தமிழக அரசியல் களத்தில் தேர்தல் நெருங்கும் வேளையில், ஆளும் கட்சிகளும், எதிர்க்கட்சிகளும் ஒன்றையொன்று வீழ்த்த பல்வேறு உத்திகளை கையாளுவது வழக்கம். இந்த வகையில், பெரம்பூர் தொகுதியில் நடிகர் விஜய்யின் ‘தமிழக வெற்றி கழகம்’ கட்சிக்கு எதிராக அரங்கேறி வரும் நிகழ்வுகள், அரசியல் வட்டாரத்தில் பெரும் பரபரப்பையும் விவாதத்தையும் ஏற்படுத்தியுள்ளன.
குறிப்பாக, விஜய்யை எதிர்த்து போட்டியிடும் ஜோசப்’ மற்றும் விஜய் என்ற அதே பெயரில் உள்ள வேறு நான்கு பேர் சுயேட்சையாக வேட்புமனு தாக்கல் செய்திருப்பது, மக்களை குழப்பி வாக்குகளை பிரிப்பதற்கான ஒரு திட்டமிட்ட நாடகமாகவே பார்க்கப்படுகிறது. இதனை தமிழக வெற்றிக் கழகத் தொண்டர்கள் மற்றும் நடுநிலையாளர்கள் “நேருக்கு நேர் எதிர்க்க தைரியமில்லாத கோழைகளின் செயல்” எனச் சாடி வருகின்றனர்.
கடந்த காலங்களில் அரசியல் பழிவாங்கலுக்கும், மக்களை குழப்புவதற்கும் இதேபோன்ற உத்திகள் கையாளப்பட்டுள்ளன. இதற்கு ஒரு முக்கிய உதாரணமாக ஓ. பன்னீர்செல்வத்தின் தேர்தல் அனுபவத்தை குறிப்பிடலாம். அதிமுகவில் ஏற்பட்ட பிளவின் போது, ஓபிஎஸ்-க்கு எதிராக அதே பெயர் கொண்ட பலரை வேட்பாளர்களாக நிறுத்தி, வாக்காளர்களை குழப்பி, வாக்குகளை பிரிப்பதற்கான முயற்சிகள் நடைபெற்றன. இது அவருக்கு பின்னடைவை ஏற்படுத்தியதோடு, அரசியல் ரீதியான விமர்சனங்களையும் சந்திக்க வைத்தது. இப்போது அதேபோன்ற ஒரு ‘பார்முலா’ பெரம்பூரில் விஜய்யை குறிவைத்து அரங்கேற்றப்படுவது, அரசியல் பழிவாங்கலின் உச்சமாகவே கருதப்படுகிறது.
விஜய்யின் தமிழக வெற்றி கழகம் இன்னும் தனது அரசியல் பயணத்தை முழுமையாக தொடங்கவில்லை என்றாலும், அவரது சினிமா புகழும், ரசிகர் மன்றங்களின் பலமும், அவர் எழுப்பும் கேள்விகளும் மற்ற அரசியல் கட்சிகளுக்கு ஒரு பெரிய சவாலாக அமைந்துள்ளன. இதனை நேரிடையாக எதிர்கொள்ள முடியாத சில அரசியல் சக்திகள், இப்படி பின்வாசல் வழியாக விஜய்யை முடக்க முயல்வதாக குற்றச்சாட்டுகள் எழுகின்றன. ‘எம் ஜோசப், எஸ் ஜோசப், கே விஜய், ஜி விஜய்’ என விஜய் பெயரில் நான்கு சுயேட்சைகளை நிறுத்தியிருப்பது, வாக்காளர்கள் ‘விஜய்’ என்ற பெயருக்கு வாக்கு அளிப்பதைத் தடுத்து, வாக்குகளை சிதறடிக்க செய்யும் ஒரு தந்திரமான செயல். இது விஜய்யின் கட்சிக்கு கிடைக்கக்கூடிய வாக்குகளை பிரித்து, மற்ற கட்சிகளுக்கு சாதகமாக மாற்றும் ஒரு திட்டமிட்ட முயற்சி.
ஆனால், இத்தகைய உத்திகளால் பெயரில் குழப்பம் ஏற்படுத்தலாமே தவிர, மக்களின் மனங்களையும், அவர்களது முடிவையும் குழப்ப முடியாது என தமிழக வெற்றி கழக தொண்டர்கள் நம்பிக்கை தெரிவிக்கின்றனர். அவர்கள் கூறுவது போல, “பெயரில் வேண்டுமானால் குழப்பம் செய்யலாம், ஆனால், விசில் சின்னத்தை குழப்ப முடியாதே…”. தமிழக மக்கள் இப்போது அரசியல் முதிர்ச்சி பெற்றவர்கள். அவர்கள் இதுபோன்ற சதி திட்டங்களைக் கடந்து, தங்களுக்கு தேவையான தலைமையையும், கட்சிகளையும் தேர்ந்தெடுக்கக் கூடிய திறமையைக் கொண்டுள்ளனர்.
குறிப்பாக, இளைஞர்கள் மத்தியில் விஜய்க்கு உள்ள செல்வாக்கு மற்றும் அவரது கட்சியின் கொள்கைகள் மீதுள்ள நம்பிக்கை, இத்தகைய இடையூறுகளை தாண்டி அவருக்கு வெற்றியை தேடித் தரும் என அவர்கள் நம்புகின்றனர். மேலும், இந்த சதி திட்டம் விஜய்க்கு ஆதரவாக அனுதாப அலையை உருவாக்கி, அவருக்கு இன்னும் அதிக பெரும்பான்மையுடன் வெற்றியை தேடி தரும் எனவும் சிலர் கருதுகின்றனர். இது மற்ற அரசியல் கட்சிகளுக்கு ஒரு பெரிய எச்சரிக்கையாகவும், அரசியல் வரலாற்றில் ஒரு முக்கிய நிகழ்வாகவும் மாறும்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
