உலகின் முன்னணி தொழில் அதிபரான எலான் மஸ்க் ட்விட்டர் இணையதளத்தை வாங்கி அதை எக்ஸ் என மாற்றி, தற்போது அதில் குரூக் என்ற ஏஐ டெக்னாலஜியையும் அறிமுகம் செய்த நிலையில், தற்போது ஜிமெயிலுக்கு மாற்றாக X-மெயில் என்பதை விரைவில் கொண்டு வர இருப்பதாக கூறப்படும் செய்தி பரபரப்பை ஏற்படுத்தி உள்ளது.
அமெரிக்க அரசின் முக்கிய நபராக மாறப் போகும் எலான் மஸ்க் புதுப்புது விஷயங்களை கையாண்டு வருகிறார். அந்த வகையில், ஜிமெயில் மென் பொருளுக்கு மாற்றாக X-மெயில் என்ற மென்பொருளை அவர் புதிதாக அறிமுகம் செய்ய இருப்பதாக கூறப்படுகிறது.
இது தொடர்பாக, எலான் மஸ்க் அவர்கள் தனது சமூக வலைதளத்தில், விரைவில் X-மெயில் அறிமுகமாகும் என்னுடைய நீண்ட கால கனவு செயல்திட்டங்களில் ஒன்று இது என்றும் பதிவு செய்துள்ளார்.
ஏற்கனவே ஐபோனுக்கு மாற்றாக புதிய போன் கொண்டு வரப் போவதாக கூறியுள்ள நிலையில், தற்போது ஜிமெயிலுக்கு மாற்றாகவும் X-மெயில் என்ற ஒரு மென்பொருளை அவர் கொண்டு வருகிறார்.
எலான் மஸ்க் தொட்டதெல்லாம் வெற்றியாகி வரும் நிலையில், போதாக்குறைக்கு அமெரிக்க அரசும் அவருடைய கட்டுப்பாட்டில் இருக்கும் நிலையும் ஏற்பட்டுள்ளது. இதனால், X-மெயில் புதுவரவு காரணமாக உலகில் பில்லியன் கணக்கானோர் பயன்படுத்தி வரும் ஜிமெயிலுக்கு ஆபத்து வருமா என்பதை எல்லாம் பொறுத்திருந்துதான் பார்க்க வேண்டும்.
