அமெரிக்க அதிபர் டொனால்ட் டிரம்ப், ரஷ்யாவிடம் இருந்து எண்ணெய் வாங்கும் நாடுகள் மீது தடை விதிப்பதாக அறிவித்திருப்பது உலக அளவில் பெரும் விவாதத்தை ஏற்படுத்தியுள்ளது. டிரம்ப்பின் இந்த வர்த்தகக் கொள்கை, முரண்பட்டதாகவும், இந்தியா போன்ற நாடுகளை அடிபணிய வைக்கும் முயற்சியாகவும் பார்க்கப்படுகிறது. இந்தியாவின் பொருளாதார வல்லுநர்கள், “இது பழைய இந்தியா இல்லை, மிரட்டுவது வல்லரசாக இருந்தாலும் தக்க பதிலடி உண்டு” என்று தெரிவித்துள்ளனர்.
டிரம்ப் நிர்வாகத்தின் கொள்கைகளின்படி, ரஷ்யாவிடம் இருந்து கச்சா எண்ணெய் நேரடியாக வாங்குவதற்குத் தடை விதிக்கப்படுகிறது. ஆனால், அதே ரஷ்யாவிடம் இருந்து வாங்கப்பட்ட கச்சா எண்ணெயை சுத்திகரித்து, பெட்ரோல், டீசல் போன்ற எரிபொருட்களாக மாற்றி விற்பனை செய்வதற்கு எந்தத் தடையும் இல்லை. சர்வதேச பொருளாதார வல்லுநர்கள் இந்த கொள்கையை “கோமாளித்தனம்” என்று கடுமையாக விமர்சித்துள்ளனர்.
இந்த முரண்பட்ட நிலை, டிரம்ப்பின் உண்மையான நோக்கம் என்ன என்ற கேள்வியை எழுப்புகிறது. ரஷ்யாவில் இருந்து எண்ணெய் வாங்கும் நாடுகள் மீதான தடை என்பது வெறும் பெயரளவுக்குத்தான் என்றும், அதன் உண்மையான குறிக்கோள் இந்தியா போன்ற வளர்ந்து வரும் பொருளாதார நாடுகளை தனது கட்டுப்பாட்டில் கொண்டு வருவதுதான் உண்மையான நோக்கம் என்றும் நிபுணர்கள் கருதுகின்றனர்.
பொருளாதார நிபுணர்களின் கருத்துப்படி, டிரம்ப் ஒரு தொழிலதிபர் என்பதால், தனது வர்த்தக நலன்களை பாதுகாப்பதில் அதிக கவனம் செலுத்துகிறார். ரஷ்யாவிடம் இருந்து குறைந்த விலையில் எண்ணெய் வாங்குவதை தடுத்து, அமெரிக்காவிடம் இருந்து அதிக விலையில் பொருட்களை வாங்க இந்தியாவை நிர்பந்திப்பதே அவரது நோக்கமாக இருக்கலாம்.
அத்துடன், அமெரிக்காவின் தயாரிப்புகளுக்கு இந்தியா அதிக முக்கியத்துவம் கொடுத்து, அவற்றை இறக்குமதி செய்ய வேண்டும் என்ற எண்ணத்திலும் டிரம்ப் செயல்படுவதாக கூறப்படுகிறது. இந்த செயல்பாடுகள், இந்தியாவை ஒரு துணை நாடாக நினைத்து, அமெரிக்காவின் விருப்பங்களுக்கு கட்டுப்பட வேண்டும் என்ற பிசினஸ்மேன் மனநிலையிலிருந்து வருவதாக விமர்சனங்கள் எழுந்துள்ளன.
டிரம்ப்பின் இந்த மிரட்டல்களுக்கு இந்தியா ஒருபோதும் பணியாது என்று இந்திய பொருளாதார வல்லுநர்கள் தெரிவித்துள்ளனர். “இது நாம் முன்பு இருந்த பழைய இந்தியா இல்லை. இப்போது மோடியின் புதிய இந்தியா. வல்லரசு என்று கூறி மிரட்டினாலும், தக்க பதிலடி கொடுக்க இந்தியா தயாராக உள்ளது” என்று அவர்கள் உறுதியாகக் கூறியுள்ளனர்.
இந்தியா தற்போது உலகப் பொருளாதாரத்தில் ஒரு முக்கிய சக்தியாக வளர்ந்து வருகிறது. டிரம்ப் போன்றவர்களின் வர்த்தக போர்களை தாண்டி, இந்தியா தனது தேசிய நலன்களை பாதுகாப்பதில் உறுதியாக உள்ளது. இதுபோன்ற மிரட்டல்களுக்கு பதிலாக, தனக்கு சாதகமான சர்வதேச கூட்டணிகளை வலுப்படுத்தி, தனது பொருளாதார சுதந்திரத்தை பாதுகாக்கும் என்று எதிர்பார்க்கப்படுகிறது.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
