தமிழக அரசியல் களம் தற்போது மிகுந்த பரபரப்பான சூழலை எட்டியுள்ளது. குறிப்பாக, நடிகர் விஜய் தனது தமிழக வெற்றி கழகத்தின் மூலமாக தீவிர அரசியலில் இறங்கியுள்ள நிலையில், அவருக்கு பல்வேறு தரப்பிலிருந்தும் ஆலோசனைகள் வந்தவண்ணம் உள்ளன. பொதுவாக ஒரு அரசியல் கட்சி தலைவர் என்றால் ஊர் ஊராக சென்று மக்களைச் சந்தித்து, பிரம்மாண்ட பொதுக்கூட்டங்களில் பேசி வாக்கு சேகரிப்பதுதான் மரபு. ஆனால், இன்றைய டிஜிட்டல் யுகத்தில் அந்த பழைய பாணியையே இன்னும் பிடித்துக் கொண்டிருக்காமல், காலத்திற்கு ஏற்ப வியூகங்களை மாற்ற வேண்டும் என்பதே பல அரசியல் விமர்சகர்களின் கருத்தாக உள்ளது. இதற்கிடையே, தேர்தல் பிரச்சாரத்திற்கு அனுமதி கிடைக்கவில்லை என தலைமை செயலகம் சென்று தேர்தல் ஆணையரை சந்திப்பதும், மனுக்கள் கொடுப்பதும் காலவிரயமே தவிர, அதனால் பெரிய அளவில் பயன் வரப்போவதில்லை.
இன்றைய டிஜிட்டல் உலகில் நேரடி பிரச்சாரம் என்பது உடல் ரீதியாகவும், பொருளாதார ரீதியாகவும் அதிகப்படியான உழைப்பை கோரும் ஒரு விஷயம். ஒரு நாளைக்கு இரண்டு அல்லது மூன்று தொகுதிகளை கவர் செய்வதே பெரும் சவாலாக இருக்கும் சூழலில், 234 தொகுதிகளையும் நேரில் சென்று சந்திப்பது என்பது நடைமுறையில் சாத்தியமற்றதாக தோன்றலாம். எனவே, நேரத்தை வீணடிக்காமல் நவீன தொழில்நுட்பத்தை பயன்படுத்தி கொள்ளுமாறு விஜய்க்கு அறிவுறுத்தப்படுகிறது. ஒவ்வொரு நாளும் பத்து வீடியோக்கள் வீதம் சமூக வலைதளங்களில் வெளியிடுவதன் மூலம், மிகக்குறுகிய காலத்தில் மிகப்பெரிய தாக்கத்தை ஏற்படுத்த முடியும். இந்த புதிய உத்தி, தொண்டர்களிடையே உற்சாகத்தை ஏற்படுத்துவதோடு மட்டுமல்லாமல், நடுநிலை வாக்காளர்களின் கவனத்தையும் ஈர்க்கும் என்பதில் ஐயமில்லை.
ஒரு நாளைக்கு 10 வீடியோக்கள் என்ற கணக்கில் செயல்பட்டால், 25 நாட்களில் தமிழகத்தின் அனைத்து 234 தொகுதிகளையும் முழுமையாக கவர் செய்துவிடலாம். ஒவ்வொரு வீடியோவிலும் அந்தந்த தொகுதிக்கு என தனித்தனியான திட்டங்கள், அங்குள்ள மக்களின் நீண்டகால பிரச்சனைகள் மற்றும் அதற்கான தீர்வுகள் என பிரத்யேகமான உள்ளடக்கத்தை வழங்க வேண்டும். இது அந்த தொகுதி மக்களுக்கு தங்கள் மீது தனிப்பட்ட அக்கறை காட்டப்படுவதாக ஒரு உணர்வை ஏற்படுத்தும். வெறும் மேடை பேச்சுகளை விட, இத்தகைய இலக்கு வைக்கப்பட்ட வீடியோக்கள் மக்களை நேரடியாக சென்றடையும் வலிமை கொண்டவை. இது ஒரு டிஜிட்டல் புரட்சியாகவும், மற்ற அரசியல் கட்சிகளுக்கு ஒரு முன்னோடியாகவும் அமையும்.
