அமெரிக்கப் பொருளாதாரமும், தொழில்நுட்ப வளர்ச்சியும் இந்தியாவிலிருந்து வரும் திறமையான பணியாளர்களை சார்ந்துள்ளனவா என்ற விவாதம் தொடர்ந்து நடந்து வருகிறது. அமெரிக்கர்களுக்கு போதிய திறமைகள் இல்லையா, அல்லது இந்தியர்கள் அவர்களுக்கு ஒரு வரப்பிரசாதமா? இந்த விஷயத்தில், உலகப் பொருளாதார வல்லுநர்கள் எச்சரிக்கை விடுப்பது ஏன் என்பதை பார்க்கலாம்.
அமெரிக்கர்கள் பாரம்பரியமாக STEM (அறிவியல், தொழில்நுட்பம், பொறியியல் மற்றும் கணிதம்) துறைகளில் கவனம் செலுத்துவதில்லை என்ற பொதுவான கருத்து உள்ளது. குறிப்பாக, மென்பொருள் (Software) துறையில் அமெரிக்கர்களை விட இந்தியர்கள் அதிக அளவில் சிறந்து விளங்குவதாக கருதப்படுகிறது. இந்தியர்கள் தங்கள் கடின உழைப்பு, சிக்கனமான வாழ்க்கை முறை, மற்றும் தொழில்நுட்பத் திறன் ஆகியவற்றால் அமெரிக்க நிறுவனங்களுக்கு பெரும் பயன் அளிக்கிறார்கள்.
கூகுள், மைக்ரோசாஃப்ட், அமேசான் போன்ற உலகின் முன்னணி நிறுவனங்கள், அமெரிக்கர்களை வேலைக்கு எடுக்க தெரியாத அளவுக்கு முட்டாள்கள் அல்ல. ஆனாலும், அவை இந்தியர்களை அதிக அளவில் பணியமர்த்துகின்றன. இதற்கு முக்கிய காரணம், இந்திய திறமையாளர்கள், அமெரிக்கர்களுக்கு இணையாகவும், சில சமயங்களில் அவர்களை விடவும் குறைந்த ஊதியத்தில், அதே தரமான வேலையை செய்யத் தயாராக இருக்கிறார்கள். இது நிறுவனங்களின் செலவுகளை குறைத்து, லாபத்தை அதிகரிக்கிறது.
இந்தியர்கள் பெரும்பாலும் அதிக நேரம் வேலை செய்ய தயங்க மாட்டார்கள். தங்கள் வேலையில் அர்ப்பணிப்புடனும், சிக்கனமான மனநிலையுடனும் செயல்படுவதால், இந்த நிறுவனங்கள் உலக அளவில் போட்டிபோட முடிந்தது. உண்மையில், கூகுள் மற்றும் மைக்ரோசாஃப்ட் போன்ற நிறுவனங்கள், இந்திய பணியாளர்களின் பங்களிப்பால் தான் இந்த அளவுக்கு வளர்ச்சி அடைந்தன என சொல்லலாம். அமெரிக்கர்கள் மட்டுமே வேலை பார்த்திருந்தால், இந்த நிறுவனங்கள் திவால் ஆகியிருக்க வாய்ப்புள்ளது என்ற வாதமும் முன்வைக்கப்படுகிறது.
டொனால்ட் டிரம்ப் போன்ற அரசியல் தலைவர்கள், “அமெரிக்கா முதலில்” என்ற கொள்கையை முன்வைத்து, வெளிநாட்டிலிருந்து வரும் திறமையான பணியாளர்களை கட்டுப்படுத்த முயற்சிக்கிறார்கள். ஆனால், இந்த அணுகுமுறை அமெரிக்காவின் எதிர்காலத்திற்கு பெரும் இழப்பை ஏற்படுத்தும் என்று பல பொருளாதார வல்லுநர்கள் எச்சரிக்கின்றனர்.
வெளிநாட்டு திறமையாளர்கள் அமெரிக்காவிற்கு வருவதை கட்டுப்படுத்தினால், புதுமைகளை உருவாக்கும் நிறுவனங்கள் பாதிக்கப்படும். இது அமெரிக்காவின் தொழில்நுட்ப வளர்ச்சியை பாதித்து, உலக பொருளாதார அரங்கில் அதன் நிலையை பலவீனப்படுத்தும்.
இந்திய திறமையாளர்கள் இல்லையென்றால், அமெரிக்க நிறுவனங்கள் தங்கள் செலவுகளை குறைக்க முடியாமல், பிற நாடுகளை சேர்ந்த நிறுவனங்களுடன் போட்டி போடுவது கடினமாகிவிடும்.
இதுபோன்ற அரசியல்வாதிகளின் கருத்துக்கள், புலம்பெயர்ந்தோர் மீது ஒரு அவநம்பிக்கையை உருவாக்குகின்றன. இது திறமையான பணியாளர்கள் அமெரிக்காவை விட்டு வெளியேற வழி வகுக்கும்.
உலகப் பொருளாதார வல்லுநர்களின் கூற்றுப்படி, அமெரிக்க நிறுவனங்களுக்கு இந்தியர்களை போன்ற திறமையாளர்கள் மிகவும் தேவைப்படுகிறார்கள். இந்தியர்களுக்கு அமெரிக்கா இல்லையென்றால் வேறு வேலை கிடைக்கும், ஆனால் அமெரிக்க நிறுவனங்களுக்கு திறமையான இந்தியர்களை விட்டால் வேறு நாட்டவர்கள் கிடைக்க மாட்டார்கள். எனவே, அமெரிக்கா தனது வளர்ச்சியை தக்கவைத்துக்கொள்ள இந்தியர்களின் பங்களிப்பு மிகவும் அவசியமானது.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
