ஐரோப்பிய ஐடி நிறுவனம் ஒன்றில் பணிபுரியும் ஓர் இளம் பெண், திருமணமான மேலாளர் தனக்கு தொல்லை கொடுப்பதாகவும், சம்பளத்தை வேண்டுமென்றே தாமதப்படுத்துவதாகவும், அவரது மறைமுக காதல் புரபோசலை தான் நிராகரித்ததால் இந்த நிலை ஏற்படுவதாகவும் தனது ரெடிட் பக்கத்தில் பதிவு செய்திருப்பது பெரும் பரபரப்பை ஏற்படுத்தியுள்ளது. “என்னால் வேலையை விட முடியாது, ஆனால் அதே நேரத்தில் இந்த மேனேஜரையும் சமாளிக்க வேண்டும்” என்ற அவரது பதிவு, பணிபுரியும் இடங்களில் பெண்களுக்கு ஏற்படும் பிரச்சனைகளை மீண்டும் வெளிச்சத்திற்கு கொண்டு வந்துள்ளது.
பணி இடத்தில் பெண்களுக்கு நேரும் பிரச்சனைகள்:
உயர் அதிகாரிகளால் பாலியல் தொல்லைக்கு உள்ளாக்கப்படுவதும், காதல் புரபோசல்கள் வருவதும், அதை ஏற்றுக் கொள்ளாவிட்டால் மறைமுகமாக தொல்லைகள் கொடுப்பதும் பல அலுவலகங்களில் நடந்து வருவதாக கூறப்படுகிறது. இந்த சூழலில்தான் இந்தப் பெண்ணின் பதிவு கவனம் பெற்றுள்ளது.
புகாரின் விவரங்கள்:
அந்தப் பெண் தனது பதிவில், மேலாளர் திருமணம் ஆனவர் என்பதாலும், குழந்தை பெற்றவர் என்பதாலும் அவரது புரபோசலை தான் பொருட்படுத்தவில்லை என்று குறிப்பிட்டுள்ளார். ஆனால், அவர் விவாகரத்து செய்யவும் தயாராக இருப்பதாகவும், தனது குடும்பத்தில் பிரச்சனை இருப்பதாகவும் தன்னிடம் கூறி தன்னை கவர்ச்சிப்படுத்த முயற்சிப்பதாகவும் தெரிவித்துள்ளார்.
மேலாளரின் தொல்லைகள்:
அவரது புரபோசலை தான் கண்டுகொள்ளாததால், தனது சம்பளத்தை தாமதப்படுத்துவதாகவும் கூறியுள்ளார். சிறிய தவறு செய்தால் கூட, மற்றவர்கள் முன் மோசமாக நடத்துகிறார் என்றும், இதனால் தான் மனதளவில் மிகவும் சோர்ந்து போவதாகவும் வேதனையுடன் தெரிவித்துள்ளார். தனது பதவிக்கு அப்பாற்பட்ட பொறுப்புகளை வேண்டுமென்றே வழங்கி, பணிச்சுமையை அதிகரிக்கிறார் என்றும், தான் செய்யாத தவறுக்கு கூட சில விதிமுறைகளை பின்பற்றவில்லை என கண்டிப்பதாகவும் பதிவிட்டுள்ளார்.
வேலையை விட முடியாத நிலை:
இந்த வேலை தனக்கு நல்ல சம்பளம் மற்றும் பிடித்தமான வேலை என்பதால், தன்னால் இதை விட்டுவிட முடியாது என்றும், குடும்ப பொறுப்புகளுடன் இந்த தொலைதூர வேலை நெகிழ்வுத்தன்மையை அளிப்பதாகவும் அவர் குறிப்பிட்டுள்ளார்.
நெட்டிசன்களின் எதிர்வினைகள்:
அவரது இந்தப் பதிவுக்கு நெட்டிசன்கள் பல்வேறு கருத்துக்களைப் பதிவு செய்துள்ளனர்:
“நீங்கள் தைரியமாக HR அல்லது காவல்துறையிலோ புகார் செய்யுங்கள். இதுபோன்ற தொல்லை கொடுக்கும் மேனேஜருக்கு பாடம் புகட்ட வேண்டும்” என்று பலர் வலியுறுத்தியுள்ளனர்.
“நீங்கள் வேலையிலிருந்து நின்றுவிட்டால், உங்களுக்கு பதில் வேறு ஒரு பெண்ணிடம் அவர் தொல்லை கொடுப்பார். அவரது தொல்லையை நிறுத்த வேண்டும் என்றால், நீங்கள் தைரியமான முடிவு எடுக்க வேண்டும். வேலை போனாலும் பரவாயில்லை, நீங்கள் புகார் அளியுங்கள்” என சிலர் ஆலோசனை வழங்கியுள்ளனர்.
“இந்த நிறுவனத்தை விட்டு நீங்கள் எந்த நிறுவனத்திற்கு வேலைக்கு சென்றாலும் இதுபோன்ற ஒருவர் அங்கேயும் இருப்பார். எனவே, அவருக்கு உங்களுடைய நிலைமையை பேசி புரிய வையுங்கள். முடிந்தால் அவருடைய மனைவியை தனியாக பார்த்து பேசுங்கள். அவர் செய்வது தவறு என்பதை அவரிடம் எடுத்து விளக்குங்கள்” என்றும் சில நெட்டிசன்கள் மாறுபட்ட கருத்துக்களை தெரிவித்துள்ளனர்.
மொத்தத்தில், பெண்களுக்கு வேலை செய்யும் இடத்தில் நடக்கும் பாலியல் தொல்லைகள் தொடர்ந்து அதிகரித்து வருவதால், இதற்கு சரியான சட்ட திட்டங்கள் இயற்றப்பட வேண்டும் என்ற கோரிக்கைகள் மீண்டும் எழுந்துள்ளன. இந்த சம்பவம், பணிபுரியும் இடங்களில் பெண்களின் பாதுகாப்பு குறித்த விவாதத்தை மேலும் வலுப்படுத்தியுள்ளது.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
