தமிழக அரசியல் களத்தில் தற்போது 2026 சட்டமன்ற தேர்தலுக்கு பிந்தைய சூழல் குறித்து ஒரு புதிய பரபரப்பு கிளம்பியுள்ளது. குறிப்பாக, காங்கிரஸ் கட்சியின் அகில இந்திய தலைவர் ராகுல் காந்தி, திமுக உடனான தற்போதைய கூட்டணியை தேர்தலுக்கு பின் மறுபரிசீலனை செய்ய திட்டமிட்டுள்ளதாக தகவல்கள் கசிகின்றன. திமுக தங்களை வெறும் வாக்கு வங்கியாக மட்டுமே பயன்படுத்துவதாகவும், ஆட்சியில் பங்கு அளிக்க மறுப்பதும் ராகுல் காந்திக்கு தொடர்ந்து அதிருப்தியை ஏற்படுத்தி வருகிறது. இதனால், தேர்தல் முடிவுகளில் ஒருவேளை திமுக கூட்டணிக்கு பெரும்பான்மை கிடைப்பதில் சிக்கல் ஏற்பட்டால், ராகுல் காந்தி தனது ஆதரவை தமிழக வெற்றி கழகத்திற்கு திருப்ப வாய்ப்புள்ளதாக கூறப்படுகிறது.
நடிகர் விஜய்யின் தமிழக வெற்றி கழகம் ஆட்சி அமைக்க ஒரு சில இடங்கள் மட்டுமே தேவைப்படும் சூழல் உருவானால், காங்கிரஸ் கட்சி அவருக்கு நிபந்தனையற்ற ஆதரவு வழங்க தயாராக இருப்பதாகத் தெரிகிறது. “திமுகவுக்கு பாடம் புகட்ட வேண்டும்” என்ற நோக்கத்தில், காங்கிரஸின் தேசிய தலைமை விஜய்யுடன் ஒரு ரகசிய உடன்படிக்கைக்கு வர திட்டமிட்டுள்ளது. இது வெறும் 2026 தேர்தலுக்கானது மட்டுமல்லாமல், 2029 மக்களவை தேர்தலை இலக்காக கொண்ட ஒரு நீண்டகால திட்டமாகும். திமுகவின் பிடியில் இருந்து விடுபட்டு, தமிழகத்தில் காங்கிரஸ் தனது தனித்துவத்தை மீட்டெடுக்க இதுவே சரியான தருணம் என்று ராகுல் காந்தி கருதுகிறார்.
இந்த அதிரடி மாற்றத்திற்கு ராகுல் காந்தியின் சகோதரி பிரியங்கா காந்தியும் முழு சம்மதம் தெரிவித்துள்ளதாக சொல்லப்படுகிறது. தமிழகத்தில் இளைஞர்கள் மத்தியில் விஜய்க்கு இருக்கும் செல்வாக்கு, காங்கிரஸை மீண்டும் உயிர்ப்பிக்க உதவும் என அவர் நம்புகிறார். விஜய்யின் மதச்சார்பற்ற கொள்கைகளும், காங்கிரஸின் சித்தாந்தங்களும் ஒத்துப்போவதால், இந்த ‘விஜய் – காங்கிரஸ்’ கூட்டணி எதிர்காலத்தில் ஒரு மாபெரும் சக்தியாக உருவெடுக்கும் எனக் கணிக்கப்படுகிறது. சோனியா காந்திக்கும் இந்த வியூகம் குறித்து விளக்கப்பட்டுள்ளதாகவும், வரும் நாட்களில் இதற்கான நகர்வுகள் திரைமறைவில் நடக்கும் என்றும் டெல்லி வட்டாரங்கள் தெரிவிக்கின்றன.
திமுக கூட்டணியில் நீடிக்க ராகுல் காந்திக்கு சுத்தமாக விருப்பமில்லை என்பது கூட்டணி குறித்து எந்த கருத்தும் சொல்லாமல் அமைதியாக அவர் இருப்பதில் இருந்து தெரிய வருகிறது. இனிமேலும் திமுகவின் தயவில் இருக்க தேவையில்லை” என்ற முடிவுக்கு அவர் வந்துவிட்டதாக தெரிகிறது. அதனால்தான், விஜய்யின் தவெக போன்ற ஒரு வளர்ந்து வரும் சக்தியுடன் கைகோர்ப்பது காங்கிரஸுக்குப் புதிய ரத்தத்தை பாய்ச்சும் என அவர் உறுதியாக நம்புகிறார்.
தேர்தல் முடிவுகள் வெளியான பிறகு, தமிழக அரசியலில் ஒரு மிகப்பெரிய ‘அரசியல் பூகம்பம்’ வெடிக்கலாம். இதுவரை திமுக – அதிமுக என இரு துருவங்களாக இருந்த தமிழக அரசியல், தேர்தலுக்குப் பின் ‘தவெக – காங்கிரஸ்’ என்ற புதிய கூட்டணியின் எழுச்சியால் மாற்றமடையக்கூடும். விஜய்யின் வெற்றியும், காங்கிரஸின் ஆதரவும் இணைந்தால், அது தமிழகத்தில் ஒரு புதிய அரசியல் அத்தியாயத்தை தொடங்கி வைக்கும். இந்த மாற்றம் திராவிட கட்சிகளின் ஆதிக்கத்தைச் சவாலுக்கு உள்ளாக்கும் என்பதில் ஐயமில்லை.
இறுதியாக, 2029 மக்களவை தேர்தலில் தவெக மற்றும் காங்கிரஸ் கூட்டணி அமைப்பது கிட்டத்தட்ட உறுதி செய்யப்பட்டுவிட்டதாகவே செய்திகள் பரவுகின்றன. விஜய்யின் திரைத்துறை புகழும், காங்கிரஸின் தேசிய முகமும் இணையும்போது, அது தமிழகத்தில் ஒரு வலுவான மாற்றத்தை உருவாக்கும். ராகுல் காந்தியின் இந்த புதிய திட்டம், திமுக மற்றும் அதிமுக ஆகிய இரு தரப்பிற்குமே ஒரு மிகப்பெரிய எச்சரிக்கை மணியாக இருக்கும். வரும் ஏப்ரல் 23 தேர்தல் முடிவுகள், இந்த ரகசிய வியூகத்தின் வெற்றியை தீர்மானிக்கும் புள்ளியாக அமையும்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
