காங்கிரஸ் கட்சியின் தேசிய தலைவர்களுள் ஒருவரான பிரியங்கா காந்தி தென்னிந்திய அரசியல் களத்தில் தனது கவனத்தை செலுத்தி வருவதாக அரசியல் வட்டாரங்களில் தகவல் வெளியாகியுள்ளது. குறிப்பாக, அவர் கேரளாவில் எம்பியாக இருப்பதால், அம்மாநிலத்தை தனது முக்கிய அரசியல் தளமாக மாற்றிக்கொள்ளும் நோக்கத்தில் இருப்பதாக கூறப்படுகிறது. பிரியங்காவுக்கு கேரளா மீது தனிப்பட்ட கவனம் இருப்பதோடு, எதிர்காலத்தில் கேரளாவின் முதலமைச்சராக பொறுப்பேற்க வேண்டும் என்ற விருப்பம்கூட இருக்கலாம் என்றும் அரசியல் விமர்சகர்கள் கருத்து தெரிவிக்கின்றனர். இந்த கனவை நனவாக்குவதற்கு, அண்டை மாநிலமான தமிழகத்தில் வலிமையான கூட்டணி ஒன்று அமைவது அவசியம் என காங்கிரஸ் தலைமை கருதுகிறது.
பிரியங்கா காந்தி, தமிழக அரசியலில் புதிய சக்தியாக எழுந்துள்ள விஜய்யின் தமிழக வெற்றி கழகம் கட்சியுடன் கூட்டணி குறித்து பேச்சுவார்த்தை நடத்துவதாக நம்பத்தகுந்த வட்டாரங்கள் தெரிவிக்கின்றன. தமிழகத்தில் தனது பலத்தை மீட்டெடுக்கவும், கேரளாவில் தனது தலைமைத்துவத்திற்கான அடித்தளத்தை வலுப்படுத்தவும், பிரியங்காவுக்கு இந்த தமிழக கூட்டணி மிகவும் முக்கியமானதாக பார்க்கப்படுகிறது. பிரியங்கா – விஜய் கூட்டணி அமைந்தால், ஒரே கல்லில் தமிழகம், புதுச்சேரி, மற்றும் கேரளா என மூன்று மாநிலங்களிலும் காங்கிரஸ் தலைமை தனது பிடியை வலுப்படுத்தி கொள்ள முடியும் என்று காங்கிரஸ் கணக்கு போடுகிறது.
விஜய்யுடன் கூட்டணி சேர்வதன் மூலம், காங்கிரஸ் கட்சிக்கு ஒரே நேரத்தில் மூன்று மாநிலங்களில் அரசியல் லாபத்தை பெற முடியும் என்ற கனவு நிறைவேறும் என்று நம்பப்படுகிறது. தவெகவின் இளைஞர் செல்வாக்கு, விஜய் எனும் நட்சத்திர பிரபலம் ஆகியவற்றின் மூலம் தமிழகத்தில் காங்கிரஸின் வாக்கு வங்கியை பலப்படுத்த முடியும். தமிழகத்தில் அமையும் வலுவான கூட்டணி, அண்டை யூனியன் பிரதேசமான புதுச்சேரியிலும் அதன் வெற்றி வாய்ப்புகளை அதிகரிக்கும். மேலும், பிரியங்கா காந்தி கேரளாவில் தனது அரசியல் விருப்பங்களை நிறைவேற்றும்போது, அண்டை மாநிலங்களான தமிழகம் மற்றும் புதுச்சேரியில் தனது தலைமையின் செல்வாக்கு நிலைத்திருப்பது, அவரது முதலமைச்சர் கனவுக்கும் மிகப்பெரிய பலமாக அமையும்.
விஜய்யைப் பொறுத்தவரை, அவரது அரசியல் பாதை தெளிவானது: அவரது முக்கிய அரசியல் எதிரியான திமுகவையும், அவரது கொள்கை எதிரியான பாஜகவையும் வீழ்த்துவதே அவரது முதன்மை நோக்கமாக இருக்கலாம். இந்த இலக்கை அடைவதற்கு, இந்தியா முழுவதும் ஆளுமை செலுத்தும் தேசிய கட்சியான காங்கிரஸின் ஆதரவு அவருக்கு மிகவும் அத்தியாவசியமாகிறது. காங்கிரஸுடன் கூட்டணி சேர்வது, தவெகவுக்கு தேசிய அளவிலான ஒரு அங்கீகாரத்தையும், வலுவான கூட்டணி கட்டமைப்பையும் பெற்று தரும். புதிய கட்சி என்ற நிலையில், காங்கிரஸின் நீண்டகால அரசியல் அனுபவம், தேர்தல் மேலாண்மை மற்றும் நிதி ஆதாரங்கள் ஆகியவை விஜய்யின் கட்சிக்குப் பெரிய பலமாக அமையும்.
பிரியங்கா காந்தி மற்றும் விஜய் ஆகிய இரு தரப்பினருக்கும் இந்த கூட்டணி பெரும் இலாபம் தரக்கூடிய ஒரு “win-win situation” ஆக அமைகிறது. பிரியங்காவை பொறுத்தவரை, விஜய்யின் பிரபலம் மூலம் வாக்கு வங்கி பலம் கிடைப்பதுடன், தென்னிந்திய ஆளுமைக்கு தமிழகத்தின் துணை பலம் கிடைக்கும். விஜய்யை பொறுத்தவரை, இந்த கூட்டணி அவருக்கு அரசியல், கொள்கை எதிரிகளை வீழ்த்துவதற்கான வலுவான அணியை அமைத்து கொடுக்கும். மேலும், 3 மாநிலங்களில் குறிப்பிடத்தக்க வெற்றி பெற்றால் கட்சியின் தேசிய அங்கீகாரம் கிடைக்க வாய்ப்பு உள்ளது. எனவே இந்த கூட்டணியால் இருதரப்புக்கும் பரஸ்பர அரசியல் இலாபம் உறுதி செய்யப்படுகிறது.
பிரியங்கா காந்தி – விஜய் கூட்டணி குறித்த பேச்சுவார்த்தை எந்தளவுக்கு முன்னேறியுள்ளது என்பது குறித்து அதிகாரப்பூர்வ தகவல்கள் இல்லை என்றாலும், இந்த கூட்டணி உருவானால் அது தமிழக அரசியலை முழுமையாக மாற்றியமைக்கும் திறன் கொண்டது என அரசியல் விமர்சகர்கள் கருத்து தெரிவித்து வருகின்றனர். விஜய்யின் அரசியல் அபிலாஷை மற்றும் பிரியங்காவின் தென்னிந்திய அரசியல் எதிர்காலம் ஆகிய இரண்டும் இந்த கூட்டணியின் வெற்றியை சார்ந்தே அமையும் என்பதால், இந்த பேச்சுவார்த்தை தமிழக மற்றும் கேரள அரசியல் அரங்கில் மிகுந்த எதிர்பார்ப்பை ஏற்படுத்தியுள்ளது.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
