டெல்லி மெட்ரோ ரயில் கார்ப்பரேஷன் (டிஎம்ஆர்சி) மெட்ரோ ரயில் பயணிகளின் வசதிக்காக புதிய சலுகையை அறிமுகப்படுத்தியுள்ளது. இப்போது டோக்கன்கள் அல்லது ஸ்மார்ட் கார்டுகளுக்காக பயணிகள் நீண்ட வரிசையில் நிற்க வேண்டியதில்லை.
சில நொடிகளில் பயணிகள் தங்கள் ஸ்மார்ட்ஃபோனில் உள்ள QR குறியீட்டை ஸ்கேன் செய்து டிக்கெட்டுகளைப் பெற முடியும். இது ஸ்மார்ட் கார்டு போன்று செயல்படும். இதனால் மக்களுக்கு மெட்ரோ பயணம் எளிதாகும். வரும் சில மாதங்களில் இந்த வசதியை பயணிகள் பெறலாம் என டிஎம்ஆர்சி அதிகாரிகள் தெரிவித்தனர்.
இது குறித்து, டிஎம்ஆர்சி நிர்வாக இயக்குனர் விகாஸ் குமார் பத்திரிகையாளர்களிடம், “டிக்கெட்டுகளுக்கு க்யூஆர் அறிமுகம் செய்ய திட்டமிட்டுள்ளோம். இது ஒரு கார்டு போல இருக்கும்.
இது பேப்பர் டிக்கெட்களின் எண்ணிக்கையையும் குறைக்கும். தற்போது DMRC QR டிக்கெட்டுகளை வழங்கும் அனைத்து தளங்களிலும் இந்த வசதி கிடைக்கும் என்று கூறினார்.
DMRC படி, இந்த புதிய சலுகையால் பயணிகள் தங்கள் QR பணப்பையை தேவைக்கேற்ப பயன்படுத்திக் கொள்ளலாம். ஒவ்வொரு பயணத்திற்கும் புதிய QR டிக்கெட்டை வாங்க வேண்டிய தேவை இல்லை. இந்த வசதியால் பயணிகள் கையில் பாஸ் அல்லது டிக்கெட் எடுத்துச் செல்ல வேண்டிய தேவையை நீக்கும் என்று அதிகாரி கூறினார்.
பயணிகள் அமேசான் பேயில் டெல்லி மெட்ரோ QR டிக்கெட் விருப்பத்தைத் தேர்ந்தெடுத்து, தங்கள் நிலையங்களைத் தேர்வுசெய்து, பணம் செலுத்தி, மொபைல் QR டிக்கெட்டை உடனடியாகப் பெறலாம். இந்த மாத தொடக்கத்தில், அமேசான் பேயில் மொபைல் அடிப்படையிலான QR டிக்கெட்டுகளை DMRC அறிமுகப்படுத்தியது குறிப்பிடத்தக்கது.