அ.தி.மு.க. – பா.ஜ.க. கூட்டணி எப்போது வேண்டுமானாலும் முறியலாம் என்ற அரசியல் விமர்சகர்களின் கருத்துக்களுக்கு மத்தியில், தமிழக அரசியலில் பா.ஜ.க.வின் மாநிலத் தலைவராக அண்ணாமலை மீண்டும் சுறுசுறுப்பாக களமிறங்க உள்ளதாக தகவல்கள் வெளியாகியுள்ளன. அ.தி.மு.க. கூட்டணியில் இருந்து பா.ஜ.க. விலகினால், அண்ணாமலையே மீண்டும் கட்சியின் மாநில தலைவராக பொறுப்பேற்று, தி.மு.க. அரசுக்கு எதிராக தீவிர நடவடிக்கைகளை தொடங்குவார் என்று கூறப்படுகிறது.
அண்ணாமலையின் அடுத்தக்கட்ட நகர்வுகள்
ஊழல் கோப்புகள் (DMK Files):
ஏற்கனவே, ‘தி.மு.க. பைல்ஸ்’ என்ற பெயரில் ஊழல் பட்டியல்களை வெளியிட்டு பரபரப்பை ஏற்படுத்திய அண்ணாமலை, வரவிருக்கும் தேர்தலை மனதில் கொண்டு, மேலும் சில ஊழல் கோப்புகளை வெளியிடுவார் என்று எதிர்பார்க்கப்படுகிறது.
விஜய்க்கு மறைமுக உதவி:
இந்த முறை அண்ணாமலை, நடிகர் விஜய்க்கும் மறைமுகமாக உதவி செய்ய உள்ளதாக கூறப்படுகிறது. சில ஊழல் கோப்புகளை அண்ணாமலை வெளியிடும் அதே நேரத்தில், மேலும் சில முக்கிய ஆவணங்களை விஜய்யை வெளியிட வைப்பதன் மூலம், தி.மு.க. மீது இருபுற தாக்குதலை நடத்த திட்டமிட்டுள்ளதாக அரசியல் வட்டாரங்களில் பேசப்படுகிறது.
இருதரப்பு தாக்குதல்: தி.மு.க.வுக்கு நெருக்கடி
அண்ணாமலை மற்றும் விஜய் ஆகியோர் இணைந்து ஒரே நேரத்தில் தி.மு.க. அரசின் ஊழல்களை அம்பலப்படுத்தும்போது, தமிழக அரசியல் களத்தில் ஒரு பெரிய பரபரப்பு ஏற்படும் என்றும், இது தி.மு.க.வுக்கு பெரும் நெருக்கடியை ஏற்படுத்தும் என்றும் எதிர்பார்க்கப்படுகிறது. தி.மு.க.வை ஆட்சியில் இருந்து அகற்றுவதுதான் பா.ஜ.க. மற்றும் விஜய் ஆகிய இருவரின் முக்கிய இலக்காக இருப்பதால், இந்த விஷயத்தில் அவர்கள் இருவரும் இணைந்து செயல்படுவார்கள் என்று கூறப்படுகிறது.
கூட்டணியும், தேர்தல் வியூகமும்.. வாக்குகள் பிரிப்பு:
ஒருபுறம் அ.தி.மு.க.வும் தனியாக ஒரு கூட்டணி அமைத்து களமிறங்கினாலும், மொத்த வாக்குகளில் 30 சதவீதம் தி.மு.க.வுக்கு கிடைத்தாலும், மீதமுள்ள 70 சதவீத வாக்குகளை மூன்று கட்சிகளும் பிரித்து வாங்கினால், தி.மு.க.வே மீண்டும் வெற்றி பெறும் வாய்ப்பு உள்ளது.
ஆனால் இந்த நிலையை தவிர்க்க, அண்ணாமலையும் விஜய்யும் இணைந்து ஒரு ரகசிய திட்டத்தை வகுத்துள்ளதாகவும், அந்த திட்டம் தேர்தல் நெருக்கத்தில் வெளியாகும் என்றும் கூறப்படுகிறது.
இந்த திடீர் அரசியல் நகர்வுகள், தமிழகத்தில் வரவிருக்கும் தேர்தல் களத்தை மேலும் பரபரப்பாக்கும் என்று எதிர்பார்க்கப்படுகிறது.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
