உலகப் பொருளாதாரம் ஒரு பெரிய மாற்றத்தை நோக்கி நகர்ந்து கொண்டிருக்கிறது. அமெரிக்காவின் மிக முக்கியமான ஏழு வர்த்தக பங்காளிகள், தங்கள் ஏற்றுமதிகளை அமெரிக்க துறைமுகங்களிலிருந்து விலக்கி, கனடாவை நோக்கி திசைதிருப்பிக் கொண்டிருக்கின்றன. ராணுவ உபகரணங்களுக்கான உலோகங்கள், மருத்துவமனைகளுக்கான அத்தியாவசிய மருந்துகள் மற்றும் தினமும் நாம் அருந்தும் காபி போன்ற பொருட்கள் அனைத்தும் தற்போது கனடாவின் துறைமுகங்களை நோக்கி நகர்கின்றன. கடந்த ஆண்டில் மட்டும், இந்த நாடுகள் கனடாவுடன் பில்லியன் டாலர் மதிப்புள்ள வர்த்தக ஒப்பந்தங்களில் கையெழுத்திட்டு, வட அமெரிக்காவின் புதிய வர்த்தக மையமாக கனடாவை மாற்றி வருகின்றன.
மாற்றத்தின் பின்னணி: அமெரிக்காவின் வர்த்தகக் கொள்கைகள்
டிரம்பின் ‘அமெரிக்காவின் தவறான வர்த்தக கொள்கை, பல நாடுகளையும் தனிமைப்படுத்தியுள்ளது. குறிப்பாக, ரஷ்யாவிடம் இருந்து கச்சா எண்ணெய் வாங்கியதற்காக இந்தியா போன்ற நாடுகளின் மீது அமெரிக்கா கடுமையான வரிகளை விதித்துள்ளது. இந்த நிலையற்ற வர்த்தக கொள்கைகள், வெளிநாட்டு விநியோகஸ்தர்களை அமெரிக்காவுடன் வர்த்தகம் செய்வதில் தயக்கத்தை ஏற்படுத்தியுள்ளன. இதன் விளைவாக, கனடா தனது நிலைப்பாட்டை புத்திசாலித்தனமாக பயன்படுத்திக் கொண்டு, இந்த நாடுகளுடன் உறுதியான மற்றும் நம்பகமான வர்த்தக உறவுகளை உருவாக்கி வருகிறது.
கனடாவின் இராஜதந்திர நகர்வு மற்றும் அமெரிக்காவின் சவால்கள்
கனடா, இந்த நாடுகளுடன் சிறப்பு வர்த்தக ஒப்பந்தங்களை ஏற்படுத்தி, கூடுதல் வரிகளை குறைத்து வருகிறது. இது, அமெரிக்க சந்தையை விட கனடாவில் தங்கள் பொருட்களை மலிவான விலையில் விற்கவும், அதன் மூலம் அதிக லாபம் ஈட்டவும் அந்த நாடுகளுக்கு வாய்ப்பளிக்கிறது. குறிப்பாக, அமெரிக்காவின் வர்த்தக தடைகளால் இந்தியாவும், சீனாவும் தங்கள் ஏற்றுமதி வாய்ப்புகளை இழந்து வரும் நிலையில், கனடா ஒரு புதிய சந்தையாக உருவெடுத்துள்ளது. இதன் விளைவாக, அமெரிக்கா தற்போது உயர்ந்து வரும் பொருட்களின் விலை, கடைகளில் காலியான அலமாரிகள், மற்றும் அதன் தொழில்துறை தலைமையும் மெதுவாகக் குறைந்து வரும் சவால்களை எதிர்கொண்டுள்ளது.
எதிர்காலத்திற்கான பாதை
ஒரு நாடு நிகழ்கால அரசியலில் மூழ்கி கிடக்கும்போது, அதன் போட்டியாளர்கள் எதிர்காலத்திற்கான பாதையை அமைப்பார்கள் என்பது இயல்பானது தான். அமெரிக்காவின் ஆணவமும், உள்நாட்டு சண்டைகளும் அதன் உலக தலைமைக்கு ஒரு பெரிய அச்சுறுத்தலாக மாறி வருகின்றன. கனடா இந்த வாய்ப்பை பயன்படுத்தி, அமெரிக்காவுடன் போட்டியிட்டு, உலகளாவிய வர்த்தக மையமாக தன்னை நிறுவி வருகிறது. அமெரிக்கா இந்த மாற்றத்தை உணர்ந்து, தனது கொள்கைகளை மறுபரிசீலனை செய்யத் தவறினால், அதன் உலக வல்லரசு அந்தஸ்து கேள்விக்குறியாகலாம்.
இந்த வர்த்தக மாற்றங்கள், உலகின் பொருளாதார மையம் அமெரிக்காவிலிருந்து விலகி, இந்தியா, சீனா போன்ற ஆசிய நாடுகளையும், கனடா போன்ற உறுதியான மேற்கு நாடுகளையும் நோக்கி நகர்வதைக் குறிக்கிறது.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
