உலகளவில் ஆப்பிள் தயாரிக்கும் ஐபோன்களின் விற்பனை அதிகரித்து வருவது குறிப்பிடத்தக்கது. குறிப்பாக, நடப்பு காலாண்டில் இந்தியாவில் ஆப்பிள் ஐபோன் விற்பனை மிகவும் அதிகரித்துள்ளதாக கூறப்படுகிறது. எனவே, ஆப்பிள் ஸ்டோர்களை இன்னும் சில நகரங்களில் கொண்டு வர ஆப்பிள் நிறுவனம் திட்டமிட்டுள்ளது என டிம் கூக் சமீபத்தில் அளித்த பேட்டியில் உறுதி செய்துள்ளார்.
இந்தியாவில் எந்தெந்த நகரங்களில் புதிய ஆப்பிள் ஸ்டோர் அமைகிறது என்ற தகவல் இல்லை என்றாலும், பெங்களூரு, புனே, டெல்லி மற்றும் மும்பை ஆகிய பகுதிகளில் ஆப்பிள் ஸ்டோர் அமைக்கப்பட உள்ளதாக கூறப்படுகிறது. ஏற்கனவே டெல்லி மற்றும் மும்பையில் ஸ்டோர்கள் இருந்தாலும், இன்னொரு ஆப்பிள் ஸ்டோர் இந்த இரு நகரங்களில் அமைக்கப்பட இருப்பதாக தெரிகிறது.
சென்னையில் தற்போது ஆப்பிள் ஸ்டோர் நிறுவும் திட்டம் இல்லை என்றாலும், விரைவில் சென்னைக்கு ஆப்பிள் ஸ்டோர் வர வாய்ப்பு உள்ளதாகவும், அதுவரை சென்னை வாசிகள் பெங்களூரு ஆப்பிள் ஸ்டோரை பயன்படுத்திக் கொள்ளலாம் என்றும் கூறப்படுகிறது.