அமெரிக்காவின் வர்த்தக கொள்கைகள் நிலையற்றவை என்றும், கனடாவின் அணுகுமுறை மிகவும் நிலையானது மற்றும் நம்பகமானது என்றும் இந்தியா உள்பட உலக நாடுகள் தற்போது உணர தொடங்கியுள்ளன. இதன் விளைவாக, உலகின் சில முக்கிய நாடுகள் கனடாவுடன் பில்லியன் டாலர் மதிப்புள்ள வர்த்தக ஒப்பந்தங்களை செய்து, வட அமெரிக்காவின் விநியோக சங்கிலியில் குறிப்பிடத்தக்க மாற்றங்களை ஏற்படுத்தியுள்ளன. இந்த மாற்றங்களால் அமெரிக்காவில் பொருட்களின் விலை உயர்வு, சரக்கு பற்றாக்குறை மற்றும் தொழில்துறையின் பின்னடைவு போன்றவை ஏற்பட்டுள்ளதாக சர்வதேச அரசியல் ஆய்வாளர்கள் கூறுகின்றனர்.
குறிப்பாக ஏழு நாடுகளின் அமெரிக்க வர்த்தகத்தை தவிர்த்து ஒரு புதிய பொருளாதார சந்தையை உருவாகியுள்ளது. அந்த 7 நாடுகள் இதோ:
சீனா: $1.2 பில்லியன் மதிப்பிலான அரிய வகை கனிமங்கள் பதப்படுத்தும் ஒப்பந்தம், இது அமெரிக்காவை தவிர்த்து புதிய விநியோகச் சங்கிலியை உருவாக்குகிறது.
இந்தியா: $1.8 பில்லியன் மதிப்பிலான ஜவுளி, மருந்துகள் மற்றும் பிற பொருட்களுக்கான ஒப்பந்தம், இது ஒரு பெரிய உற்பத்திப் பொருளாதாரத்தை அமெரிக்க சந்தையிலிருந்து திசை திருப்புகிறது.
மலேசியா: $900 மில்லியன் மதிப்பிலான மின்னணுவியல் மற்றும் பாமாயில் வர்த்தக ஒப்பந்தம், இது ஆசிய மின்னணுவியல் மற்றும் பிற பொருட்களை கனடா துறைமுகங்கள் வழியாக அனுப்புகிறது.
பிரேசில்: $1.5 பில்லியன் மதிப்பிலான விவசாய ஒப்பந்தம், இது வட அமெரிக்காவில் காபி, சோயாபீன்ஸ் மற்றும் பிற பொருட்களின் விநியோகத்தை மறுசீரமைக்கிறது.
தாய்லாந்து: $1.1 பில்லியன் மதிப்பிலான உற்பத்தி மற்றும் விவசாய ஒப்பந்தம், இது தென்கிழக்கு ஆசிய உற்பத்தியை கனடா நோக்கி மாற்றியமைக்கிறது.
தென்னாப்பிரிக்கா: $800 மில்லியன் மதிப்பிலான வாகன உதிரிபாகங்கள் மற்றும் விலைமதிப்பற்ற உலோகங்கள் சார்ந்த உற்பத்தி மற்றும் சுரங்க ஒப்பந்தம்.
சுவிட்சர்லாந்து: $1.3 பில்லியன் மதிப்பிலான தொழில்நுட்பம் மற்றும் ஆடம்பர பொருட்கள் ஒப்பந்தம், இது துல்லியமான சுவிஸ் உற்பத்திப் பொருட்களை கனடாவுக்கு திசை திருப்புகிறது.
இந்த மாற்றங்கள், அமெரிக்காவின் வர்த்தக கொள்கைகள் மற்றும் வரிகள் காரணமாக ஏற்பட்ட எதிர்வினையாக காணப்படுகிறது. இந்த போக்கு அமெரிக்காவின் தொழில்துறை தலைமைக்கு ஒரு பெரிய சவாலாக உள்ளது என்று கூறப்படுகிறது.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
