தமிழக அரசியலில் 2026 சட்டமன்ற தேர்தலை ஒட்டி வெளியாகும் பல்வேறு கருத்துக்கணிப்புகள், அரசியல் நோக்கர்களை பெரும் வியப்பில் ஆழ்த்தியுள்ளன. குறிப்பாக, நடிகர் விஜய்யின் ‘தமிழக வெற்றிக் கழகம்’ தனித்து போட்டியிட்டாலே 125 தொகுதிகளுக்கு மேல் வெற்றி பெற்று ஆட்சி அமைக்கும் என்ற சில சமீபத்திய புள்ளிவிவரங்கள் கோட்டை வட்டாரத்தையே அதிர வைத்துள்ளன. குடும்ப பிரச்சினைகள் மற்றும் சங்கீதா தொடர்பான விவாகரத்து செய்திகள் ஒருபுறம் பரபரப்பை ஏற்படுத்தினாலும், விஜய்யின் அரசியல் செல்வாக்கில் அவை எந்த ஒரு பெரிய தாக்கத்தையும் ஏற்படுத்தவில்லை என்பதையே இந்த தரவுகள் காட்டுகின்றன. ஒரு தனி மனிதனின் செல்வாக்கு, 50 ஆண்டுகால அனுபவம் கொண்ட திராவிட கட்சிகளின் கூட்டணி பலத்தையே அசைத்து பார்ப்பது தமிழக அரசியலில் ஒரு புதிய விந்தையாக பார்க்கப்படுகிறது.
திமுக மற்றும் அதன் 20-க்கும் மேற்பட்ட தோழமை கட்சிகள் ஒருபுறம், எடப்பாடி பழனிசாமி தலைமையிலான அதிமுகவின் வலிமையான கூட்டணி மறுபுறம் என தமிழக அரசியலே பரபரப்பில் இருக்கும் நிலையில், தவெக-வின் இந்த அசுர வளர்ச்சிக்கு ‘இளைஞர் மற்றும் பெண்கள்’ வாக்கு வங்கிதான் முக்கிய காரணமாக கூறப்படுகிறது. குறிப்பாக, 18 முதல் 24 வயது வரையிலான முதல்முறை வாக்காளர்கள் மற்றும் பாரம்பரிய அரசியல் முறைகளில் அதிருப்தி கொண்ட நடுத்தர வர்க்கத்தினர் விஜய்யை ஒரு ‘மாற்று சக்தியாக’ ஏற்றுக்கொண்டிருப்பதாக கருத்துக்கணிப்புகள் தெரிவிக்கின்றன. திராவிட மாடல் மற்றும் ஊழல் குற்றச்சாட்டுகளுக்கு அப்பால், ஒரு தூய்மையான அரசியலை விஜய் தருவார் என்ற நம்பிக்கை மக்கள் மத்தியில் ஆழமாக வேரூன்றி வருகிறது.
சங்கீதாவுடனான தனிப்பட்ட விவாகரத்து விவகாரம், விஜய்யின் ‘குடும்பப் பாங்கான’ பிம்பத்தை சிதைக்கும் என்று அரசியல் எதிரிகள் கணக்கு போட்டனர். ஆனால், “தனிப்பட்ட வாழ்க்கை வேறு, அரசியல் தலைமை என்பது வேறு” என்ற முதிர்ச்சியான நிலையை இன்றைய வாக்காளர்கள் எடுத்திருப்பதாக தெரிகிறது. விஜய்யின் அரசியல் மாநாடுகள் மற்றும் களப்பணிகளில் திரளும் கூட்டமும், அவரது ஒவ்வொரு அறிவிப்பிற்கும் கிடைக்கும் வரவேற்பும் அவரது செல்வாக்கு குறையவில்லை என்பதற்கு சாட்சியாக உள்ளன. இந்த ‘சத்தமில்லாத புரட்சி’ அரசியல் வல்லுனர்களைக்கூட குழப்பத்தில் ஆழ்த்தியுள்ளது; அவர்களால் இதற்கான தர்க்கரீதியான காரணங்களை கண்டறிய முடியவில்லை.
அரசியல் களத்தில் 50 வருட அனுபவம் என்பது ஒரு பலமாக இருந்தாலும், அதுவே தற்போது அந்த இரு கட்சிகளுக்கும் எதிர்ப்பு அலை’யாக மாறியுள்ளது. மக்கள் புதிய முகங்களை, புதிய சிந்தனைகளை எதிர்பார்க்கிறார்கள். “ஏதோ ஒன்று விஜய்கிட்ட இருக்குது!” என்று நடுநிலை வாக்காளர்கள் சொல்ல தொடங்கியிருப்பதுதான் திராவிட கட்சிகளின் தூக்கத்தை கெடுத்துள்ளது. தவெகவின் உள்கட்டமைப்பு மற்றும் பூத் கமிட்டி பணிகள் திரைமறைவில் மிக தீவிரமாக நடைபெற்று வருவதும், சமூக ஊடகங்களில் அவரது கட்சி பெற்றுள்ள ஆதிக்கமும் இந்த 125 தொகுதிகள் என்ற இலக்கை எட்டக்கூடிய ஒன்றாக மாற்றியுள்ளது.
விஜய்யின் இந்த தனித்த பயணம், வாக்குகள் சிதறலுக்கு வழிவகுக்குமா அல்லது ஒட்டுமொத்தமாக ஆட்சி மாற்றத்திற்கு இட்டு செல்லுமா என்ற விவாதம் ஒருபுறம் இருந்தாலும், அவர் ஒரு ‘கிங் மேக்கராக’ மட்டும் இல்லாமல் ‘கிங்’ ஆக உருவெடுப்பதற்கான வாய்ப்புகள் பிரகாசமாக உள்ளன. அதிமுக மற்றும் திமுக ஆகிய இரண்டு அணிகளும் தங்களின் வியூகங்களை மாற்றியமைக்க வேண்டிய கட்டாயத்திற்கு தள்ளப்பட்டுள்ளன. மற்ற கட்சிகள் கூட்டணிக்காக அலைந்து கொண்டிருக்கும் வேளையில், “மக்களே எனது கூட்டணி” என்று விஜய் முழங்குவது ஒரு தனித்துவமான ஈர்ப்பை உருவாக்கியுள்ளது.
இறுதியாக, 2026 தேர்தல் என்பது தமிழக அரசியல் வரலாற்றில் ஒரு மிகப்பெரிய மைல்கல்லாக இருக்கும் என்பதில் ஐயமில்லை. எம்.ஜி.ஆர் காலத்திற்கு பிறகு ஒரு சினிமா நட்சத்திரம் இவ்வளவு பெரிய அரசியல் எழுச்சியை உருவாக்கியிருப்பது இதுவே முதல்முறை. விஜய்யின் இந்த வேகம் தேர்தலிலும் வாக்குகளாக மாறுமா? அல்லது திராவிட கட்சிகளின் அனுபவம் அவரை முறியடிக்குமா? என்ற கேள்விக்கான விடை 2026 மே மாதத்தில் தெரிந்துவிடும். அதுவரை, “விஜய் மேஜிக்” தமிழக அரசியலின் பேசுபொருளாகவே நீடிக்கும்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
