தமிழ் சினிமாவில் முன்ணனி நடிகராக இருந்து வருபவர் விஜய். இவரது தந்தை S A சந்திரசேகர் தமிழ் சினிமாவில் பணியாற்றிய இயக்குனர் மற்றும் தயாரிப்பாளர். அதன் மூலம் அவருக்கு சினிமாவில் நடிக்கும் வாய்ப்பு கிடைத்தது. ஆரம்பத்தில் குழந்தை நட்சத்திரமாக தமிழ் சினிமாவில் அறிமுகமானார் விஜய்.
தொடர்ந்து 1990களில் தனது 18 வது வயதில் தமிழ் சினிமாவில் நாயகனாக அறிமுகமானார் விஜய். ஆரம்பத்தில் குடும்பக் கதை அம்சம் கொண்ட படங்களில் நடித்து மக்கள் மனதில் இடம் பிடித்தார். 2000 காலகட்டத்திற்கு பிறகு சமூக நீதி கருத்துக்கள் கொண்ட படங்களில் நடித்து பிரபலமான நடிகராக ஆனார் விஜய். 2010 காலகட்டத்திற்கு பிறகு விஜய் நடித்து வெளிவந்தாலே அந்த படம் ஹிட்டுதான் என்ற அளவுக்கு புகழின் உச்சிக்கு சென்றார் விஜய்.
தற்போது தமிழ் சினிமாவின் டாப் ஹீரோவாக அதிக சம்பளம் வாங்கும் முன்னணி நடிகராக இருந்த போதும் மக்களுக்கு சேவை செய்ய வேண்டும் என்று விரும்பிய விஜய் அரசியலில் இறங்கபோவதாக கூறி தமிழக வெற்றி கழகம் என்ற கட்சியை ஆரம்பித்து அதன் பணிகளில் ஈடுபட்டு வருகிறார். தான் இறுதியாக கமிட்டான ஜனநாயகன் படத்தில் நடித்து முடித்துவிட்டு முழுநேர அரசியல்வாதியாக மாறப்போவதாக கூறியிருக்கிறார்.
இந்நிலையில் விஜய் தனது கட்சியின் அரசியல் களப்பணிகளை செய்ய தொடங்கி இருக்கிறார் விஜய். அந்த வகையில் நேற்று கோவை வந்தடைந்த விஜய் தன்னுடைய அரசியல் எப்படி இருக்கும் மக்கள் எந்த மாதிரி இருப்பார்கள் என்பதை பற்றி பேசி இருக்கிறார். அவர் கூறியது என்னவென்றால் மக்கள் ஒன்றும் முட்டாள்கள் அல்ல. எதையும் காட்டி அவர்களை ஏமாற்றி விட முடியாது. அதெல்லாம் பழைய கதை. மக்களோடு மக்களாக பயணித்து அவர்கள் பிரச்சினைகளை கண்டறிந்து சரி செய்பவர் தான் உண்மையான தலைவன் என்று பேசியிருக்கிறார் விஜய்.
