பாலும் வலம்புரி சங்கை போலியாகவே விற்பனை செய்கிறார்கள்.
இறைஸ்தலங்கள் பலவற்றில் வலம்புரி சங்கு விற்பனை செய்யப்படுகிறது. ராமேஸ்வரம் போன்ற கடற்கரை சார்ந்த புகழ்பெற்ற கோவில்களில் வலம்புரி சங்கு விற்பனை செய்யப்படுகிறது. இவற்றில் போலிகளும் அதிகம் நல்ல சங்குதானா என்பதை நன்கு ஆராய்ந்து அறிந்துதான் வாங்க வேண்டும்.
வலம்புரி சங்கு என்பது சாதாரண 300 ரூபாயில் இருந்து 3 கோடி ரூபாய் வரை இருக்கிறது என்பதுதான் சங்குவை கடலில் இருந்து எடுத்து அதை சுத்தமாக்கி வியாபாரம் செய்யும் பெரிய வியாபாரிகள் சொல்லும் விசயம். அரிதிலும் அரிதாய்தான் மிக விலை உயர்ந்த சங்கு கிடைக்கப்பெறுகிறது. கடைகளில் விற்பனைக்கு வரும் சங்கு நாம் வாங்க கூடிய கணிசமான விலையிலேயே கிடைப்பது குறிப்பிடத்தக்கது.
வலம்புரி சங்கை வீட்டில் வைத்து பூஜிப்பதும் கோவிலில் பூஜை செய்வதும் மிக அருமையான முன்னேற்றங்களையும் செல்வ வளத்தையும் தரும்.