தமிழக அரசியலில் தற்போது நிலவி வரும் சூழலை உற்றுநோக்கினால், விஜய் என்ற ஒற்றை மனிதரை சுற்றிப் பின்னப்படும் அரசியல் வியூகங்கள் மிகத்தெளிவாப் புலப்படுகின்றன. ஒரு புதிய அரசியல் சக்தியாக அவர் உருவெடுப்பதை தடுத்து நிறுத்தவும், அவரை ஆரம்பக்கட்டத்திலேயே முடக்கவும் பல்வேறு முட்டுக்கட்டைகள் போடப்படுவதை நாம் காண்கிறோம்.
அதிகாரம் படைத்தவர்கள் அவரை எப்படி நசுக்கலாம், களத்தில் இருந்து எப்படி ஓட விடலாம், என்னென்ன தடைகளை உருவாக்கி அவரை முடக்கலாம் என்று தீவிரமாக திட்டமிடலாம். ஆனால், வரலாற்றில் எந்தவொரு மக்கள் தலைவனும் அதிகாரத்தின் மிரட்டல்களால் வீழ்ந்ததில்லை என்பதற்கு பல சான்றுகள் உண்டு. விஜய்யை பொறுத்தவரை, அவர் பயந்து ஓடும் நபர் அல்ல என்பதை அவரது ஒவ்வொரு நகர்வும் நிரூபித்து கொண்டிருக்கிறது.
குறிப்பாக, மத்தியில் ஆளும் கட்சியையும், மாநிலத்தில் பலம் பொருந்தி விளங்கும் ஆளுங்கட்சியையும் ஒரே நேரத்தில் துணிச்சலுடன் எதிர்க்கும் ஒரு புதிய தலைவராக அவர் தன்னை அடையாளப்படுத்தி கொள்கிறார். இது சாதாரணமான காரியம் அல்ல; இரு பெரும் அதிகார மையங்களை ஒரே தராசில் வைத்து விமர்சிப்பதற்கும், அவர்களை எதிர்த்து அரசியல் செய்வதற்கும் அபாரமான துணிச்சலும், மக்களின் மீதான அசைக்க முடியாத நம்பிக்கையும் தேவை.
எதிரிகள் எத்தனை சூழ்ச்சிகளை செய்தாலும், எத்தனை சட்ட சிக்கல்களை உருவாக்கினாலும், மக்களின் உண்மையான ஆதரவு இருக்கும் வரை அவரை யாராலும் அசைக்க முடியாது என்பதுதான் எதார்த்தமான உண்மை. ஜனநாயகத்தில் ஒரு தலைவனின் பலம் என்பது அவன் பின்னால் இருக்கும் அதிகார வர்க்கம் அல்ல, அவன் முன்னால் நிற்கும் சாதாரண மக்களின் நம்பிக்கையே ஆகும். தமிழக அரசியலில் பல ஆண்டுகளாக இருந்து வரும் ஒரு குறிப்பிட்ட வட்டத்திற்குள் சுழலும் அரசியலை உடைக்கக்கூடிய சாத்தியக்கூறுகள் தற்போது தென்படுகின்றன.
நீண்ட காலமாக தமிழக மக்கள் எதிர்பார்த்து காத்திருந்த ஒரு மாற்றத்திற்கான தொடக்கப்புள்ளியாக விஜய் பார்க்கப்படுகிறார். இப்போது கிடைத்துள்ள இந்த வாய்ப்பை தமிழ்நாட்டு மக்கள் சரியாக பயன்படுத்திக் கொள்ள தவறினால், வரும் காலங்களில் மாற்றத்திற்கான குரல் ஒடுங்கி போகக்கூடும். மாற்று அரசியலை முன்னெடுப்பவர்களை தொடக்கத்திலேயே ஊக்கப்படுத்த தவறினால், மீண்டும் அதே பழைய அரசியல் முறைகளுக்குள்ளேயே மக்கள் சிக்கிக் கொள்ள நேரிடும்.
எனவே, இது விஜய்க்கு மட்டுமான சவால் அல்ல, மாறாக தமிழக மக்களின் விழிப்புணர்விற்கான ஒரு பரீட்சையாகவும் அமைகிறது. எதிர்ப்புகள் அதிகரிக்க அதிகரிக்க, அது அவரது அரசியல் பயணத்தை மேலும் உறுதிப்படுத்தும் காரணியாகவே மாறும். மிரட்டல்களுக்கு பணியாமல், நேர்மையான பாதையில் அவர் பயணிக்க தயாராக இருக்கும் நிலையில், அவரை அரணாக நின்று காக்க வேண்டிய பொறுப்பு மாற்றத்தை விரும்பும் மக்களின் கைகளில்தான் இருக்கிறது.
ஒரு புதிய தலைமை உருவாகும் போது அதை நசுக்க நினைக்கும் சக்திகள் எப்போதும் இருக்கவே செய்வார்கள், ஆனால் அந்த சக்திகளை விட மக்களின் சக்தி பெரியது என்பதை நிரூபிக்க வேண்டிய தருணம் இது. இந்த வாய்ப்பை நழுவவிட்டால், தமிழக அரசியல் களம் மீண்டும் ஒரு தேக்க நிலையை அடைய வாய்ப்புள்ளது என்பதை உணர்ந்து மக்கள் செயல்படுவது அவசியமாகிறது.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
