இந்தியாவின் முன்னணி தொழில் அதிபர்களில் ஒருவரான அதானி, அதானி ஒன் என்ற புதிய செயலியை அறிமுகம் செய்துள்ளார். இந்த செயலி மூலம் ரயில், விமானம், பேருந்து உள்ளிட்ட டிக்கெட்டுகளை முன் பதிவு செய்து கொள்ளலாம் என்றும், வேகமாக சர்வீஸ் மற்றும் எந்த விதமான கூடுதல் கட்டணம் இல்லாமல் குறைவான செலவில் முன்பதிவு செய்து கொள்ளலாம் என்றும் இந்த சேவை நாடு முழுவதும் தொடங்கப்பட்டு உள்ளதாகவும் தெரிவிக்கப்பட்டுள்ளது.
பயண டிக்கெட்டை முன்பதிவு செய்யும் போது, உணவு உட்பட சில வசதிகளையும் முன்பதிவு செய்து கொள்ளலாம் என்று அறிவிக்கப்பட்டுள்ளது. பயணம் செய்யும்போது நமக்கு எந்த தேவை என்றாலும், இந்த செயலி மூலம் முன்பதிவு செய்தால் அது நம்முடைய இருக்கைக்கு வந்து சேரும் என்பது குறிப்பிடத்தக்கது.
மிகவும் எளிதான வடிவமைப்பு, பயனர்கள் புரியும் வகையில் உள்ள செயலி என்று கூறப்படும் இந்த அதானி ஒன் என்ற செயலை ஆண்ட்ராய்டு மற்றும் ஐஓஎஸ் ஆகிய இரண்டு அமைப்புகளிலும் கிடைக்கிறது என்றும், கூகுள் ப்ளே ஸ்டோர் மற்றும் ஆப்பிள் ஆப் ஸ்டோரில் இதை டவுன்லோடு செய்து கொள்ளலாம் என்று அறிவிக்கப்பட்டுள்ளது.
