தமிழ் சினிமாவின் உச்சபட்ச நடிகராக இருப்பவர் விஜய். இவரது தந்தை எஸ் ஏ சந்திரசேகர் தமிழ் சினிமாவில் இயக்குனராகவும் தயாரிப்பாளராகவும் பணியாற்றினார். இதனால் விஜய்க்கு தமிழ் சினிமாவில் வாய்ப்பு கிடைத்தது. சிறுவயதில் குழந்தை நட்சத்திரமாக ஒரு படத்தில் நடித்தார் பின்னால் தனது பதினெட்டாவது வயதில் விஜய் நாயகனாக நடித்து அறிமுகமானார்.
1990 களில் குடும்ப கதைகளில் நடித்த விஜய் 2000-களுக்கு பிறகு சமூகத்திற்கு தேவையான அநீதியை எதிர்த்து பேசப்படும் கதையம்சங்களில் நடித்து மக்கள் மனதில் இடம் பிடித்தார். தொடர்ந்து கமர்சியல் படங்களில் நடித்து முன்னணி நடிகர்களில் ஒருவராக ஆனார் விஜய்.
தற்போது விஜய் படம் என்றாலே ஹிட்டுதான் என்ற அளவுக்கு ப்ளாக்பஸ்டர் படங்களில் நடித்தும் மிகவும் வெற்றிகரமான நடிகர்களில் ஒருவராகவும் இருக்கிறார். என்னதான் சினிமாவில் உச்சபட்ச நடிகராக இருந்தாலும் மக்களுக்கு பணி செய்ய வேண்டும் என்று சினிமாவில் இருந்து ஓய்வு பெறுவதாக அறிவித்தார்.
இப்படி அரசியலில் களமிறக்க போவதாகவும் தமிழக வெற்றி கழகம் என்று கட்சியை ஆரம்பித்து அதன் கொடி மற்றும் பாடல் ஆகியவற்றை வெளியிட்டார். பின்னர் சமீபத்தில் தமிழக வெற்றி கழகத்தின் மாநில மாநாடு விக்ரவாண்டில் பிரம்மாண்டமாக நடைபெற்று முடிந்தது. இந்நிலையில் தற்போது நடிகர் விஜய் தனது கட்சியை அடுத்த லெவலுக்கு எடுத்து செல்ல பல திட்டங்களை வைத்திருப்பதாக கூறப்படுகிறது.
அது என்னவென்றால் வருகிற டிசம்பர் 27ஆம் தேதி முதல் விஜய் தமிழகம் முழுவதும் சுற்றுப்பயணம் செல்ல இருப்பதாகவும் கோவையில் இருந்து அந்த பயணத்தை ஆரம்பிக்க உள்ளதாகவும் தகவல் வெளியாகியிருக்கிறது. இது மட்டுமில்லாமல் நடிகர் விஜய் செய்தி சேனல் ஒன்றை தொடங்க இருக்கிறார் அதைப்பற்றி கட்சியின் முக்கிய நிர்வாகிகளுடன் ஆலோசனை நடத்தி வருவதாகவும் கூறப்படுகிறது.