தமிழக அரசியல் களம் தற்போது ஒரு மிகப்பெரிய மாற்றத்தை நோக்கி நகர்ந்து கொண்டிருக்கிறது என்பதற்கான அறிகுறியாகவே தமிழக வெற்றி கழகத்தின் எழுச்சி பார்க்கப்படுகிறது. பல ஆண்டுகளாக தமிழகத்தை ஆண்டு வரும் அதிமுகவும் திமுகவும், ஒவ்வொரு தேர்தலின் போதும் மக்களை கவர புதிய புதிய வாக்குறுதிகளையும், இலவச திட்டங்களையும் அறிவிக்க வேண்டிய கட்டாயத்தில் உள்ளன. தங்களது கடந்த கால தவறுகளை மறைக்கவும், ஆட்சியை தக்கவைக்கவும் பல ஆயிரம் கோடி ரூபாய் மதிப்பிலான திட்டங்களை காகிதத்தில் காட்டி மக்களை நம்ப வைக்க வேண்டிய சூழல் அவர்களுக்கு இருக்கிறது. ஆனால், நடிகர் விஜய் அவர்களை பொறுத்தவரை, அவருக்கு அத்தகைய சிக்கலான வாக்குறுதிகளோ அல்லது கவர்ச்சிகரமான இலவச திட்டங்களோ தேவையற்ற ஒன்றாகவே தெரிகிறது. மக்களுக்கும் இளைஞர்களுக்கும் அவர் மீதுள்ள அபரிமிதமான அன்பும் நம்பிக்கையுமே அவரது மிகப்பெரிய பலமாக உருவெடுத்துள்ளது.
விஜய்யின் அரசியல் பிரவேசம் என்பது வெறும் எண்களை அடிப்படையாக கொண்டது அல்ல; அது உணர்ச்சிகரமான ஒரு பிணைப்பாக மாறியுள்ளது. திராவிட கட்சிகள் வாக்கு வங்கியை தக்கவைக்க போராடும் நிலையில், விஜய் “விசிலுக்கு ஓட்டு போடுங்கள்” என்று ஒரு வார்த்தை சொன்னாலே போதும், அது தமிழகத்தின் மூலை முடுக்கெல்லாம் எதிரொலிக்கும் வல்லமை கொண்டது. அந்த ஒற்றை சொல், பல ஆண்டுகளாக மாற்றத்தை எதிர்பார்த்துக் காத்திருக்கும் கோடிக்கணக்கான இளைஞர்களையும், பொதுமக்களையும் வாக்குச்சாவடிக்குக் கொண்டு வந்து சேர்க்கும். வாக்குறுதிகளை அள்ளி வீசி ஏமாற்றும் அரசியலுக்கு மத்தியில், ஒரு தலைவனின் சொல்லுக்காக கொத்து கொத்தாக ஓட்டு விழும் நிலை என்பது தமிழக அரசியல் வரலாற்றில் ஒரு புதிய அத்தியாயமாக அமைய போகிறது.
2026-ஆம் ஆண்டு நடைபெற உள்ள சட்டமன்ற தேர்தலில் விஜய்யின் வெற்றி என்பது ஏற்கனவே எழுதப்பட்ட ஒன்றாகவே பலரால் கருதப்படுகிறது. காலங்காலமாக தமிழகத்தை ஆட்சி செய்து வந்த கட்சிகளின் மீதான அதிருப்தி, ஒரு மிகப்பெரிய வெற்றிடத்தை உருவாக்கியுள்ளது. இந்த வெற்றிடத்தை நிரப்ப போவது விஜய்யின் தவெக தான் என்பது கள நிலவரமாக உள்ளது. பழைய அரசியல் கட்சிகள் தங்களது இருப்பை காப்பாற்றிக் கொள்ள போராடும் வேளையில், எவ்வித அரசியல் பின்னணியும் இன்றி மக்கள் செல்வாக்கை மட்டுமே நம்பி வரும் விஜய், ஒரு மிகப்பெரிய அரசியல் புரட்சியை ஏற்படுத்த போகிறார். இது வெறும் தேர்தலாக இருக்காது, தமிழகத்தின் அடுத்த தலைமுறைக்கான ஒரு பெரும் மாற்றமாக இருக்கும்.
இன்றைய காலகட்டத்தில் சில ஊடகங்கள் வெளியிட்டு வரும் போலி கருத்துக்கணிப்புகள் என்பது மக்களை திசைதிருப்பும் ஒரு வீணான முயற்சியாகவே பார்க்கப்படுகிறது. ஆட்சியில் இருப்பவர்களுக்கு சாதகமாக சில எண்களை காட்டி, மக்களின் மனநிலையை மாற்றிவிடலாம் என்று நினைப்பது இனி சாத்தியமில்லை. சமூக வலைதளங்களும், நேரடி தொடர்புகளும் பெருகிவிட்ட இந்த டிஜிட்டல் யுகத்தில், மக்கள் எதை நம்ப வேண்டும் என்பதில் மிகவும் தெளிவாக உள்ளனர். ஊடகங்கள் கட்டமைக்கும் பொய் பிம்பங்கள் அனைத்தும் தேர்தல் முடிவுகள் வரும்போது சுக்குநூறாக உடைந்து போகும். கடந்த காலங்களில் இத்தகைய போலி கணிப்புகள் பலமுறை தோற்றுப்போனதை மக்கள் பார்த்திருக்கிறார்கள், எனவே இந்த முறையும் அவர்கள் அத்தகைய ஏமாற்று வேலைகளுக்கு இடம் கொடுக்க மாட்டார்கள்.
இறுதியாக, தமிழக அரசியலில் ஒரு புதிய விடியல் பிறப்பதற்கான காலம் கனிந்துவிட்டது. 2026 தேர்தல் என்பது ஊழலுக்கும் நேர்மைக்கும், பழைய அரசியலுக்கும் புதிய மாற்றத்திற்கும் இடையிலான போராக இருக்கும். அந்த போரில் மக்களின் பேராதரவுடன் விஜய் வெற்றி வாகை சூடுவது உறுதி. மாற்றத்தை விரும்பும் ஒவ்வொரு தமிழரின் இல்லத்திலும் இன்று தவெக ஒரு நம்பிக்கையாக மாறியுள்ளது. எவ்வித எதிர்பார்ப்பும் இன்றித் தன்னார்வத்துடன் விஜய்க்காக உழைக்கும் கோடிக்கணக்கான தொண்டர்களின் உழைப்பு வீண் போகாது. திராவிடக் கட்சிகளின் ஆதிக்கத்திற்கு முற்றுப்புள்ளி வைத்து, ஒரு புதிய நிர்வாக முறையை தமிழகத்தில் விஜய் கொண்டு வருவார் என்பதே நிதர்சனமான உண்மை.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