அரசியலில் வெற்றி என்பது வெறும் கூட்டத்தை கூட்டுவதில் மட்டும் இல்லை, அக்கூட்டத்தை வாக்குகளாக மாற்றுவதில்தான் இருக்கிறது. கடந்த காலங்களில் பல தலைவர்கள் மிகப்பெரிய கூட்டத்தை சேர்த்தும் தேர்தலில் தோல்வியை தழுவிய வரலாறுகள் உண்டு. எனவே, தேர்தல் ஆணையத்தின் கதவுகளை தட்டுவதை விட, மக்களின் மொபைல் போன் திரைகளை தட்டுவதே புத்திசாலித்தனமான செயல். ஒவ்வொரு தொகுதியிலும் உள்ள இளைஞர்கள் முதல் பெரியவர்கள் வரை அனைவரும் இன்று சமூக வலைதளங்களை பயன்படுத்துகின்றனர். இந்த தளத்தை முறையாக பயன்படுத்தினால், களத்தில் இறங்கி வேலை செய்வதை போன்ற அதே பலனை மிக எளிதாக பெற்றுவிட முடியும்.
காலம் மிக குறைவாக உள்ள நிலையில், ஒவ்வொரு நிமிடமும் மிக முக்கியமானது. வீணான பயணங்கள் மற்றும் சம்பிரதாய சந்திப்புகளை தவிர்த்துவிட்டு, முழு மூச்சாக இந்த டிஜிட்டல் பிரச்சாரத்தில் இறங்க வேண்டும். ஒரு முதலமைச்சராக ஆவதற்கு தேவையான மக்கள் ஆதரவைத் திரட்ட இதுவே சரியான வழி என்று அரசியல் விமர்சகர்கள் அடித்து கூறுகின்றனர். 25 நாட்களில் ஒட்டுமொத்த தமிழகத்தையும் உங்கள் ஆளுமைக்குள் கொண்டு வர முடியும் என்றால், அதை விட சிறந்த அரசியல் வியூகம் வேறு எதுவும் இருக்க முடியாது. எனவே, தயக்கம் காட்டாமல் இப்போதே செயலில் இறங்குவதே வெற்றிக்கான முதல் படியாகும்.
மொத்தத்தில் அரசியலில் மாற்றம் என்பது பேச்சில் மட்டும் இருக்கக்கூடாது, அது செயல்படும் விதத்திலும் இருக்க வேண்டும். புதிய கட்சி, புதிய தலைவர் என்பதால் மக்கள் உங்களிடமிருந்து புதிய அணுகுமுறையையே எதிர்பார்க்கிறார்கள். பாரம்பரிய அரசியல்வாதிகள் செய்யும் அதே பிரச்சார பாணியை நீங்களும் செய்யாமல், இந்த டிஜிட்டல் யுகத்தின் சாத்தியக்கூறுகளை பயன்படுத்தி தமிழகத்தின் 234 தொகுதிகளிலும் உங்கள் முத்திரையை பதிக்க வேண்டும். இந்த 25 நாள் திட்டம் வெற்றிகரமாக செயல்படுத்தப்பட்டால், தமிழக அரசியல் வரலாற்றில் அது ஒரு புதிய அத்தியாயமாக மாறும். முதலமைச்சர் நாற்காலி என்பது எட்டாக்கனி அல்ல, சரியான திட்டமிடலும் வேகமான செயல்பாடும் இருந்தால் அது மிக அருகில் உள்ள இலக்குதான் என்பதை புரிந்துகொண்டு செயல்பட வேண்டும்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
