தமிழக அரசியலில் தற்போது எங்கு திரும்பினாலும் பேசுபொருளாக இருப்பது நடிகர் விஜய்யின் அரசியல் நகர்வுகள் தான். பொதுவாக ஒரு புதிய கட்சி உதயமாகிறது என்றால், அந்த தலைவரின் பேச்சு மற்றும் செயல்பாடுகளை வைத்து மற்ற கட்சிகள் தங்களின் எதிர் வினையை தயார் செய்துவிடும். ஆனால், தமிழக வெற்றிக் கழகத்தின் தலைவர் விஜய் கடைப்பிடித்து வரும் அந்த மௌனம் தான் இன்று ஆளும் கட்சியாக இருக்கும் மாநிலக் கட்சியையும், செல்வாக்கு மிக்க மத்தியக் கட்சியையுமே ஒருவித தடுமாற்றத்திற்கு உள்ளாக்கி இருக்கிறது.
அரசியல் களத்தில் ஒருவரை வீழ்த்த வேண்டும் என்றால் முதலில் அவர் என்ன பேசுகிறார், அவரது பலவீனம் என்ன என்பதை தெரிந்து கொள்ள வேண்டும். விஜய் எப்போதுமே அமைதியை கடைப்பிடிப்பதன் மூலம் எதிராளிகளின் கணிப்புகளுக்கு சிக்காமல் இருக்கிறார். அவர் எதையாவது பேசினால், அந்த வார்த்தைகளை திரித்து பதிவிட்டு அல்லது கிண்டல் செய்து அவரது பிம்பத்தை சிதைக்க பார்க்கலாம் என திட்டமிடும் எதிர்க்கட்சிகளுக்கு, அவரோ எதுவுமே பேசாமல் திரைமறைவில் தனது பணிகளை செய்து வருவது பெரும் தலைவலியை ஏற்படுத்தியுள்ளது.
அரசியல் மேடையில் ஆவேசமாக பேசுவதை விட, அமைதியாக இருந்து அடிமட்ட அளவில் கட்சியை பலப்படுத்துவது என்பது மிகவும் நுணுக்கமான ஒரு யுக்தி. அந்த தந்திரத்தை விஜய் மிகச்சரியாக கையாண்டு வருகிறார். திரையில் பார்த்த அதே விஜய்யாக இல்லாமல், ஒரு முதிர்ந்த அரசியல்வாதியாக அவர் காய்களை நகர்த்துவது மற்ற கட்சிகளை பதற்றமடைய செய்துள்ளது. வெறும் ரசிகர் மன்றங்களை மட்டும் நம்பியிருக்காமல், வாக்காளர்களின் மனநிலையை உணர்ந்து அவர் தீட்டும் திட்டங்கள் பலரையும் வியப்பில் ஆழ்த்தியுள்ளன.
யாரையும் தேவையில்லாமல் விமர்சிக்காமல், தனது நிலைப்பாடு என்ன என்பதை தெளிவுபடுத்தாமல், நேரம் வரும்போது பேசி கொள்ளலாம் என்கிற அந்த நிதானம் தான் இன்று தமிழக அரசியலில் நிலநடுக்கத்தை ஏற்படுத்தியுள்ளது. விஜய் ஒரு பக்கம் அமைதியாக இருந்தாலும், அவர் பின்னணியில் செய்யும் களப்பணிகள் அனைத்தும் வரும் தேர்தல்களில் பெரும் மாற்றத்தை ஏற்படுத்தும் என எதிர்பார்க்கப்படுகிறது. ஆளும் சக்திகளும் அதிகார மையங்களும் ஒரு நடிகரின் வருகையை கண்டு இவ்வளவு தூரம் யோசிக்கின்றன என்றால், அதற்கு பின்னால் இருக்கும் அவரது திட்டமிடலும் வலிமையும் சாதாரணமானது கிடையாது. இந்த மௌன புரட்சி எப்போது வெடிக்க போகிறது என்பது தான் மற்ற அரசியல் கட்சிகளின் தூக்கத்தைக் கெடுத்து கொண்டிருக்கிறது.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
